Fìlipì 4:9 - Ikan feg

⁹ Anug ne mbə̀ ya nani inum, kə̀ anug ne mbə̀ ya zughi ne mə̀ ya gha anyumə̀ ne mə̀ yaya chwìte inug inən, kə̀ anug ne mbə̀ ya bàri inga ìmə ikuchèg, mbə̀ bə ghì. Mbə̰ mə̀ ghì ane, Ŋwiye we ne nàʼà àbɔrɔ̀bɔd biri yaʼ tì inən.

Meta’

⁹ Mbə̀ ghɨ ɨnû mbe nɨ mə̀ nyaʼa chwi ɨ nən mbə benɨ. Mbə̀ ghɨ̀ mbe nɨ mbə nyaʼa zu rɨ num bə̀ zə ənɨ mɨə ghɨ̀ə̀. Əne Ŋwìə̀ nɨə nàʼ əbɔrəbɔd bɨrɨ chubɨ mbɨ nən.

Fìlipì 4:9 Marejeleo ya Msalaba

Matìyò 1:23

Wì ya gha, “Mbə̀ nḛ, ŋwan àyi ne chəyi wì kiri kyeri mbaŋà biri bɔŋ ibum gwi ŋwan mbaŋà ne mbi biri kàrì aməd ane Ìmanuwè.” Aton ane ikum gho̰ ya gha “Ŋwiye we abɔ̀ʼ ina”.

Matìyò 28:20

Mbə̀ chwiti inug inɔb mbe se zùgrə tikə tijìm te ne mə̀ ya nàʼi inən. Mbə̀ kyeri gha, mə biri yaʼ amə tì inən mà nyumə̀ ijìm anene isəg nwḭ̀yḛ̀.”

Matìyò 7:21

Yeso ya ghà ywìrì ghà inɔb gha, “Kayi wə̀d ijìm ne kàrà amə gha, ‹Anɔŋisəg! Anɔŋisəg!› biri nyi inga anug ìfɔ̀n ikaŋ. À ya məyi bəd mbe ne fàʼà inug mbe ne ìmə Mbaʼ ikaŋ àbɔ̀ŋɔ kə̀bi ne biri nyi inga anug ìfɔ̀n məd.

Lk 6:46

Yeso ya bə̀ ywìrì gha, “Aton ne mbə̰ mbe kàrà amə gha, ‹Anɔŋisəg, Anɔŋisəg›, chəyi mbə̰ mbe bə̀ fàʼà anug ne mə ghà àkə gha?

Lk 8:21

Yeso ya ywìtì inɔb gha, “Ìmə ngɔb tì ìmbum məfi ya bəd mbe ne zùghə Ìngam Ŋwiye bə̀ fàʼà icheg ne we ghà.”

Jn 13:17

Amad anìŋ ne mbə̀ kyeri inug mbo̰, mbə̀ fàʼa mbiwən, Ŋwiye biri zì àbɔrɔ̀bɔd igun inən.”

Jn 15:14

Mbə̰ mə̀ ya zùgrə anug ne mə̀ ghà, mbə̰ ya ìmbum mə̀sə̀ʼ.

Jn 2:5

Ngɔb ìwi Yeso ya ghà abə bəd mbe ne yaya ko̰ mənoʼ gha, “Aghi ne wì gha inən gha mbə̀ fàʼa, mbə̀ bə fàʼ kwàʼ àzewən.”

Ɨ̀fàʼì 9:6

Nɔ̀ʼɔ amad anìŋ ghò nyi inga Dàmaskòs. Anyumə̀ ne àghò pe angu, wə̀d mɔ̀ʼɔ biri zən awe mə̀tì anug ne àghò mənyìʼ fàʼ.”

Rm 15:33

Ŋwiye we ne nàʼà àbɔrɔ̀bɔd yaʼ tì inən mbə̰ məjìm. À ya ane.

Rm 16:20

Chəyi agha biri sà, Ŋwiye we ne ghìyə̀ tì chùghə ane àbɔrɔ̀bɔd biri baŋi Sàtàn si ghì mbə bèrì ika igun məd. Anɔŋisəg Yeso Kristo ghiyə ìchɔ̀mì inən.

1 Kɔrèn 10:31

Ane, kə̀ mbə kə ghìyə̀ anug mɔ̀ʼɔ, kə̀ jə̀ghə kə̀ no, mbə̀ ya ghìyə̀ inug ijìm ni nàʼ ighumni abə Ŋwiye.

1 Kɔrèn 14:33

Mbə̀ ya ghìyə̀ ane imbə̀ʼ icheg ne chəyi Ŋwiye we ghìyə̀ inug inga àbùrì. Ŋwiye ya kə̀bə̀ gha bəd chughi ane àbɔrɔ̀bɔd. Icheg ne ze yaʼi inga tifeti bəd Kristo tijìm,

1 Kɔrèn 4:16

Ane, mə we bòʼo ibo inən gha mbə̀ yḛ igun ìmbum ibɔʼì ighog.

