Biblia Todo Logo
Biblia ya mtandaoni

- Matangazo -




Fìlipì 3:8 - Ikan feg

8 Kayi məyi inug mbo̰. Icheg ne Kristo fə ghi ìchɔ̀mì inum, chəyi ighi ijìm ywìrì bèrì aton inum. Anug kyen ne yaʼi inga inug mbo̰ ijìm ya icheg we ne Ŋwiye ghì ìchɔ̀mì kyen inum mə kyeri Yeso Kristo, àmə Anɔŋisəg. À ya imbə̀ʼ Kristo ne mə waʼi ighi ijìm. Mə fə niŋ gha ighi mbe ijìm ya inyɔrì ighi imbə̀ʼ yaʼ amə ane ifɔti tì Kristo.

Tazama sura Nakili

Meta’

8 Təsìʼ nɨ yeʼ əŋgu yɨ ni ɨnû jìm yɨ ɨnimɨ ənɨ mə mɨg mbɨ ənû ə kyeŋ ze nɨ bɔŋɨ chè. Ənû ə kyeŋ ze yɨ nɨ kyerɨ ə Kristo Yeso wum Ə̀nùŋɨ̀sɨg. Mə fə nim ɨnû mbe jìm ɨmbə̀ʼ ə Kristo Yeso. Mə fə zə ni ɨnû mbe jìm yɨ ɨnyɔrɨ, ɨmbə̀ʼ mə chubɨ mbɨ Kristo

Tazama sura Nakili




Fìlipì 3:8
53 Marejeleo ya Msalaba  

Mo kə we ne Ŋwiye ghumni, ghì gha àghò, ngɔb ìwi Anɔŋisəg yeʼe mùg amə?


Àmə yaʼ aghi ne mə̀ ya chìyè izwighi tibɔ̀ŋ ane ika ne Ŋwiye nàʼi inum, àze chwi gha, anug ìfɔ̀n Ŋwiye fə yeʼe se abɔ̀ʼ inən.


Aneg ze ghi mə̀ kòʼ, mbə biri kyeri gha mo yaʼ ane anug amɔʼ tì ìmə Mbaʼ. Mbə̰ biri bə kyeri gha mbə̰ mbe ane anug amɔʼ tì inum, mo inum bə̀ yaʼ ane anug amɔʼ tì inən.


Mbə̰ mə̀ kyèri amə icheg chɔm, nji mbə̰ biri bə kyeri ìmə Mbaʼ. Ni ko tèchɔ̀ŋ se ghò imbìghè, mbə̰ kyèri aməd. Mbə̰ fə bə̀ bàd aməd.”


Bəd biri ghì inən ane imbə̀ʼ icheg ne chəyi mbi kyeri ìmə Mbaʼ, kə̀ bə̀ kyèri amə.


Ane, ni jəg ìtḛ̀ ighə̀m imɔʼ ya ni kyeri awe, bə̀ kyèri gha à ya məyi àghò imɔʼ yaʼi Ŋwiye tesiʼ. Ni jəg ìtḛ̀ ighə̀m imɔʼ ya ni bə kyeri Yeso Kristo we ne àghò cha igun isəg.


Mbɔb fə bḛ ìngam we ne àghò ya nàʼi inum gha mə gha inɔb. Mbɔb fə bə̀ bḛ gha, à ya àghò cha amə.


Mbè angirə̀ mbe ya biri ibo gha, “Àyi gho̰, àghò kə dèghè aghə?” Wì ya ywìtì gha, “Mbe fə niŋ awu ìmə Anɔŋisəg. Chəyi mə̀ bə kyèri asiŋi ne mbi nɔŋi angu.”


Tòmas ya si ghà ibo gha, “Ìmə Anɔŋisəg, ìmə Ŋwiye!”


Ane, chəyi mə̀ nìŋə ìmə ìtḛ̀ ane aghi mɔ̀ʼɔ. Mə ya kə̀bə̀ ni màni àfàʼì ze ne Anɔŋisəg Yeso nàʼi inum. Àfàʼì ze ya ni ghà ikən chɔm imbə̀ʼ ìchɔ̀mì we ne Ŋwiye we fàʼà.


