Fìlipì 4:19 - Ikan feg

¹⁹ Ìmə Ŋwiye biri nàʼ ighi ijìm mbe ne mbə̰ mbe kə̀bə̀ inən. Wì biri chè anjìm Yeso Kristo nàʼ ighi inən inga ighi nɔʼ nɔʼ mbe ne məd bèri.

Meta’

¹⁹ Mɨ Ŋwìə̀ bɨrɨ naʼ ɨghɨjìm mbe nɨ mbə̀ kəbɨ. Wɨ̀ bɨrɨ che ənjìm ə Kristo Yeso naʼ ɨ nən rɨŋga mbɔ̂n nɔnɔʼ ze nɨ wɨ̀ berɨ.

Fìlipì 4:19 Marejeleo ya Msalaba

Matìyò 6:32

Bəd mbe ne kayi mə̀Ju mbe nwìʼè nyɔd kə̀bə̀ ighi mbo̰ ijìm. Ìwən Mbaʼ ikaŋ àbɔ̀ŋɔ kyèri àzi aghi gha à ya àzən ati ni bèrì ighi mbo̰ ijìm.

Jn 20:17

Yeso ya ghà ibo gha, “Imbə̀ʼ àghò bete awe awum imbə̀ʼ icheg ne chəyi mə̀ kiri bəndi ghò abə ìmə Mbaʼ. Ane, ndò ghò ghà abə ìmbum məfi gha, ‹Mə we bə̀ndə̀ ghò abə ìmə Mbaʼ ne ya bə̀ ìwən Mbaʼ. Məd ya ìmə Ŋwiye, bə̀ yaʼ ìwən Ŋwiye.›”

Jn 20:27

Wì ya chàʼrì awɔb ane, si ghà abə Tòmas gha, “Nḛ ìmbum ibo. Bète ìmə ikye abo, bə̀ bètì ìmə iban ìbèn. Imbə̀ʼ àghò jəmə awe. Àghò bere ibḛfiŋ.”

Rm 1:8

Anug mbègtog ya gha, mə nàʼ məyakà abə ìmə Ŋwiye imbə̀ʼ awən anjìm Yeso Kristo imbə̀ʼ icheg ne bəd inga isəg ijìm mbe ghàmà inug chɔm imbə̀ʼ ìwən ibḛfiŋ we ne mbə̀ beri.

Rm 11:33

Weye! mbə̀ nḛ icheg ne Ŋwiye we ghìyə̀ ìchɔ̀mì abə bəd məjìm. Mbə̀ nḛ icheg ne wì beri iwe bə̀ kyèri inug ijìm! Chəyi tì wə̀d kyèri tikɔndi məd. Chəyi tì wə̀d bə kyèri tikuchèg məd.

Rm 2:4

Àghò we wa wèghè inug chɔm nɔʼ nɔʼ mbe ne Ŋwiye we ghìyə̀ ine anjìm fìŋ chɔm məd bə̀ fɔrɔ icheg ne Ŋwiye we nyìmbe fìŋ tì ine, icheg ne wì sàŋi gha àghò be ghìyə̀ inug mbe ne chəyi mbi koʼi? Kə̀ chəyi àghò kyèri gha Ŋwiye ya ghìyə̀ fìŋ chɔm ine, nàʼà apan ine gha àghò bəŋi fìŋ sìkì inug tibɔ̀ŋ?

Rm 8:18

Mbə̀ kyeri gha, ighumni we ne Ŋwiye biri nàʼ ina we chè ngəʼ ìzo̰ ne te chè inga amad anìŋ.

Rm 9:23

Wì ya kə̀b ni chwi ìchɔ̀mì məd we ne chəyi ìnwḭ. Wì ya kə̀b ni chwi àsɔ̀mnəfiŋ azo̰ igun bəd məd mbe ne wì ya də̀bi ni chwi àsɔ̀mnəfiŋ inɔb. À ya bəd mbe ne wì ya fə ghum chùʼri nɔ̀ŋì gha mbi biri ghumni aməd.

2 Kɔrèn 12:21

Mə we bɔ gha, anyumə̀ ne mə̀ ywirì yèʼe, Ŋwiye biri swi amə aseg inən imbìghè. Ŋwiye biri ghì mə dèg imbə̀ʼ bəd nɔʼ nɔʼ ne chəyi mbi kiri bəŋi fìŋ sìkì inug tibɔ̀ŋ. Chəyi mbi kiri bəŋi ìtɔb fìŋ chì ane àfànì tì anug ni nɔ̀kì mə̀yi kə̀ mbaŋà abu abu.

2 Kɔrèn 4:17

Ngəʼ kwa kwa ìzo̰ ne te chè inga, chəyi zì biri tàndì. Zì ya chùʼrə awa ni nyi inga nyùmə̀ ighumni ne chəyi wì biri nɔʼ mèg. Nyumə̀ ighumni we taŋ bɔ̀ŋ chè ngəʼ izo̰.

