Fìlipì 3:2 - Ikan feg

² Mbə̀ we awən imbə̀ʼ bəd mbe ne ghìyə̀ inug tibɔ̀ŋ kwàʼ icheg bog. À ya mbɔb mbe ghà gha, mbi ya mənyìʼ ŋwed wə̀d bɔŋ Ŋwiye se pùmnə aməd.

Meta’

² Mbə̀ we ə mbɨ ə bə̂d mbe nɨə ghɨ̀ ɨnû rɨbɔ̀ŋ. Mbɨ yɨ ɨghabɨ ə bu. Ɨ mbɨə yènə̀ ghàə̀ ni mbɨ berɨ ne bə̂d.

Fìlipì 3:2 Marejeleo ya Msalaba

Matìyò 24:10

Ibḛfiŋ abə bəd nɔʼ nɔʼ biri bɔd. Mbɔb biri se tàŋa mənaŋ igun mə̀mbin bə̀ pàbà mə̀mbin.

Matìyò 7:15

Yeso ya chè imbìghè gha, “Mbə̀ we awən tì bədkə̀n mbe ne ghà inug ako. Anyumə̀ ne mbɔb mbe yèʼe inən, mbi ya bɔ̀tɔ kwàʼ icheg njə̀g. Si ya gha, mbɔb ya kwàʼ ìfɔn tɔ tɔ.

Matìyò 7:6

Imbə̀ʼ mbə̰ naʼa awən aghi Ŋwiye abə bog, nji ti biri ghabri sètì awən iba iba. Imbə̀ʼ mbə̰ mèʼe awən mə̀pə abə ìkuŋə, nji mbi biri yèn igun tə̀ʼrì.”

Rm 2:28

Mbə̀ kyeri gha, kayi anug ni ŋwed wə̀d kə̀ ne mbi ghi igun nyàmnyɔd wə̀d ze ghìyə̀ gha wì yaʼ Ju tesiʼ.

2 Kɔrèn 11:13

Bəd inug ako mbe ne gha mbɔb ya bədtɔm Kristo ya chwìye ìfe icheg bəd ne ghà tesiʼ, si ya gha, mbɔb ya tàmbà bəd.

Gàlesìyà 5:13

Àsi awən, ìmbum məfi fɔrɔ ìtum njàbi, Ŋwiye ya kàrì awən chì ane anug ìbòʼì abə mə̀nɔ̀ʼɔ̀ Muse. Si ya gha, imbə̀ʼ mbə̰ si niŋə awən icheg ne chəyi mbə̀ ywiri yaʼ ìbòʼì abə mə̀nɔ̀ʼɔ̀ Muse se ghìyə̀ inug tibɔ̀ŋ mbe ne ìtən nyàmnyɔd te ghə̀ʼrə̀. Mbə̰ ya se fàʼà yaʼ abə mə̀mbin ane àkɔ̀ŋì,

Gàlesìyà 5:15

Mbə̰ mə̀ ya ghìyə̀ inug yaʼ icheg nyam tɔ tɔ ne nɔ̀mbɔ ìtin zwète, nji mbə biri nimni awən mbə̰ mbə̰.

Gàlesìyà 5:6

Ane, icheg ne tì yaʼi ane ifɔti tì Yeso Kristo, kə̀ mbe ŋwed wə̀d kə̀ chəyi, chəyi àze ywirì bèrì anug mɔ̀ʼɔ ni ghì ka. Anug kyen ne angu ya ibḛfiŋ we ne tì nɔŋi igun Kristo. À ya ibḛfiŋ we ghìyə̀ tì se kɔ̀ŋɔ̀ ìmba məfi fɔrɔ ìta njabi.

Fìlipì 3:19

Asiŋi ne tiku bəd te biri nwḭ̀yḛ̀ inga ya iywid ighə̀m imɔʼ. Ìwɔb ŋwiye ya ighi mbe ne mbɔb mbe ghə̀ʼrə̀. Mbɔb ya kɔ̀mɔ̀ igo ane inug mbe ne nji mbɔb kə̀ bèrì yaʼ tìnìrètog. Mbɔb nɔ̀ŋì ìwɔb ikɔndi igun ighi igun isəg.

Fìlipì 3:3

Mba ya bəd mbe ne Ŋwiye fə ŋweri awa kwàʼ icheg tesiʼ ghì tì si bəd məd. À ya Azwighi Ŋwiye ze wètè awa gha tì ghumnə Ŋwiye. Tì we kɔ̀mɔ̀ igo icheg ne tì yaʼi ane ifɔti tì Yeso Kristo ne chəyi tì nɔŋi fìŋ igun ikuchèg aben we ne bəd-aku mbe chwìte.

