Fìlipì 3:19 - Ikan feg

¹⁹ Asiŋi ne tiku bəd te biri nwḭ̀yḛ̀ inga ya iywid ighə̀m imɔʼ. Ìwɔb ŋwiye ya ighi mbe ne mbɔb mbe ghə̀ʼrə̀. Mbɔb ya kɔ̀mɔ̀ igo ane inug mbe ne nji mbɔb kə̀ bèrì yaʼ tìnìrètog. Mbɔb nɔ̀ŋì ìwɔb ikɔndi igun ighi igun isəg.

Meta’

¹⁹ Bə̂d mbɔ̂ bɨrɨ nwì ɨŋga ɨwid rɨ nìmə, əne ŋwìə̀ mɨ̀mə̌d yɨ ɨghɨ mbe nɨ nyamnyod tɨ mɨ̀mə̌d ə feenɨə. Ɨ mbɨə ghaʼə ɨmbə̀ʼ ɨnû mbe nɨ njɨ ɨtu mɨ̀mə̌d kəʼ nìd ɨmbə̀ʼ mbɨwən. Ɨ mbɨə kɔndɨə àmei ɨnû rɨŋga ɨsɨg.

Fìlipì 3:19 Marejeleo ya Msalaba

Matìyò 16:23

Yeso ya ghabri ghà abə Pità gha, “Sàtàn! Nɔ̀ʼɔ inum anjìm! Àghò we kə̰ ìmə inɔnjì. Chəyi àghò nɔŋi ìwe ikɔndi igun anug ne Ŋwiye kə̀bi. Àghò nɔ̀ŋì ìwe ikɔndi yaʼ məyi igun anug ne wə̀d-aku we kə̀bə̀.”

Matìyò 25:41

Wì biri ghà abə bəd mbe ne yaʼi ibo aba abo təŋ gha, ‹Mbə̰ ya bəd ndɔ̀n! Mbə̀ nɔʼɔ iban inum ghò nyi inga iywid ighə̀m imɔʼ, ne ìmə Mbaʼ ya fə tangi nɔ̀ŋì abə Debrə̀ tì mbè angirə̀ məd.

Lk 12:19

Wì ya si ghà ini inga fìŋ gha, ‹Mə bèrì ighi nɔʼ nɔʼ. Mə biri jəg ane tituʼ nɔʼ nɔʼ. Ìmbum inug biri se yḛ̀ yi. Mə biri se jə̀ghə, no, gyènde.›

Lk 16:19

Wə̀d ikab mɔ̀ʼɔ ya yaʼ angu. Wì yaya zìyè ndwi àka inun ne mbi tangi ane linèn bə̀ kɔ̀ŋɔ inga ikab ineg ijìm.

Lk 18:4

Wə̀d we ya to̰ yi . Si ya gha, ane nyùmə̀ mɔ̀ʼɔ ya che, wì ya ywìrì nɔ̀ʼ kɔ̀ndi gha, ‹Ka chəyi mə̀ jiʼè bɔ Ŋwiye kə̀ bə̀ bɔ anug ne bəd biri gha,

Rm 16:18

imbə̀ʼ icheg ne chəyi tiku bəd ìto̰ te fàʼà abə ìwa Anɔŋisəg Yeso Kristo. Mbi ya fàʼà məyi aghi ni jəg awɔb. Mbi ya tàmba bəd mbe ne chəyi mbi kyeri anug ane ìngam nəmi nəmi fɔrɔ ìngam bɔti bɔti.

Rm 6:21

Ane, chùd ne mbə̀ ya beri àkə iza? Mbə̰ ya anìŋ se bèrè tìnìrètog imbə̀ʼ inug ne mbə̀ yaya fàʼà. Chùd ane inug mbe ya iwu.

1 Kɔrèn 3:3

Aton ya gha, mbə̰ mbe kiri ghìyə̀ inug icheg bəd inga isəg. Mbə̰ mbe kiri ghìyə̀ àdeg igun mə̀mbin bə̀ chɔ̀bɔ mbə̰ mbə̰. Imbə̀ʼ àze ze chwìye gha mbə̰ ya bəd inga isəg? Imbə̀ʼ mbə̰ ya anìŋ ghìyə̀ inug kwàʼ icheg bəd ne chəyi mbi kyeri Ŋwiye?

1 Kɔrèn 5:2

Mbə̀ kə che iye se kɔ̀mɔ̀ igo ane anug ne nji mbə̰ mbe sɔ̀mnɔ̀? À ya anug ne nji mbə̰ kə̀ chì iku wə̀d we inən inga fìghàra.

1 Kɔrèn 5:6

Aghi ze ne mbə̰ mbe kɔ̀mɔ̀ igo igun, mbə kyeri gha chəyi ze bɔŋi. Àkə chəyi mbə̀ kyeri gha iki àfòrì kwa kwa ya nyḭ̀yḛ inga aburi ngə̀ŋ mə̀kara ghìyə̀ ngə̀ŋ ijìm kɔ̀ʼɔ?

