Fìlipì 4:8 - Ikan feg

⁸ Ìmbum məfi fɔrɔ ìtum njàbi, anug ne si nwḭ̀yḛ̀ ya gha, anug mə̀ yaʼ àze tesiʼ, bə̀ yaʼ anug chɔm, bə̀ yaʼ anug ne koʼi, mbə̀ nɔŋɔ ikɔndi igun. Anug mə zen, tì anug ne chwìye àkɔ̀ŋì, bə̀ yaʼ anug ne tì wə̀d nen kɔ̀ŋ, bə̀ yaʼ anug ne tì wə̀d ghùmni, bə̀ yaʼ anug ne taŋ bɔ̀ŋ, mbə̀ bə nɔ̀ŋì ikɔndi igun.

Meta’

⁸ Mbɨ bɔŋgɔb, ənû nɨ sɨ nwìə̀ yɨ ni, ənû ə mɔʼɔ mɨ bɔ̀ŋ, ənû ə mɔʼɔ mɨ yeʼ əŋgu nɨ bə̂d ə yiirɨə, mbə nuŋ tə rɨkɔndɨ ɨgun ɨnû mbe. Ənû nɨ yeʼ əzɨ rəsìʼ, ənû nɨ tɨ bə̂d wumnɨ, ənû nɨ kuʼnɨ, ənû nɨ zeŋɨ, ənû nɨ bə̂d ə ghaʼə mbɨ ənû nɨ tɨ bə̂d feenɨ, yɨ mbe nɨ tɨ̀ mbə nùŋ tə rɨkɔndɨ ɨgun.

Fìlipì 4:8 Marejeleo ya Msalaba

Matìyò 22:16

Ane, mbi ya chà ìmbɔb mə̀mə̀nənùg tì bəd mɔ̀ʼɔ abɔ̀ʼ mə̀sə̀ʼ ìmbi ifɔn Erɔ̀d abə Yeso. Bəd mbe ya ghò pè ghà abə Yeso gha, “Àchwitìnùg, tè kyèri gha àghò we ghàmà tesiʼ. Àghò ya chwìte yaʼ tesiʼ imbə̀ʼ icheg ne Ŋwiye kə̀bi gha bəd chughi. Tè bə̀ kyèri gha chəyi àghò we bɔ bəd imbə̀ʼ icheg ne chəyi àghò we ghìyə̀ ighə.

Mk 6:20

Erɔ̀d ya ghùmnə Jɔn imbə̀ʼ icheg ne wì ya kyeri gha Jɔn ya wə̀d ne təmi kòʼ bə̀ yaʼ wə̀d ne təmi zen. Ane, wì yaya tàŋà məd. Wì yaya kɔ̀ŋɔ̀ ni zug inug ne Jɔn we ghà. Si ya gha, mà nyumə̀ ijìm ne wì zùghi inug mbe, mbi ya nàʼà ngəʼ ibo.

Lk 16:15

Wì ya ghà inɔb gha, “À ya mbə̰ ne chwìte abə bəd gha mbə̰ təm kòʼ. Ighi ne bəd igun isəg mbe nìŋə gha à ya ijiʼi ighi ya ighi ne yaʼi ati ako abə Ŋwiye. Ŋwiye kyèri ìtən fìŋ.

Lk 2:25

Anyumə̀ we, wə̀d mɔ̀ʼɔ ya yaʼ a Jèrusalèm ne ikum məd ya Simìyòn. Wì ya yaʼ wə̀d ne ghìyə̀ inug ne koʼi bə̀ bèrì ibɔ Ŋwiye. Wì yaya bə̀ ghɔ̀mɔ̀ nyùmə̀ ne Ŋwiye biri ghì gha bəd Izre pum. Azwighi Ŋwiye ya yaʼ igun məd.

Lk 23:50

Wə̀d mɔ̀ʼɔ ya yaʼ inga ifeti itog bəd mə̀Ju ne ikum məd ya Jòseb. Məd ya wə̀d a Àrimàtiyà inga aba aben Jùdeyà. Məd yaya wə̀d chɔ̀m ne ya bə̀ təm kòʼ imbìghè abə Ŋwiye.

Jn 7:18

Wə̀d we ne chwìte ìmbi tì inug we ghìyə̀ ane imbə̀ʼ bəd ghùmne məd. Àsi wə̀d we ne fàʼà yaʼ ni ghì gha bəd ghumni wə̀d we ne cha aməd, tengàŋ ya wə̀d ne ghà tesiʼ. Chəyi məd we ghà inug ako.”