2 Kɔrèn 13:11

Ìmba məfi fɔrɔ ìta njàbi, mbə̀ si chùghi icheg chɔm. Mbə̀ se kìrə ika ni təm zen mànì. Mbə̀ ya zùgrə tikə te ne mə̀ nàʼi inən. Mbə yaʼ ane ichug imɔʼ bə̀ chùghi ane àbɔrɔ̀bɔd. Ane, Ŋwiye we ne kɔ̀ŋɔ̀ awa bə̀ zìyè àbɔrɔ̀bɔd igun ina biri yaʼ tì inən.

Fìlipì 3:17

Ìmbum məfi fɔrɔ ìtum njàbi, mbə̀ niŋ ìmə ikuchèg kwàʼ mbə̰ məjìm. Mbə̀ ya nàna inug abə bəd mbe ne ghìyə̀ inug mbe ne tì ya chwiti inən.

Fìlipì 4:7

Mbə̰ mə̀ ghì ane, nji Ŋwiye biri zì àbɔrɔ̀bɔd inən inga fìŋ ne biri ghì gha imbə̀ʼ ìtən fìŋ si bɔd yi. Àbɔrɔ̀bɔd ze biri bə ghì gha imbə̀ʼ ìtən tikɔndi si naʼa yi ngəʼ inən icheg ne mbə̀ yaʼi ane ifɔti tì Yeso Kristo. Chəyi tì wə̀d-aku taŋ kyèri iku àbɔrɔ̀bɔd azo̰ ne Ŋwiye we nàʼà.

1 Tèsàlonikà 1:6

Ka mbə̰ ya jiʼì yaʼ awən inga ngəʼ, mbə̰ ya fə ko ni ghì inug icheg Anɔŋisəg bə̀ fɔrɔ icheg ina. Mbə̰ ya niŋ ikən chɔm we ane igyendi ne Azwighi Ŋwiye ze nàʼà.

1 Tèsàlonikà 2:14

Ìmba məfi fɔrɔ ìta njàbi, inug mbe ne ya du abə ifeti bəd Ŋwiye we a Jùdeyà, mbe bə̀ dù inən. Ifeti bəd Ŋwiye we ya bəd mbe ne ya bḛ Yeso Kristo. Mbə̰ ya zə̰ ngəʼ ikye abo abə ìmbən bəd aben bə̀ icheg ne mbɔb ya bə̀ zə̰ ngəʼ ikye abo abə mə̀Ju.

1 Tèsàlonikà 5:23

Məd Ŋwiye we ne ghìyə̀ bəd chùghə ane àbɔrɔ̀bɔd, wì ghiyə mbə̀ zen mànì. Ŋwiye ghiyə gha àzən azwighi tì ìtən fìŋ fɔrɔ ìtən nyàmnyɔd ya ghìyə̀ inug ne koʼi. Ane, chəyi anug tibɔ̀ŋ mɔ̀ʼɔ ne tì wə̀d mɔ̀ʼɔ ghà imbə̀ʼ awən anyumə̀ ne Anɔŋisəg Yeso Kristo biri ywiri yeʼe.

2 Tès 3:4

Anɔŋisəg fə ghì tì kyèri kwàʼ tesiʼ gha, mbə̰ mbe ghìyə̀ inug ne tì ya kə awən. Tè bə̀ kyèri kwàʼ tesiʼ gha mbə̰ biri chè imbìghè ni taŋ ghì inug mbe.

2 Timotì 4:22

Anɔŋisəg yaʼ tì àze azwighi. Ŋwiye bə ghì ìchɔ̀mì inən mbə̰ məjìm.

Jems 1:22

Imbə̀ʼ mbə̰ si tambi awən ìwən nyɔd gha mbə̰ mbe zùghə Ìngam Ŋwiye. Mbə faʼa anug ne Ìngam Ŋwiye we ghà.

2 Pità 1:10

Ane, ìmbum məfi fɔrɔ ìtum njàbi, mbə̀ kirə ika ni chughi kwàʼ məyi icheg bəd ne Ŋwiye ya kàri bə̀ chɔʼ gha mbə̀ yaʼ ìmbi bəd. Mbə̰ mə̀ chùghi ane, nji chəyi mbə̀ biri nɔʼ ghi anug tibɔ̀ŋ.

1 Jɔn 3:22

Ŋwiye we nàʼà ighi ijìm mbe ne te kə̀bə̀ ina imbə̀ʼ icheg ne tì we zùgrə mə̀nɔ̀ʼɔ̀ məd bə̀ fàʼà inug ijìm ne bɔŋi ibo.