Mbə̀ kyeri gha, ighumni we ne Ŋwiye biri nàʼ ina we chè ngəʼ ìzo̰ ne te chè inga amad anìŋ.


ka à ya bè tika te ne yaʼi ikaŋ kə̀ tika te ne yaʼi aseg, chəyi aghi mɔ̀ʼɔ inga ighi ijìm mbo̰ ne Ŋwiye tàngi ne tì ze ghì gha imbə̀ʼ Ŋwiye ywiri chè yi imbìghè ni kɔ̀ŋ awa anjìm Yeso Kristo ne yaʼi ìwa Anɔŋisəg.


Aton ya gha, anyumə̀ ne mə̀ ya yaʼi abɔ̀ʼ inən, mə ya nɔ̀ŋì inum inga fìŋ gha, chəyi mə̀ biri gha anug ndəŋ chèyi ane anug imbə̀ʼ Yeso Kristo fɔrɔ anug imbə̀ʼ icheg ne mbi ya kɔ̀mbì aməd igun azed abaʼri wì ku.


Imbə̀ʼ à ya imbə̀ʼ awa ne Ŋwiye ghàmi ìngam gho̰? E! À ya imbə̀ʼ awa ne Ŋwiye ghàmi ìngam gho̰. Wə̀d ne nyɔ̀ʼɔ̀ kyì we nyɔ̀ʼɔ̀. Wə̀d ne mòʼò kyì we bə̀ mòʼò. Mbɔb məjìm ya nɔ̀ŋɔ̀ ikɔndi ni jəg ane ighi mbe.


À ya Sàtàn we ne sàʼa isəg gho̰ fə ghùpì fìŋ abə bəd mbe ne chəyi mbi bḛ Kristo. Wì fə ghùpì ìtɔb fìŋ ni ghì gha imbə̀ʼ mbi nɔ̀ʼ bàd ìzḛzḛ we ne yaʼi inga ikən chɔm imbə̀ʼ Kristo. Kristo ya kwàʼ icheg Ŋwiye.


Ŋwiye ne ya gha, “Ìzḛzḛ zuʼ, afub kye!” Wè ghì ìzḛzḛ we yaʼ ina inga fìŋ. Wì ghì ane ni gha tì kyeri ìzḛzḛ njandi njandi Ŋwiye we ne zùʼə igun ìfe abə Kristo.


Wì ya taŋ kɔ̀ŋ, ghì mə̀ bàd Ŋwan məd kwàʼ ane àmə aghə. Wì ya ghì ane ni gha, mə̀ si ghò chètì ikən chɔm imbə̀ʼ Ŋwan məd we abə bəd ne kayi mə̀Ju. Ane, chəyi mə̀ ya biri anug imbə̀ʼ ikən chɔm gho̰ abə wə̀d mɔ̀ʼɔ ka.


Ane, mba məjìm biri fɔti ane ibḛfiŋ we imɔʼ, taŋ kyèri Ŋwan Ŋwiye bə̀ kweg kòʼ si yaʼ icheg Kristo.


À ya mo Pɔl tì Timotì, bəd àfàʼì Yeso Kristo ŋwàʼri àŋwàʼrì azo̰. Tì ŋwàʼrì anìŋ inən mbə̰ bəd Ŋwiye məjìm mbe a Filipì ne yaʼi ane ifɔti tì Yeso Kristo. Tì bə̀ ŋwàʼrì anìŋ inən mbə̰ mbe ne yaʼi itog bəd igun ifeti bəd Kristo fɔrɔ inən mbə̰ mbe ne fàʼà abə bəd Ŋwiye.


Anug ne mə̀ kə̀bi ya ni kyeri Kristo bə̀ taŋ kyèri ika we ne Ŋwiye ya zwemni aməd ane iwu. Mə kə̀b ni bə zə̰ ngəʼ icheg ne məd ya bə zə̰ ngəʼ. Mə bə̀ kə̀b ni ku kwàʼ icheg ne məd ya bə ku.