Ɨ̀fàʼì 10:22

Mbaŋà te ya ywìtì ibo gha, “À ya Kònilìyùs we ne yaʼi atog wə̀d igun mə̀sogyì iki ifibì tɔmi awa ine. Məd ya wə̀d ne ghìyə̀ inug ne təmi kòʼ bə̀ ghùmnə Ŋwiye. Mə̀Ju məjìm mbe ghàmà inug chɔm imbə̀ʼ aməd. Angirə̀ Ŋwiye kə̀ ghà ibo gha, wì tɔm bəd ine mbe kara awe àghò yeʼe, imbə̀ʼ wì zug anug ze ne àghò beri ni ghà ibo.”

Ɨ̀fàʼì 22:12

Mbaŋà mɔ̀ʼɔ ya yaʼ a Dàmaskòs ne ikum məd ya Ànàniyàs. Məd ya nɔ̀ŋì ìzi fìŋ igun Ŋwiye. Məd yaya bə̀ nɔ̀ŋɔ̀ mə̀nɔ̀ʼɔ̀ Muse. Mə̀ju məjìm yaya ghà inug chɔm imbə̀ʼ aməd.

Ɨ̀fàʼì 6:3

Ane, ìmba məfi fɔrɔ ìta njàbi, mbə̀ chɔʼ mbaŋà ìsàmbe abɔ̀ʼ inən ne mbə̀ kyeri gha ìwɔb ikuchèg bɔ̀ŋ, bə̀ kyèri gha mbɔb bèrì Azwighi Ŋwiye inga inɔb bə̀ bèrì iwe. Tì biri zì àfàʼì azo̰ ni ghàpì tijəg inɔb ikye abo.

Rm 13:13

Tì ghiyə ìwa ikuchèg we yaʼ icheg ìwi bəd ne yaʼi inga ìzḛzḛ tesiʼ. Imbə̀ʼ tì ghò awa ane isiŋi inug ne bəd mbe no be se ghìyə̀ izṵ inug tì inug ka ka. Imbə̀ʼ tì nyìme awa anug ni no be kə̀ àfànì kə̀ anug ni nɔ̀kì mə̀yi kə̀ mbaŋà abu abu kə̀ ìdɔ̀b kə̀ àzɔ̀ŋì.

Rm 13:3

À ya ane imbə̀ʼ icheg ne bəd mbe ne ghìyə̀ inug ne koʼi, chəyi mbɔb mbe bɔ itog bəd. Àmə chəyi mbə̀ kəbi ni ya bɔ itog bəd, mbə̀ ya ghìyə̀ inug ne koʼi. Mbə̰ mə̀ ghì ane, itog bəd mbe biri se ghùmnə awən.

Rm 14:18

Bəd mə̀ ya fàʼà abə Kristo ane ikuchèg gho̰, nji Ŋwiye biri ya gyènde tì inɔb, bəd bə̀ bḛ gha mbe fàʼ icheg chɔm.

Rm 2:29

Ju tesiʼ ya wə̀d we ne bḛ Ŋwiye kwàʼ ibo inga fìŋ. Anug ni ŋwed wə̀d tesiʼ ya ikɔpi we ne yaʼi inga fìŋ wə̀d ne à ya Azwighi Ŋwiye ghi, kayi mə̀nɔ̀ʼɔ̀ Muse. Wə̀d ne beri iku ikɔpi gho̰ inga fìŋ məd ya bèrè ighumni ne nɔʼi imbìghè abə Ŋwiye kayi abə bəd igun isəg.

1 Kɔrèn 4:5

Ane ya gha, imbə̀ʼ mbə̰ sɔbɔ awən isaʼi igun wə̀d ne chəyi nyùmə̀ kiri koʼi. Mbə̀ ghɔmɔ. Anyumə̀ ne Anɔŋisəg biri yeʼe, wì biri chì inug ne yaʼi inə̀mbi inga fìŋ abə bəd fɔrɔ tikɔndi bəd gwè asaŋ. Anyumə̀ we, Ŋwiye biri ghumni wə̀d imɔʼ imɔʼ icheg ne àfàʼì məd chwi.

2 Kɔrèn 13:7

Ìwa ichaʼri Ŋwiye ya gha, imbə̀ʼ mbə̰ nɔ̀ʼ gùg anug. Chəyi te chàʼrà Ŋwiye ane ni chwi gha tè chè àkwàrì. Ka mbə̰ niŋ awa gha tè gùg àkwàʼrì, tì ya chàʼrà Ŋwiye gha, mbə̀ se ghìyə̀ inug chɔ̀m.

