Jems 1:22 - Ikan feg

²² Imbə̀ʼ mbə̰ si tambi awən ìwən nyɔd gha mbə̰ mbe zùghə Ìngam Ŋwiye. Mbə faʼa anug ne Ìngam Ŋwiye we ghà.

Meta’

²² Tɨ mbə̀ yeʼ ə bə̂d nɨə zu ɨŋgam Ŋwiə̀ zu, əne tambɨ ə ɨnyod. Mbə̀ ghɨ ɨnû mbe nɨ ɨŋgam we gha ni mbə̀ ghɨ̀ ə.

Jems 1:22 Marejeleo ya Msalaba

Matìyò 12:50

Tesiʼ ya gha, wə̀d ne fàʼà inug icheg ne ìmə Mbaʼ ne yaʼi ikaŋ àbɔ̀ŋɔ kə̀bi, tengàŋ ya ìmə ifi tì ìmə njàbi fɔrɔ ìmə ngɔb.”

Matìyò 28:20

Mbə̀ chwiti inug inɔb mbe se zùgrə tikə tijìm te ne mə̀ ya nàʼi inən. Mbə̀ kyeri gha, mə biri yaʼ amə tì inən mà nyumə̀ ijìm anene isəg nwḭ̀yḛ̀.”

Lk 11:28

Yeso ya ywìtì gha, “Ŋwiye zì àbɔrɔ̀bɔd yaʼ igun wə̀d we ne zùghə Ìngam Ŋwiye bə̀ ghìyə̀ inug mbe ne we ghà.”

Jn 13:17

Amad anìŋ ne mbə̀ kyeri inug mbo̰, mbə̀ fàʼa mbiwən, Ŋwiye biri zì àbɔrɔ̀bɔd igun inən.”

Rm 2:13

Chəyi wə̀d we tə̀mə kòʼò imbìghè abə Ŋwiye məyi imbə̀ʼ icheg ne we zùghə mə̀nɔ̀ʼɔ̀ Muse. Wə̀d ya tə̀mə kòʼò məyi ane we fàʼà inug mbe ne mə̀nɔ̀ʼɔ̀ mbe ghà.

1 Kɔrèn 15:33

Imbə̀ʼ mbə̰ bḛ awən gha wə̀d mɔ̀ʼɔ tambi awən. Mbə̀ kyeri gha, “Mə̀sə̀ʼ tibɔ̀ŋ ya chìkə̀ bəd inug chɔm.”

1 Kɔrèn 3:18

Imbə̀ʼ wə̀d tàmba yi ìwi nyɔd. Wə̀d mɔ̀ʼɔ abɔ̀ʼ inən mə kɔ̀ndi gha zìye bèrì iwe icheg ne bəd igun isəg mbe nḛ̀ bəd iwe, wì beri ni bə̀ŋə̀ si yaʼ icheg anen imbə̀ʼ bèrì iwe tesiʼ.

1 Kɔrèn 6:9

Àkə Chəyi mbə̀ kyeri gha chəyi bəd ne ghìyə̀ inug izəg biri nyi inga anug ìfɔ̀n Ŋwiye? Imbə̀ʼ wə̀d tàmba yi ìwi nyɔd ka! Chəyi bəd ne fànà biri nyi inga anug ìfɔ̀n Ŋwiye, kə̀ bəd ne ghùmnə mə̀ŋwiye, kə̀ mə̀yi nami ne nɔ̀kɔ̀ mbaŋà ndəŋ fɔrɔ mbaŋà ne nami ne nɔ̀kɔ̀ àyi ndəŋ, kə̀ mbaŋà ne chəyi zi nami ne nɔ̀kɔ̀ àyi, kə̀ mbaŋà ne nɔ̀kɔ̀ mbaŋà,

Gàlesìyà 6:3

Wə̀d mɔ̀ʼɔ abɔ̀ʼ inən mə̀ niŋ ìwi nyɔd gha zìye ya ijiʼi wə̀d ne kayi ane, ane ya gha, tengàŋ ya tàmba ìwi nyɔd.

Gàlesìyà 6:7

Imbə̀ʼ mbə̰ si tamba awən ìwən nyɔd. Chəyi tì wə̀d niŋ Ŋwiye ane anen. Aghi ze ne wə̀d nyɔ̀ʼi, à ya àzewən ne wì biri kab.

Fìlipì 4:8

Ìmbum məfi fɔrɔ ìtum njàbi, anug ne si nwḭ̀yḛ̀ ya gha, anug mə̀ yaʼ àze tesiʼ, bə̀ yaʼ anug chɔm, bə̀ yaʼ anug ne koʼi, mbə̀ nɔŋɔ ikɔndi igun. Anug mə zen, tì anug ne chwìye àkɔ̀ŋì, bə̀ yaʼ anug ne tì wə̀d nen kɔ̀ŋ, bə̀ yaʼ anug ne tì wə̀d ghùmni, bə̀ yaʼ anug ne taŋ bɔ̀ŋ, mbə̀ bə nɔ̀ŋì ikɔndi igun.

Kòlosè 3:17

Inga ìmbən inug ijìm, kə̀ mbə̰ kə ghàmà kə̀ fàʼà, mbə̀ ya ghìyə̀ inug ijìm məyi ane ikum Anɔŋisəg Yeso. Mbə̀ ya ghìyə̀ ane chè anjìm Anɔŋisəg Yeso nàʼà məyakà abə Ŋwiye ne yaʼi Mbaʼ ne ghi mbə yaʼ ane ifɔti tì məd.

