Fìlipì 4:6 - Ikan feg

⁶ Imbə̀ʼ mbə̰ si nwìʼì awən nyɔd imbə̀ʼ aghi mɔ̀ʼɔ. Mbə̀ ya dèghè ìmbən inug ijìm yaʼ abə Ŋwiye. Anyumə̀ ne mbə̰ mbe chàʼrà Ŋwiye, mbə boʼ ibo ibo, nɔ̰ ìmbən ighi ibo, bə̀ nàʼ məyakà ibo.

Meta’

⁶ Tɨ mbə̀ nwìʼ ə ɨnyod ɨmbə̀ʼ ənû ə mɔʼɔ, àyɨə mbə kɔŋgɨ ə Ŋwiə̀ ɨmbə̀ʼ ɨnû jìm, nɔn ɨnû jìm mbe nɨ mbə kwaŋɨ bə̀ nàʼ məben-əwe ɨ bɔ.

Fìlipì 4:6 Marejeleo ya Msalaba

Matìyò 10:19

Anyumə̀ ne mbi gwi awən, imbə̀ʼ mbə̰ nwìʼe awən ìwən nyɔd imbə̀ʼ anug ne mbə̀ biri ghà, kə̀ imbə̀ʼ icheg ne mbə̀ biri ghàm. Nyùmə̀ we mə̀ kòʼ, Ŋwiye biri ghì gha mbə̀ kyeri anug ni ghà

Matìyò 13:22

Fitam fe ne fendi inga agyen njəŋ ya mə̀tə̀ imbə̀ʼ wə̀d ne zùghə Ìngam Ŋwiye bə̀ bḛ, si ya gha, tikɔndi imbə̀ʼ ighi igun isəg fɔrɔ ikuchèg ne ighi igun isəg ya tàmba bəd biri nimni ìngam we. Wì biri si ku witì wì ko titam.

Matìyò 6:34

Ane, imbə̀ʼ mbə̰ nwìʼe awən ìwən nyɔd imbə̀ʼ ineg mbe ne yèʼe imbə̀ʼ icheg ne aneg ne yèʼe bèrì ìmbi tì inug. Aneg ajìm bèrì ìzi ngəʼ.”

Matìyò 6:8

Imbə̀ʼ mbə̰ ghiyə awən icheg inɔb imbə̀ʼ icheg ne ìwən Mbaʼ kyèri ighi mbe ne mbə̰ mbe kə̀bə̀ bɔŋ mbə se bìre ibo.

Lk 10:41

Anɔŋisəg ya ywìtì ibo gha, “Màta, Màta! Àghò we nwìʼè nyɔd bə̀ zə̰ ngəʼ ako imbə̀ʼ inug nɔʼ nɔʼ.

Lk 12:22

Yeso ya ghà abə mə̀mə̀nənùg məd gha, “Imbə̀ʼ mbə̰ nwìʼè awən nyɔd imbə̀ʼ ìtḛ̀ gha mbə̀ kə ghi jəg aghə? Kə̀ imbə̀ʼ ìtən nyàmnyɔd gha mbə̀ kə ghi zì aghə?

Lk 12:29

Imbə̀ʼ mbə̰ chə awən ìwən nyɔd ane aghi ni jəg kə̀ ni no.

Lk 18:1

Yeso ya ghàm ìngam məgri abə mə̀mə̀nənùg ni chwiti gha, mbe kòʼ ni ya chàʼrà Ŋwiye mà nyumə̀ ijìm ywìtì mbi bɔd.

Lk 18:7

Mbə̀ kɔ̀ndi gha chəyi Ŋwiye biri ghì anug ne koʼi abə bəd mbe ne wì chɔʼi? Mbɔb ya dèghè inug ibo ineg ijìm, tisi fɔrɔ tizimi. Mbə̀ kɔ̀ndi gha wì biri chìkì nyumə̀?

1 Kɔrèn 7:21

Wə̀d ne yaʼi àbòʼì bɔŋ Ŋwiye ya se kàrà aməd, imbə̀ʼ wì niŋ yi àze ane anug mɔ̀ʼɔ. Si ya gha, wì mə bèrì apan ni dù ane anug àbòʼì, wì du.

1 Kɔrèn 7:32

Chəyi mə̀ kə̀bi gha mbə̀ nwiʼe nyɔd. Mbaŋà ze ne chəyi zì nami, zì ya zìyè atog ni fàʼ abə Anɔŋisəg ni gha Anɔŋisəg ya gyènde.