2 Kɔrèn 6:8

Bəd mɔ̀ʼɔ mbe ghùmnə awa, mə̀mbin mbe wèghè awa. Bəd mɔ̀ʼɔ mbe ghà inug tibɔ̀ŋ imbə̀ʼ awa, mə̀mbin mbe ghà inug chɔm imbə̀ʼ awa. Mba ya bəd ne ghàmà tesiʼ, si ya gha, bəd ya nìŋə awa ane bəd ne ghàmà inug ako.

2 Kɔrèn 8:18

Tì we bə cha ìwa ifi ndəŋ tì Tayitùs. Ìwa ifi gho̰ ya wə̀d ne mbe ghùmnə aməd inga tifeti bəd Ŋwiye tijìm, gha məd we chètè ikən chɔm.

2 Kɔrèn 8:21

Aton ya gha tì we chè inga ngəʼ ni fàʼ anug ne koʼi imbìghè abə Anɔŋisəg fɔrɔ abə bəd ijìm.

Gàlesìyà 5:22

Àsi inug mbe ne Azwighi Ŋwiye ze kə̀bə̀ ya: àkɔ̀ŋì, igyendi, àbɔrɔ̀bɔd, inyimbifiŋ, anug ni ghì inug chɔm, anug ni bèrì fìŋ chɔm, anug ni bḛ anug fàʼ,

Efesùs 4:25

Wə̀d imɔʼ imɔʼ abɔ̀ʼ inən waʼ inug ako se ghàmà məyi tesiʼ imbə̀ʼ mə̀mbin imbə̀ʼ icheg ne tì fə si bəd imɔʼ anjìm Kristo.

Efesùs 5:9

Aton ya gha, ìzḛzḛ we ya ghìyə̀ wə̀d bere fìŋ chɔm tì ikuchèg ne təmi kòʼ bə̀ kyère tesiʼ.

Efesùs 6:14

Ane, mbə̀ təm kà, kɔd inug tesiʼ inən ìkyèri icheg ne sogyì we kɔ̀rɔ ìkɔ̀bì. Anug ni təm kòʼ imbìghè abə Ŋwiye ze yaʼ inən ane igo icheg ne atə̰-igo ze yàʼa ane igo abə sogyì.

Fìlipì 3:1

Ìmbum məfi fɔrɔ ìtum njàbi, bɔŋ mə̀ se nwḭ̀yḛ̀, mə biri ghà inən gha, mbə̀ ya gyènde icheg ne mbə̀ yaʼi ane ifɔti tì Anɔŋisəg. Chəyi ze yaʼi anug mɔ̀ʼɔ inum ni ywìrì ŋwàʼrì inug mbe ne mə̀ ya bi ŋwàʼrì inən. Mə ya ghìyə̀ anìŋ ni ghì gha imbə̀ʼ mbə̰ nɔ̀ʼ nyi inga ngəʼ.

Kòlosè 4:5

Mbə̀ we awən ane icheg ne mbə̰ mbe ghìyə̀ inug tì bəd mbe ne kayi bəd Kristo. Mbə̀ niŋ apan ze ne mbə̀ yaʼi tì inɔb ghì inug ne chwìye gha mbə̰ ya bəd Kristo.

1 Tèsàlonikà 4:12

Mbə̀ ghiyə ane ni gha bəd ne kayi bəd Kristo biri ya ghùmnə awən, fɔrɔ ni gha chəyi mbə̰ biri ya nḛ̀ igun wə̀d mɔ̀ʼɔ gha wì ya nàʼà ighi inən.

1 Timotì 2:2

Mbə̀ ya bə̀ chàʼrà Ŋwiye abə məfɔn fɔrɔ abə itog bəd mbe ne sàʼa aben. Mbə̀ ghiyə ane imbə̀ʼ tì chughi ane àbɔrɔ̀bɔd bə̀ nɔ̀ŋì fìŋ ane anug Ŋwiye bə̀ chùghi ane ìzḛzḛ.