2 Kɔrèn 11:12

Mə biri chè imbìghè ni kiri fàʼ àfàʼì azo̰ ne mə fàʼà ni wùbi ichug abə bəd mbe ne bəd mɔ̀ʼɔ mbe nìŋə gha à ya “bədtɔm Kristo kyen kyen.” Ane, chəyi mbɔb biri ywìri bèrì apan ni kɔ̀m igo gha mbɔb mbe bə̀ fàʼà àfàʼì ze ne te fàʼà.

2 Kɔrèn 11:15

Kayi bə̀ anug ni jə̀m gha bəd àfàʼì Sàtàn mbe chwìye ìfe icheg bəd ne fàʼà inug ne təmi kòʼ. Ìwɔb ìnwḭ biri yaʼ icheg ne àzɔb àfàʼì chwi.

Gàlesìyà 6:13

Ka bèyi bəd ne mbi fə ŋwed awɔb, chəyi mbɔb mbe nɔ̀ŋɔ̀ mə̀nɔ̀ʼɔ̀ Muse. Mbɔb ya kə̀bə̀ gha mbe ŋwed awən imbə̀ʼ mbɔb se kɔ̀mɔ̀ igo gha, mbɔb fə ghì mbə̰ bḛ, mbi ŋwed awən.

Fìlipì 2:21

Bəd ndəŋ məjìm ya zìyè atog yaʼ igun ìmbɔb inug kayi igun anug ne Yeso Kristo kə̀bi.

Kòlosè 3:2

Mbə̀ nɔŋɔ ìtən tikɔndi məyi igun ighi mbe ne yaʼi ikaŋ àbɔ̀ŋɔ, kayi igun ighi mbe ne yaʼi igun isəg.

2 Tès 1:9

Mbɔb biri nyi inga ngəʼ ne chəyi ìnwḭ. Chəyi mbɔb biri nɔʼ bàd Anɔŋisəg. Chəyi mbɔb biri nyi inga ighumni kyen məd ka.

2 Tès 2:12

À ya ane ne bəd məjìm mbe ne ya to̰ awɔb tesiʼ, zì ìwɔb ibḛfiŋ yaʼ igun inug izəg biri ku nim.

2 Tès 2:8

À ya anyumə̀ we ne, wə̀d inug tibɔ̀ŋ biri chwi ìwi nyɔd asaŋ. Anɔŋisəg Yeso biri chì aməd igun ati kyen məd anyumə̀ ne wì yèʼe inga ìwi ìzḛzḛ njandi njandi. Wì biri fə àzi Azwighi, ze zweti wə̀d inug izəg we nìmni.

1 Timotì 6:5

Inug mbe ya ghìyə̀ gha achɔb ya zàmbà dùwə̀ inga bəd ne chəyi mbi beri fìŋ chɔm fɔrɔ inga bəd mbe ne chəyi mbe ghà inug tesiʼ. Bəd inug ako mbo̰ ya kɔ̀ndɔ gha anug Ŋwiye ya inɔnjì ne tì mbi chè angu bèrì ikab.

2 Timotì 3:4

Bəd biri ya fḛ mə̀mbin. Bəd biri ya kɔ̀ŋɔ̀ anug ni nèʼre ane agaŋ. Bəd biri ya nɔ̀ nyɔd. Bəd biri ya kɔ̀ŋɔ̀ anug ni tə̀d chè anug ni kɔ̀ŋ Ŋwiye.

Jems 4:16

Tesiʼ ya gha, mbə̰ mbe kɔ̀mɔ̀ igo bə̀ nɔ̀ nyɔd. Chəyi anug ni kɔ̀m igo kə̀ ni nɔ̀ nyɔd ze bɔŋi.

2 Pità 2:1

Bədkə̀n ne ghà inug ako ya yaʼ abɔ̀ʼ bəd Ŋwiye a mbègtog. À ya ane ne mə̀chwitinùg ako biri bə̀ yaʼ abɔ̀ʼ inən. Mbɔb biri chì tiwe chwìti inug ako ne chìkə̀ bəd Kristo. Mbɔb biri ton awɔb fɔrɔ Anɔŋisəg we ne zeri awɔb. Mbi biri ghì ane, ngəʼ kyen nyi igun inɔb.

2 Pità 2:13

Ŋwiye biri ghum chə awɔb imbə̀ʼ ìmbɔb inug tibɔ̀ŋ mbe ne mbɔb mbe fàʼà. Mbɔb ya kɔ̀ŋɔ̀ ni ghì inug mbe ne ìtɔb nyàmnyɔd kɔŋi kwàʼ tisi. Mbɔb ya kwàʼ apabi tibɔ̀ŋ ne abɔ̀ʼ inən ne zìyè tìnìrètog igun inən icheg ne mbɔb mbe fɔ̀tɔ abɔ̀ʼ inən ni jəg bə̀ kiri ghìyə̀ ìmbɔb inug tibɔ̀ŋ.