1 Timotì 1:19

Nyimi ìwe ibḛfiŋ bə̀ bèrì fìŋ ne zḛ. Bəd mɔ̀ʼɔ fə waʼ anug ni nɔ̀ŋì ìtɔb fìŋ gha ti ya zḛ, ane chìkì ìwɔb ibḛfiŋ.

Tayitùs 1:16

Mbɔb mbe gha mbɔb kyèri Ŋwiye, si ya gha, ìtɔb tighi inug ya chwìye gha mbɔb fə ton awɔb Ŋwiye. Ŋwiye ya bà̰ awɔb imbə̀ʼ icheg ne mbɔb ya ghìyə̀ tìzughə̀ abə Ŋwiye. Chəyi tì mbi fàʼ àfàʼì chɔm mɔ̀ʼɔ ka.

2 Pità 2:22

Anug ne du inɔb fə chwi gha tìngam tumi te fə dù ane tesiʼ. Tìngam te ya gha: “Bog ya ywìrè jə̀ghə ìmbi məzen,” tì, “Àkuŋə ne mbi so ya ywìrè bə̀ndə̀ ghò inga tìchaʼ.”

Jûd 1:4

Mə ya ghàmà anìŋ imbə̀ʼ icheg ne bəd mɔ̀ʼɔ ne chəyi mbe ghùmnə Ŋwiye fə nyaʼ nyi se abɔ̀ʼ inən. Mbɔb fə niŋ anug imbə̀ʼ ìchɔ̀mì we ne ìwa Ŋwiye we ghìyə̀ bə̀ŋì ane apan ni ghì ifanì inug. Mbɔb mbe bə̀ to̰ awɔb Yeso Kristo ne ya məyi məd yaʼi ìwa Mbaʼ àfàʼì bə̀ yaʼ ìwa Anɔŋisəg. Àŋwàʼrì Ŋwiye ya fə ghùm ghà icheg ne Ŋwiye biri chə awɔb.

Ɨnû 2:9

Mə kyèri icheg ne àghò we zə̰ ngəʼ bə̀ kyèri icheg ne àghò fùmi. Si ya gha, àghò ya wə̀d ikab. Bəd mbe ne gha mbɔb ya mə̀Ju, ne chəyi mbi yaʼi kwàʼ mə̀Ju, mə kyèri inug mbe ne mbɔb mbe ghà ni chìkì ìwe ikum. Mbɔb ya bəd inga ifeti Sàtàn.

Ɨnû 21:8

Si ya gha, bəd ne bɔ, bəd ne chəyi mbi ywirì bḛ Kristo, kə̀ ne ghìyə̀ inug tibɔ̀ŋ yeti yeti, kə̀ ne zwète bəd, kə̀ ne nɔ̀kɔ̀ mbaŋà kə̀ nɔ̀kɔ̀ mə̀yi abu abu, kə̀ ne ghìyə̀ tikaŋì, kə̀ ne ghùmnə mə̀ŋwiye fɔrɔ bəd məjìm ne mə̀tə inug ako, mbi biri nwìyḛ̀ inga atəŋ iywid kyen ze ne bère tì sɔfɔ̀. Aŋa ya iwu we ne pè ane ibe.”

Ɨnû 22:15

Bəd mbe ne yaʼi anjìm isəg ane asiŋi ze ya bəd inug tibɔ̀ŋ tì bəd ne ghìyə̀ tikaŋì tì bəd ne nɔ̀kɔ̀ mə̀yi kə̀ nɔ̀kɔ̀ mbaŋà abu abu tì bəd ne zwète mə̀mbin, tì bəd ne ghùmnə mə̀ŋwiye fɔrɔ bəd ne kɔ̀ŋɔ̀ ni ghà inug ako bə̀ kɔ̀ŋɔ̀ ni ghì inug iji.

Ɨnû 3:9

Nḛ, mə biri ghì gha bəd inug ako mbe ne yaʼi inga ifeti bəd Sàtàn, mbe yèʼe gùndi aseg ine imbìghè, si bḛ gha mə kɔ̀ŋ awe. Mbɔb mbe ghà gha mbɔb ya mə̀Ju, si ya gha, mbɔb kayi mə̀Ju.