2 Timotì 3:13

Àsi bəd inug tibɔ̀ŋ fɔrɔ bəd mbe ne nìŋə tikum bəd tàmba mə̀mbin, mbɔb biri chè imbìghè ni ya tàmba bəd. Bəd ndəŋ biri bə tambi awɔb.

Tayitùs 3:3

Mba ina ya bə̀ kweʼì ghì inug anen bə̀ kweʼì ghì tìzughə̀. Mbi ya kweʼì tàmbi awa, tì febè. Mbi ya kweʼì ghì tì bḛ ìbòʼì abə tiku inug ijìm mbe ne nyàmnyɔd ze ghə̀ʼrə̀ bə̀ kɔ̀ŋɔ̀. Tì yaya ghìyə̀ inug izəg igun bəd. Tì yaya bə̀ ghìyə̀ àdeg. Bəd yaya bà̰ awa. Tì yaya bə̀ bà̰ ìwa nyɔd mba mba.

Jems 1:26

Wə̀d mɔ̀ʼɔ abɔ̀ʼ inən wa kɔ̀ndi gha zìye təm kà inga anug Ŋwiye? Àmə chəyi wì kyèri ni nyimbi ìwi ichug, wì ya tàmba ìwi nyɔd. Anug Ŋwiye məd ya bə̀ ati ako.

Jems 4:11

Ìmbum məfi fɔrɔ ìtum njàbi, imbə̀ʼ wə̀d ghama yi anug tibɔ̀ŋ igun wə̀d ndəŋ. Wə̀d we ne ghàmà inug tibɔ̀ŋ igun wə̀d ndəŋ, kə̀ sàʼa wə̀d ndəŋ, tengàŋ ya gha chəyi mə̀nɔ̀ʼɔ̀ Ŋwiye koʼi. Məd ya ane bə̀ sàʼa mə̀nɔ̀ʼɔ̀ Ŋwiye. Àghò mə sàʼ mə̀nɔ̀ʼɔ̀ Ŋwiye, ane ya gha, chəyi àghò biri ya nɔ̀ŋɔ̀ mə̀nɔ̀ʼɔ̀ mbe. Àghò biri yaʼ wə̀d ne sàʼà mə̀nɔ̀ʼɔ̀.

Jems 4:17

Ane, wə̀d ne kyeri anug ne koʼi ni ghì, chəyi wì si ghì, tengàŋ gùg anug.

2 Pità 2:13

Ŋwiye biri ghum chə awɔb imbə̀ʼ ìmbɔb inug tibɔ̀ŋ mbe ne mbɔb mbe fàʼà. Mbɔb ya kɔ̀ŋɔ̀ ni ghì inug mbe ne ìtɔb nyàmnyɔd kɔŋi kwàʼ tisi. Mbɔb ya kwàʼ apabi tibɔ̀ŋ ne abɔ̀ʼ inən ne zìyè tìnìrètog igun inən icheg ne mbɔb mbe fɔ̀tɔ abɔ̀ʼ inən ni jəg bə̀ kiri ghìyə̀ ìmbɔb inug tibɔ̀ŋ.

1 Jɔn 1:8

Tì mə̀ gha chəyi tì beri anug tibɔ̀ŋ inga ina, nji tì ya tàmba ìwa nyɔd. Chəyi tesiʼ yaʼi inga inug mbe ne te ghà.

1 Jɔn 2:3

Tì mə ya zùgrə tikə Ŋwiye, nji ze biri chwi gha tè kyèri aməd.

1 Jɔn 3:7

Ìmbum bɔn ne mə̀ taŋ kɔ̀ŋ, imbə̀ʼ mbə̰ saŋa awən gha wə̀d mɔ̀ʼɔ febre awən. Wə̀d ne ghìyə̀ inug ne təmi kòʼ, tengàŋ ya wə̀d ne bə̀ təm kòʼ icheg ne Kristo bə̀ təm kòʼ.

3 Jɔn 1:11

Ìmə ìsə̀ʼ ne mə̀ taŋ kɔ̀ŋ, imbə̀ʼ àghò niŋ awe ikuchèg tibɔ̀ŋ we. Àghò ya ghìyə̀ yaʼ inug chɔm. Àghò wendi gha, mbi ya kyere wə̀d Ŋwiye chɔm ane inug chɔm ne we ghìyə̀. Àghò bə wèndi gha, bəd ne ghìyə̀ inug tibɔ̀ŋ, ze ya chwìye gha chəyi mbɔb yaʼi ane anug amɔʼ tì Ŋwiye.

Ɨnû 12:9

Mbi ya màʼ tìsɔ̀ʼ jo ze igun isəg, ne ya jo ze ne ya yaʼi te aneg, ne mbe kàrà ane Debrə̀ kə̀ Sàtàn. Mbi ya màʼ aməd tì mbè angirə̀ məd məjìm igun isəg. Jo ze ya tàmba isəg ijìm.

Ɨnû 22:7

Yeso gha, “Mbə̀ zug, mə biri zàmbi yeʼe! Ŋwiye zì àbɔrɔ̀bɔd igun bəd mbe ne zùgrə inug mbe ne mbi ŋwaʼri inga àŋwàʼrì azo̰”.