Kayi mə gha, mə fə bèrì ighi mbo̰ ijìm, kə̀ gha mə fə bɔ̀ŋ mànì. Tesiʼ ya gha, mə we kìrə ika ni chè imbìghè imbə̀ʼ bèrì ighi ijìm mbe ne Yeso Kristo ya ghi gha mə yaʼ wə̀d məd imbə̀ʼ bèrì.


Ka mə̀ ya bèrì chùd ane inug mbo̰ anyumə̀ we, amad anìŋ ne Kristo fə ghi ìchɔ̀mì inum, chəyi inug mbo̰ ywìrì bèrì aton mɔ̀ʼɔ inum.


Àsi mo, mə fə nàʼ ìmə ìtḛ̀ abə Ŋwiye icheg ituti. Nyùmə̀ ne mə̀ biri ku fə tinde.


Mba mə̀ taŋ nyìmi anug ze ne tì ya fə bḛ ghò pè ane aneg ìnwḭ, nji tì biri yaʼ ane anug amɔʼ tì Kristo.


Inən mbə̰ mbe ne nɔŋi ibḛfiŋ igun məd, iteg we taŋ bɔ̀ŋ. Àsi abə bəd mbe ne chəyi mbi nɔŋi ibḛfiŋ igun məd, “Iteg we ne bəd ne kɔ̀rɔ nəb ya to̰ awɔb, wi fə bə̀ŋə̀ ane iteg ibug nəb.”


Ŋwiye taŋ ghì ìchɔ̀mì inən bə̀ taŋ ghì mbə̀ chughi ane àbɔrɔ̀bɔd. Wì ghiyə ane anjìm icheg ne mbə̀ kyeri aməd bə̀ kyèri Yeso ìwa Anɔŋisəg.


Ŋwiye fə chè anjìm ìwi ika nàʼ ighi ijìm ne tì koʼi ni bèrì ni chughi ane ikuchèg ne ghùmnə aməd. Wì fə nàʼ ane anjìm icheg ne tì kyeri aməd. Wì ya kàrì awa gha tì bere ati inga ighumni məd bə̀ fɔrɔ inga ìchɔ̀mì məd.


Aŋa ya ikuchèg ne mbə̀ koʼi ni bèrì. Mbə̰ mə̀ ya ghìyə̀ inug mbo̰ ghò gho imbìghè, mbə̰ biri ya fàʼà inug icheg chɔm bə̀ ghìyə̀ inug chɔm nɔʼ nɔʼ. Ane, ze biri chwi gha inug mbe ne mbə̀ kyeri imbə̀ʼ ìwa Anɔŋisəg Yeso Kristo kayi ati ako.


Mbə̀ che imbìghè kweg inga ìchɔ̀mì fɔrɔ inga anug ni kyeri ìwa Anɔŋisəg Yeso Kristo ne pùmnə bəd. Bəd məjìm ghùmnə aməd ni ko amad anìŋ se ghò imbìghè ane ighə̀m imɔʼ! À ya ane.


Inug mbe ne tì ya zughi bə̀ bàd, à ya mbo̰ ne te ghà inən anìŋ, ni ghì gha mbə yaʼ ane ifɔti tì ina. Ìwa ifɔti ya tì Mbaʼ bə̀ fɔrɔ tì Ŋwan məd Yeso Kristo.


Bəd ìpàb mbo̰ ya yaʼ abɔ̀ʼ ina. Si ya gha, chəyi mbɔb ya yaʼi ane ifɔti tì Kristo icheg ina. Àkə aghi ne mbɔb ya yaʼi ane ifɔti tì Kristo icheg ina, nji chəyi mbɔb ya du. Icheg ne mbɔb du, ze chwi gha chəyi mbɔb ya yaʼi ìmba bəd.


Tè bə̀ kyèri gha Ŋwan Ŋwiye fə yeʼe. Wì fə ghì gha ìmba itog zen tì kyeri Ŋwiye we ne ya Ŋwiye tesiʼ. Tì yaʼ ane ifɔti tì Ŋwiye we ne ya Ŋwiye tesiʼ. Tì we bə̀ ane ifɔti tì Ŋwan məd, Yeso Kristo. Məd ya Ŋwiye tesiʼ we ne ghi gha bəd jəg ìtḛ̀ ighə̀m imɔʼ.


Tufuate:

Matangazo


Matangazo