1 Timotì 3:11

À ya bə̀ ane ne, ìmbɔb mə̀yi bèrì ni yaʼ mə̀yi ne bəd mbe ghùmnə. Kayi mə̀yi ne chìkə̀ tikum bəd. Ìmbɔb mə̀yi bèrì ni yaʼ mə̀yi ne kɔ̀ŋɔ̀ ni ghì gha bəd chughi ane àbɔrɔ̀bɔd. Ìmbɔb mə̀yi bèrì ni bə yaʼ mə̀yi ne tì bəd nɔ̀ŋì fìŋ igun inɔb ane inug ijìm.

1 Timotì 3:4

Wì bèrì ni kyeri icheg ni nyimi bəd məjìm mbe ne chùghə ibo inga nəb. Wì bèrì ni ghì gha bɔn məd ya zùgrə aməd bə̀ ghùmnə aməd ane inug ijìm.

1 Timotì 4:12

Imbə̀ʼ àghò saŋa awe gha wə̀d mɔ̀ʼɔ chapa awe imbə̀ʼ icheg ne àghò yaʼi ŋwan kwa. Àghò bèrì ni yaʼ icheg aməgrì abə bəd mbe ne bḛ Kristo ane ìwe ìngam ichug fɔrɔ ane ìwe ikuchèg fɔrɔ ane icheg ne àghò we kɔ̀ŋɔ̀ bəd fɔrɔ ane ikuchèg ne àghò tə̀mi kà inga ìwe ibḛfiŋ fɔrɔ ane icheg ne àghò we bə̀ ghìyə̀ inug ne zḛ.

1 Timotì 5:10

Bəd bèrì ni kyeri aməd ane inug chɔm məd. Wì bèrì ni yaʼ àyi ne nḛ ìmbi bɔn icheg chɔm, àyi ne nìŋə bəd ibo inga achan, bə̀ yaʼ àyi ne sò ighog abə bəd Ŋwiye. Wì bèrì ni yaʼ àyi ne wète bəd mbe ne yaʼi inga ngəʼ, bə̀ yaʼ àyi ne nàʼà ìwi nyɔd ane anug ni ghì inug chɔm ane tiku inɔnjì ijìm.

1 Timotì 5:2

Àghò ya ghìyə̀ inug tì mə̀yi mbe ne yaʼi bəd kyen ine icheg ni gha mbɔb ya ìmbe mbì ngɔb. Àghò ya bə̀ ghìyə̀ inug inga ìzḛzḛ tì bɔn àyi icheg ni gha mbɔb ya ìte njàbi.

Tayitùs 1:8

Wì yaʼ wə̀d ne nìŋə bəd ibo inga nəb icheg chɔm bə̀ kɔ̀ŋɔ̀ ni ghì inug chɔm. Wì yaʼ wə̀d ne kyeri icheg ni nyimbi nyɔd bə̀ təm kòʼ imbìghè abə Ŋwiye. Wì yaʼ wə̀d ne ghìyə̀ inug ne chwìye ìzḛzḛ bə̀ ya nɔ̀ŋɔ̀ mə̀nɔ̀ʼɔ̀ Kristo.

Tayitùs 2:14

Wì ya nàʼ àze atog imbə̀ʼ awa ni zeri awa chì ane ìmba inug tibɔ̀ŋ ni ghì gha tì si yaʼ bəd ìzḛzḛ ne yaʼi kwàʼ ìmbi məd ne se kɔ̀ŋɔ̀ ni ghì məyi inug chɔm.

Tayitùs 2:2

Àghò gha abə mbaŋà kyen gha mbe ya nyìmbe fìŋ bə̀ ghùmnə ìwɔb nyɔd bə̀ nyìmbe nyɔd ane ìtɔb tighi inug. Àghò bə̀ ghà inɔb gha mbe beri ibḛfiŋ igun Yeso Kristo bə̀ ya kɔ̀ŋɔ̀ mə̀mbin bə̀ ya nyìʼè fìŋ anyumə̀ ne mbɔb yaʼi ngəʼ.

Tayitùs 2:7

Àghò ine, ya ghìyə̀ yaʼ inug chɔm gha mbɔb bara, kɔ̀pi ìtɔb fìŋ. Àghò chwiti tesiʼ inɔb ane ìzi fìŋ ijìm.

Tayitùs 3:14

Ìmba bəd mənyìʼ nàni icheg ni ya zìyè atog ghìyə̀ inug chɔm. Mbɔb mə̀ ya ghìyə̀ ane mbɔb biri wètì bəd ndəŋ. Ane, chəyi mbɔb biri yaʼ icheg bəd ne chəyi aghi niŋi ane inɔb.

