Fìlipì 3:11 - Ikan feg

¹¹ Mə ya ghìyə̀ ane nè nɔ̀ŋɔ̀ ikɔndi gha, tì mə bə̀ kòʼ ni zweme ane iwu icheg ne məd ya zweme ane iwu.

Meta’

¹¹ ɨmbə̀ʼ ɨchî mɨ chwiə, mə bə̀ zwemə.

Fìlipì 3:11 Marejeleo ya Msalaba

Lk 14:14

Ŋwiye biri si nàʼ chùd ine anyumə̀ ne wì biri zwemni bəd ne təmi kòʼ. Wì biri zì àbɔrɔ̀bɔd igun ine imbə̀ʼ icheg ne chəyi tì bəd mbe ywì ìmbe ighi.”

Jn 11:24

Màta ya ywìtì gha, “Mə kyèri gha, wì biri ghum zweme ane aneg ìnwḭ.”

Ɨ̀fàʼì 23:6

Anyumə̀ ne Pɔl ya bàri gha, inga ifeti itog bəd ne yaya sàʼa aben, bəd mɔ̀ʼɔ ya mə̀Sadùsi, mə̀mbin ya mə̀Farìsi, wì ya gha, “Ìmbum məfi, mo ya Farìsi. Ìmə mbaʼ ya Farìsi. Mə ya itəmi adiŋi isaʼi aŋa anìŋ mbi saʼà mə imbə̀ʼ icheg ne mə bḛ gha, iwu bəd biri ghum zweme ane iwu.”

Ɨ̀fàʼì 26:7

Ìta tinəbi te ìghum chɔ̀b ibe te ghùmnə Ŋwiye ane fìŋ ijìm tisi fɔrɔ tizimi icheg ne mbɔb mbe ghɔ̀mɔ̀ anug ze ne wì ya kàʼi. Mbè! À ya imbə̀ʼ anug azo̰ ne mə̀Ju zi isaʼi igun inum.

Ɨ̀fàʼì 27:12

Icheg ne chəyi asiŋi ze ne tì ya pè təm ya kòʼi gha tì chùghi angu ane nyùmə̀ we ne ifə we taŋ ko, bəd nɔʼ nɔʼ ya ghà gha tì gho imbìghè, ìghə̀m mɔ̀ʼɔ tì biri pè a Fonìks. Fonìks yaya asiŋi kyen inga Kred. Kred ya aba ze ne nyùmə̀ we dùwə̀. Tì ya chughi angu anene nyùmə̀ ifə we chè.

Rm 11:14

Mə ya kə̀bə̀ inɔnjì ni ghì gha mə̀Ju beri ìdɔ̀b ane aghi ne Ŋwiye we fàʼà abə bəd ne kayi mə̀Ju ni ghì gha mə̀Ju mɔ̀ʼɔ pum.

1 Kɔrèn 15:23

Ŋwiye biri zwemni wə̀d imɔʼ imɔʼ ane tiwaŋ icha icha. Wə̀d mbègtog we ne Ŋwiye zwèmni ane iwu ya Kristo. Anyumə̀ ne Kristo ywirì yèʼe, Ŋwiye biri zwemni bəd mbe ne yaʼi bəd Kristo.

1 Kɔrèn 9:22

Anyumə̀ ne mə̀ yaʼi abɔ̀ʼ bəd ne ìwɔb ibḛfiŋ bɔri, mə̀ ya icheg wə̀d abɔ̀ʼ inɔb ni ghì gha mbe bḛ Kristo. Ane, mə fə bə̀ŋə̀ ane iku ighi ijìm abə bəd məjìm, imbə̀ʼ chè ane mənɔnjì nɔʼ nɔʼ ni ghì gha inun bəd mɔ̀ʼɔ pum.

1 Kɔrèn 9:27

Mə ya nyìmbe ìmə nyɔd, ghìyə̀ gha wi yaʼ àbòʼì inum, imbə̀ʼ mə nɔ̀ʼ ghà ikən chɔm abə bəd ndəŋ si chè sam ineʼi we.

2 Kɔrèn 11:3

Si ya gha, mə we bɔ gha icheg ne jo ya ghum tàmbi If ane iwe mənaŋ, mbi biri bə tambi awən ghì mbə chì ìwən ikɔndi chɔm we ne mbə̀ bèrì ni kɔ̀ŋ Kristo bə̀ zì ìzən fìŋ ijìm igun məd.

1 Tèsàlonikà 3:5

À ya aton ne mə̀ ya cha Timotì gha wì yeʼe nwendi icheg ne ìwən ibḛfiŋ igun Yeso yaʼi. Chəyi tì mə ya ywìrì nyìʼ. Mə yaya bɔ gha imbə̀ʼ wə̀d we ne kwàʼrà bəd nɔ̀ʼ kwàʼrì awən ghì àza àfàʼì inən ze chè ako.

2 Tès 2:3

Imbə̀ʼ mbə̰ saŋa awən gha wə̀d mɔ̀ʼɔ tambi awən ka. Aton ya gha, nyùmə̀ we ne bəd biri ya zɔ̀ŋɔ̀ ni ton awɔb Ŋwiye biri chè, wə̀d inug izəg bə̀ dù asaŋ, bɔŋ aneg ze ne Anɔŋisəg Yeso biri yeʼe se pè. À ya wə̀d ne Ŋwiye fə nɔŋi gha wì biri ghò inga asiŋi ngəʼ ane ighə̀m imɔʼ.

2 Timotì 4:8

Ane, igun aneg ze ne Anɔŋisəg Kristo biri yeʼe ni saʼ isəg, məd we ne sàʼa bəd ane icheg ne koʼi biri nàʼ ineʼi inum. À ya ineʼi we ne məd we nàʼà abə bəd ne ghìyə̀ inug ne təmi kòʼ. Chəyi wì biri nàʼ məyi inum. Wì biri nàʼ fɔrɔ abə bəd mbe ne ghɔ̀mɔ̀ gha wì ywirì yèʼe.

Mə̀Hibrù 11:35

Anjìm ibḛfiŋ: Mə̀yi mɔ̀ʼɔ ya niŋ ìmbɔb bəd ne ya zweme ane iwu. Mbi mɔ̀ʼɔ ya zə̰ ngəʼ bə̀ to awɔb ni dù inga nəb ndəŋ. Mbi ya ghì ane imbə̀ʼ icheg ne mbi yaya nḛ̀ ni jəg ìtḛ̀ ne bɔŋi chè.

Ɨnû 20:5

Chəyi àbùʼì bəd ze ne ya fə ku ya zweme ane iwu anene ghò pè ane nyumə̀ ne tituʼ te chuʼ ifibì fə mèghi. Aŋa ya ighəm mbègtog ne bəd zweme ane iwu.