2 Pità 2:3

Icheg ne mbɔb mbe ghə̀ʼrə̀ ighi, mbi biri tangi tìmùghì se ghà inən imbə̀ʼ jəg awən. Ŋwiye ya fə ghùm sɔb isaʼi igun inɔb. Ane, Ŋwiye biri zì ngəʼ kyen igun inɔb.

Jûd 1:10

Àsi bəd mbo̰, mbi ya ghàmà chàtà inug mbe ne chəyi mbi kyeri. Mbi ya ghìyə̀ inug icheg nyam mben, bə̀ fàʼà inug icheg ne ìtɔb fìŋ te chwìye gha mbe faʼa. Inug mbe ne mbɔb mbe ghìyə̀, à ya mbiwən mbe chìkə̀ ìwɔb.

Jûd 1:16

Bəd mbo̰ ya kùmə̀ inug ijìm. Chəyi anug mɔ̀ʼɔ ne kwèʼe bɔ̀ŋɔ̀ inɔb. Mbɔb ya ghìyə̀ inug ne ìtɔb nyàmnyɔd te ghə̀ʼrə̀. Mbɔb ya kɔ̀mɔ̀ igo. Mbɔb ya chɔ̀tɔ̀ wə̀d məyi ni niŋ aghi mɔ̀ʼɔ ibo.

Jûd 1:4

Mə ya ghàmà anìŋ imbə̀ʼ icheg ne bəd mɔ̀ʼɔ ne chəyi mbe ghùmnə Ŋwiye fə nyaʼ nyi se abɔ̀ʼ inən. Mbɔb fə niŋ anug imbə̀ʼ ìchɔ̀mì we ne ìwa Ŋwiye we ghìyə̀ bə̀ŋì ane apan ni ghì ifanì inug. Mbɔb mbe bə̀ to̰ awɔb Yeso Kristo ne ya məyi məd yaʼi ìwa Mbaʼ àfàʼì bə̀ yaʼ ìwa Anɔŋisəg. Àŋwàʼrì Ŋwiye ya fə ghùm ghà icheg ne Ŋwiye biri chə awɔb.

Ɨnû 18:7

Məd yaya tə̀rə̀ yi bə̀ tàra ìwi nyɔd inga ighi. Ane, mbə̀ taŋ chə aməd bə̀ ghì wì se sɔ̀mnɔ̀. Məd we ghà inga ìzi fìŋ gha, ‹Mo ya àyi ne yaʼi ifɔn. Mo kayi iku-àyi. Ane, chəyi mə̀ biri nɔʼ dèg!›

Ɨnû 19:20

Mbi ya gwì nyam kyen ze bə̀ gwì wə̀dkə̀n we ne ghà inug ako ne yaya ghìyə̀ iyeti inug ane ìwi ikum. Wì ya chè anjìm iyeti inug mbe tàmbi bəd mbe ne mbi ya zi aneni ze abə nyam kyen ze igun inɔb bə̀ tàmbi bəd mbe ne yaya ghùmnə aghi-ŋwiye məd. Mbi ya màʼ nyam kyen ze bə̀ màʼ wə̀dkə̀n inug ako we izɔm inga asiŋi ne sɔfɔ̀ we ghìyə̀ iywid kyen bere.

Ɨnû 21:8

Si ya gha, bəd ne bɔ, bəd ne chəyi mbi ywirì bḛ Kristo, kə̀ ne ghìyə̀ inug tibɔ̀ŋ yeti yeti, kə̀ ne zwète bəd, kə̀ ne nɔ̀kɔ̀ mbaŋà kə̀ nɔ̀kɔ̀ mə̀yi abu abu, kə̀ ne ghìyə̀ tikaŋì, kə̀ ne ghùmnə mə̀ŋwiye fɔrɔ bəd məjìm ne mə̀tə inug ako, mbi biri nwìyḛ̀ inga atəŋ iywid kyen ze ne bère tì sɔfɔ̀. Aŋa ya iwu we ne pè ane ibe.”

Ɨnû 22:15

Bəd mbe ne yaʼi anjìm isəg ane asiŋi ze ya bəd inug tibɔ̀ŋ tì bəd ne ghìyə̀ tikaŋì tì bəd ne nɔ̀kɔ̀ mə̀yi kə̀ nɔ̀kɔ̀ mbaŋà abu abu tì bəd ne zwète mə̀mbin, tì bəd ne ghùmnə mə̀ŋwiye fɔrɔ bəd ne kɔ̀ŋɔ̀ ni ghà inug ako bə̀ kɔ̀ŋɔ̀ ni ghì inug iji.