Efesùs 1:18

Mə we bə̀ chàʼrà Ŋwiye gha wì ghiyə ìmbən itog zen imbə̀ʼ mbə̀ kyere aghi ze ne wì kàri awa gha tì nɔŋɔ ikɔndi ghɔ̀m. À ya ìchɔ̀mì kyen we ne wì ya kàʼi abə bəd məd

Efesùs 1:7

À ya anjìm anəm Yeso ne Ŋwiye ya zeri awa anyumə̀ ne wì ya waʼi ìmba inug tibɔ̀ŋ. Wì ya ghì ane anjìm ìchɔ̀mì kyen məd

Efesùs 2:7

Wì ya ghì ane ni gha inga nyùmə̀ isəg we ne məd biri yeʼe, məd we tì wì chwi gha chəyi tì mbi mə̀grì ìchɔ̀mì kyen məd we ne wì ghi ina anjìm Yeso Kristo.

Efesùs 3:16

Mə we chàʼrà Ŋwiye gha, ane ifɔmi məd we ne chəyi wi biri nɔʼ mèg, wì ghiyə ìtən fìŋ təm kà anjìm ika we ne Azwighi məd ze nàʼà.

Efesùs 3:8

Ka mə bì kə chè wə̀d kwa ne yaʼi abɔ̀ʼ bəd Ŋwiye məjìm, à ya Ŋwiye ya ghi ìchɔ̀mì inum gha mə̀ ghama abə bəd mbe ne kayi mə̀Ju imbə̀ʼ ifɔmi we ne chəyi wi biri nɔʼ mèg. À ya ifɔmi ne tì beri məyi icheg ne tì kyeri Kristo.

Fìlipì 4:7

Mbə̰ mə̀ ghì ane, nji Ŋwiye biri zì àbɔrɔ̀bɔd inən inga fìŋ ne biri ghì gha imbə̀ʼ ìtən fìŋ si bɔd yi. Àbɔrɔ̀bɔd ze biri bə ghì gha imbə̀ʼ ìtən tikɔndi si naʼa yi ngəʼ inən icheg ne mbə̀ yaʼi ane ifɔti tì Yeso Kristo. Chəyi tì wə̀d-aku taŋ kyèri iku àbɔrɔ̀bɔd azo̰ ne Ŋwiye we nàʼà.

Kòlosè 1:27

Ŋwiye ya kə̀b gha bəd məd kyeri gha anug kyen ze ne yaʼi inə̀mbi ya fɔrɔ abə bəd mbe ne kayi mə̀Ju. Anug ze ya gha, Kristo we inga inən, mbə̰ mbe ne kayi mə̀Ju. Ane ya gha, mbə̰ biri bə nyi inga kə̀tə̀d məd.

Kòlosè 3:16

Mbə̀ taŋ nyìmi ìngam Kristo inga ìtən fìŋ kwàʼ icheg chɔm. Mbə̀ ya chwìte ìngam we abə bəd bə̀ kə awən mbə̰ mbə̰ ane iwe we ne Ŋwiye nàʼi inən. Mbə̀ ya ghìyə̀ ane ane tikyèg te ne du inga Àŋwàʼrì Ŋwiye tì tikyèg te ne bəd mbe zə̀ʼə̀ ne ghùmnə Ŋwiye fɔrɔ tikyèg te ne Azwighi Ŋwiye ze nàʼà. Mbə̀ ya zə̀ʼə̀ ane, nàʼà məyakà abə Ŋwiye.

1 Tèsàlonikà 2:12

Tì yaya tìmbè awən, bə̀ chè imbìghè ni nəri awən bə̀ bòʼo ibo inən gha mbə̀ chughi ane ikuchèg ne biri ghì gha fìŋ Ŋwiye bɔŋɔ. À ya məd kàri awən gha mbə̀ yeʼe nyi inga anug ìfɔ̀n məd fɔrɔ inga ighumni məd.

1 Timotì 6:17

Àsi abə bəd ikab mbe ne yaʼi igun isəg gho̰, ghà inɔb gha, imbə̀ʼ mbi nɔ awɔb nyɔd, kə̀ bì nɔ̀ŋì ìwɔb ikɔndi igun ikab we ne chè yi che. Mbe nɔŋɔ ikɔndi yaʼ igun Ŋwiye we ne nàʼà ighi ina abu abu. Məd ya nàʼà ighi ina ni gha tì chughi icheg chɔm.

Filemɔ̀n 1:4

Ìmə ifi Filemɔ̀n, mà nyumə̀ ijìm ne mə chàʼrà Ŋwiye, mə ya wènde awe, nàʼà məyakà abə Ŋwiye.

1 Pità 5:1

Mo ne yaʼi atog wə̀d inga ifeti bəd Kristo, mə̀ ya bàd icheg ne Kristo ya zə̰ ngəʼ. Mə biri bə bàd icheg ne Kristo biri ywiri yeʼe inga ighumni məd. Mə ya anìŋ bòʼo ibo abə itog bəd inga ifeti bəd Kristo gha:

1 Pità 5:10

Anyumə̀ ne mbə̰ mbe zə̰ ngəʼ anìŋ ane iki nyumə̀ mɔ̀ʼɔ, Ŋwiye we ne ghìyə̀ ìchɔ̀mì abə wə̀d ijìm, wì bìri ywiri tangi inug ijìm inən. Wì biri ghì gha ìwən ibḛfiŋ təm kà bə̀ ghì mbə yaʼ ika ika bə̀ təm kòʼ. À ya məd ya che anjìm Kristo kàrì awən gha mbə̀ yaʼ ane ifɔti tì Kristo inga ìzḛzḛ məd we ne biri yaʼ ane ighə̀m imɔʼ.