2 Kɔrèn 1:11

Wì biri chì awa icheg ne mbə ya chàʼrà Ŋwiye ina. Àze biri ghì gha bəd nɔʼ nɔʼ biri fɔti ichug ni chàʼra Ŋwiye ina. Ane, Bəd ndan ndàn biri se nàʼà məyakà abə Ŋwiye icheg ne wì zughi ìwɔb ichaʼri, ghì tì chùghi ane àbɔrɔ̀bɔd.

Efesùs 5:20

Mbə̀ ya nàʼà məyakà abə Ŋwiye ne yaʼi ìwa Mbaʼ imbə̀ʼ inug ijìm. Mbə̀ ya ghìyə̀ ane mà nyumə̀ ijìm inga ikum Anɔŋisəg Yeso Kristo.

Efesùs 6:18

Mbə̀ bə ya chàʼrà Ŋwiye icheg ne Azwighi Ŋwiye ze nàʼà ika inən. Mbə̀ ya ghìyə̀ ane mà nyumə̀ ijìm ne mbə̰ mbe chàʼrà Ŋwiye, dèghè inug ibo kə̀ bìre ighi ibo. Ane, mbə̀ chughi ikyeʼi. Imbə̀ʼ mbə̰ bɔrɔ awən ni chàʼra Ŋwiye abə bəd məd məjìm.

Kòlosè 3:15

Mbə̀ saŋa àbɔrɔ̀bɔd ze ne Kristo nàʼi inən ze tumbə ìtən fìŋ. À ya imbə̀ʼ àbɔrɔ̀bɔd ze ne Ŋwiye ya kàri awən gha mbə̀ yaʼ ane ifɔti inga nyàmnyɔd imɔʼ. Mbə̀ ya nàʼà məyakà ibo mà nyumə̀ ijìm.

Kòlosè 3:17

Inga ìmbən inug ijìm, kə̀ mbə̰ kə ghàmà kə̀ fàʼà, mbə̀ ya ghìyə̀ inug ijìm məyi ane ikum Anɔŋisəg Yeso. Mbə̀ ya ghìyə̀ ane chè anjìm Anɔŋisəg Yeso nàʼà məyakà abə Ŋwiye ne yaʼi Mbaʼ ne ghi mbə yaʼ ane ifɔti tì məd.

Kòlosè 4:2

Mbə̀ ziye atog ni ya chàʼrà Ŋwiye mà nyumə̀ ijìm. Mbə̀ ya chàʼrà Ŋwiye bə̀ nɔ̀ŋɔ̀ ikɔndi igun ichaʼri Ŋwiye we. Mbə̀ ya bə̀ nàʼà məyakà abə Ŋwiye mà nyumə̀ ijìm.

1 Timotì 2:1

Anug mbègtog ne mə̀ kəbi ni ghà ine ya gha, mbə̀ ya chàʼrà Ŋwiye nɔ̰ ighi ibo. Mbə̀ ya chàʼrà Ŋwiye dèghè ìmbən inug ibo. Mbə̀ ya bə̀ chàʼrà Ŋwiye imbə̀ʼ inug bəd ndəŋ bə̀ nàʼà məyakà abə Ŋwiye. Mbə̀ ya ghìyə̀ ane atog abə bəd məjìm.

1 Timotì 5:5

Iku àyi ne chəyi wə̀d ni nəngi aməd, ne chùghə tèzìʼì, wì fə nɔ̀ŋì ìwi ikɔndi ijìm igun Ŋwiye. Məd ya chè imbìghè ni ya nɔ̰ ìmbi ighi abə Ŋwiye bə̀ chàʼrà Ŋwiye dèghè inug ibo tizimi fɔrɔ tisi.

1 Pità 4:7

Nyùmə̀ fə tinde ne inug ijìm biri nwḭ̀yḛ̀. Ane, mbə̀ ghiyə ìtən tikɔndi te zen bə̀ ya nyìmbe nyɔd imbə̀ʼ kyeri icheg ni chàʼra Ŋwiye.

1 Pità 5:7

Mbə̀ ziye inug ijìm mbe ne nàʼà ngəʼ inən inga ikye abo Ŋwiye imbə̀ʼ icheg ne à ya məd we nə̀rə awən.