Mə̀Hibrù 11:2

Ibḛfiŋ gho̰ ya aghi ze ne bəd mbe te aneg ya beri, Ŋwiye si niŋ awɔb gha mbe kòʼ.

Mə̀Hibrù 13:18

Mbə̀ chaʼra Ŋwiye ina. Tè kyèri kwàʼ tesiʼ gha ìta fìŋ zen imbə̀ʼ icheg ne tì ya kə̀bə̀ ni fàʼ ighi ijìm ane ikuchèg ne koʼi.

Jems 1:27

Anug Ŋwiye ne Ŋwiye ne yaʼi ìwa Mbaʼ wì bḛ gha ze kòʼ bə̀ zen, ya anug ni nèn bɔn iti tì məku àyi, wètì awɔb anyumə̀ ne mbɔb yaʼi inga ngəʼ. Wì bə̀ bḛ gha wə̀d duwə inga inug tibɔ̀ŋ mbe ne yaʼi igun isəg.

Jems 3:17

Àsi iwe we ne Ŋwiye nàʼi ya iwe ne ghìyə̀ bəd ghìyə̀ inug zḛ zḛ. Wi ya ghìyə̀ bəd chùghə ane àbɔrɔ̀bɔd bə̀ bèrè fìŋ bɔ̀ti bɔti. Bəd ne beri iku iwe gho̰ ya dìgrè igun mə̀mbin bə̀ zùghə anug ne bəd ndəŋ mbe ghà. Chəyi bəd ne beri iku iwe gho̰ mbe ghìyə̀ ighə kə̀ bə̀ŋə̀ inug.

1 Pità 1:22

Mbə̰ fə ghì ìtən fìŋ zen icheg ne mbə̰ mbe ghìyə̀ inug mbe ne yaʼi mbe tesiʼ. Mbə̀ taŋ kɔ̀ŋ ìmbən məfi fɔrɔ ìtən njàbi kwàʼ icheg chɔm. Mbə̀ ya kɔ̀ŋɔ̀ wə̀d imɔʼ imɔʼ kwàʼ inga ìtən fìŋ.

1 Pità 2:12

Mbə̀ bere ikuchèg chɔm inga bəd mbe ne kayi mə̀Ju. Ane, anyumə̀ ne bəd gha mbə̰ mbe ghìyə̀ inug tibɔ̀ŋ, mbi biri bàd ìwən ikuchèg chɔm, si ghùmni Ŋwiye ane aneg ze ne wì biri ywiri yeʼe.

1 Pità 4:8

Anug kyen ne chè inug ijìm ya gha, mbə̀ ya taŋ kɔ̀ŋɔ̀ wə̀d imɔʼ imɔʼ. Àkɔ̀ŋì ya kùbrə inug tibɔ̀ŋ nɔʼ nɔʼ.

2 Pità 3:1

Ìmbum məfi fɔrɔ ìtum njàbi ne mə̀ taŋ kɔ̀ŋ, àŋwàʼrì azo̰ ne mə̀ ŋwàʼri inən anìŋ ya àŋwàʼrì ne pè ane ibe. Inga ìŋwàʼrì mbo̰ ibe, mə fə kirə ika ni nɔ̀rì ìwən ikɔndi ni ghì gha mbə̀ wendi inug ijìm mbe ne mbə̀ ya fə bi kyèri ane fìŋ zḛ zḛ.

1 Jɔn 3:18

Ìmbum məfi ne mə̀ taŋ kɔ̀ŋ, imbə̀ʼ tì kɔŋɔ awa bəd məyi ane ìngam ichug. Tì ya chwìye gha tè kɔ̀ŋ bəd ane ìta tìghinùg fɔrɔ ane icheg ne te ghà tesiʼ.

1 Jɔn 3:3

Wə̀d ijìm ne nɔŋi ikɔndi igun məd tengàŋ ya ghìyə̀ ìwi ikuchèg wi zḛ bə̀ kwàʼ icheg ne Kristo bə zen.

1 Jɔn 4:1

Ìmbum mə̀sə̀ʼ ne mə̀ taŋ kɔ̀ŋ, imbə̀ʼ mbə̰ bḛ awən wə̀d ijìm ne ghà gha Azwighi Ŋwiye ze ibo inga fìŋ. Mbə̀ bi zweʼri aməd ni kyeri gha azwighi ze ne yaʼi inga məd kə nɔ̀ʼ abə Ŋwiye? Aton ya gha, bədkə̀n nɔʼ nɔʼ ne ghà inug ako fə sàkà inga isəg.