Fìlipì 3:10 - Ikan feg

¹⁰ Anug ne mə̀ kə̀bi ya ni kyeri Kristo bə̀ taŋ kyèri ika we ne Ŋwiye ya zwemni aməd ane iwu. Mə kə̀b ni bə zə̰ ngəʼ icheg ne məd ya bə zə̰ ngəʼ. Mə bə̀ kə̀b ni ku kwàʼ icheg ne məd ya bə ku.

Meta’

¹⁰ Mə wɨə kəb kyerɨ ə Kristo. Mə wɨə bə̀ kəb kyerɨ ɨka we nɨ Kristo nyaʼa berɨ ənɨ wɨ̀ nyaʼa zwemə. Mə wɨə kə̀b zə ŋgəʼ ɨchî nɨ wɨ̀ nyaʼa zə, bə̀ kə̀b kwɨ ɨchî nɨ wɨ̀ nyaʼa bə kwɨ

Fìlipì 3:10 Marejeleo ya Msalaba

Matìyò 20:23

Yeso ya ghà inɔb gha, “Mbə̰ biri zən iku ngəʼ ze ne mə̀ biri zən, si ya gha, kayi àmə ati ni chɔʼ wə̀d ne biri chughi ane àmə aba abo jəghi kə̀ wə̀d ne biri chughi ane àmə aba abo təŋ. Iti mbo̰ ya ìmbi bəd mbe ne ìmə Mbaʼ ya fə chuʼri nɔ̀ŋì inɔb.”

Jn 10:18

Chəyi tì wə̀d mɔ̀ʼɔ niŋ ìmə ìtḛ̀ ka. À ya mo kɔ̀ŋi ni ku. Mo bèrì ika ni ku bə̀ bèrì ika ni ywiri yaʼ izɔm. Aŋa ya àfàʼì ne ìmə Mbaʼ fə zì inga ìtum tikye ibo.”

Jn 17:3

Ane, ni jəg ìtḛ̀ ighə̀m imɔʼ ya ni kyeri awe, bə̀ kyèri gha à ya məyi àghò imɔʼ yaʼi Ŋwiye tesiʼ. Ni jəg ìtḛ̀ ighə̀m imɔʼ ya ni bə kyeri Yeso Kristo we ne àghò cha igun isəg.

Rm 8:17

Icheg ne tì yaʼi bɔn məd, tì biri jəg ighi mbe ne məd nɔŋi abə ìmbi bəd. Tì biri bə fɔti abɔ̀ʼ Kristo ni jəg ighi mbe ne Ŋwiye nɔŋi ibo. Tì mə zən ngəʼ abɔ̀ʼ Kristo, tì biri bə bèrì ighumni we ne Ŋwiye biri nàʼ ibo.

Rm 8:29

Bəd mbe ne wì ya fə chɔʼi, wì ya fə chì awɔb nɔ̀ŋì icha gha mbe yaʼ icheg Ŋwan məd. Ane ya ni ghì gha Ŋwan məd yaʼ ŋwan mbèg inga inəbi kyen.

Rm 8:36

Àŋwàʼrì Ŋwiye gha, “À ya imbə̀ʼ awe ne tì yaʼi ichug iwu mà nyumə̀ ijìm. Mbi ya nìŋə awa icheg njə̀g ne mbe ghò ni kyemi.”

2 Kɔrèn 1:10

Ka tì yaya si ichug iwu, Ŋwiye ya pumni awa. Tì mə yaʼ inga ngəʼ, wì biri chì awa. Tè nɔ̀ŋì ìwa ikɔndi igun Ŋwiye gha wì biri chè imbìghè ni chì awa inga ngəʼ.

2 Kɔrèn 1:5

Icheg ne Kristo ya taŋ zə̰ ngəʼ imbə̀ʼ awa, à ya bə̀ ane ne mba ina biri bə zə̰ ngəʼ imbə̀ʼ aməd. Ŋwiye biri taŋ nəri ìta fìŋ anjìm Kristo.

2 Kɔrèn 13:4

Tesiʼ ya gha, mbi ya kɔ̀mbì aməd igun azed abaʼri ane wì ya bɔri, si ya gha, ika Ŋwiye ya nàʼ ìtḛ̀ ibo. Icheg ne tì yaʼi ane ifɔti tì Kristo, tì we bə̀ bɔ̀rɔ. Si ya gha, Ŋwiye we nàʼà ika ina ni yaʼ izɔm abɔ̀ʼ məd imbə̀ʼ fàʼ inən

Gàlesìyà 2:20

Mo ya wə̀d ne fə ku igun azed abaʼri tì Kristo. Ane, kayi mo yaʼi izɔm. Wə̀d we ne yaʼi izɔm ya Kristo we ne yaʼi inga inum. Ìtḛ̀ we ne mə beri amad anìŋ ya imbə̀ʼ ibḛfiŋ we ne mə̀ zi igun Ŋwan Ŋwiye we ne ya kɔ̀ŋi amə, nàʼ àzi atog ane aghi àfàtì imbə̀ʼ amə.

Gàlesìyà 6:17

Anug ne mə se nwḭ̀yḛ̀ ni ghà inən ya gha, nɔ̀ʼ tèchɔ̀ŋ, imbə̀ʼ wə̀d mɔ̀ʼɔ ywiri chə yi awum imbə̀ʼ icheg ne ineni mbe inum igun nyɔd ni chwi gha mo ya àbòʼì abə Yeso Kristo.

Efesùs 4:13

Ane, mba məjìm biri fɔti ane ibḛfiŋ we imɔʼ, taŋ kyèri Ŋwan Ŋwiye bə̀ kweg kòʼ si yaʼ icheg Kristo.

Fìlipì 3:8

Kayi məyi inug mbo̰. Icheg ne Kristo fə ghi ìchɔ̀mì inum, chəyi ighi ijìm ywìrì bèrì aton inum. Anug kyen ne yaʼi inga inug mbo̰ ijìm ya icheg we ne Ŋwiye ghì ìchɔ̀mì kyen inum mə kyeri Yeso Kristo, àmə Anɔŋisəg. À ya imbə̀ʼ Kristo ne mə waʼi ighi ijìm. Mə fə niŋ gha ighi mbe ijìm ya inyɔrì ighi imbə̀ʼ yaʼ amə ane ifɔti tì Kristo.

Kòlosè 1:24

Mə we gyènde amad anìŋ imbə̀ʼ icheg ne Kristo ya zə̰ ngəʼ imbə̀ʼ awən. Mə ya zə̰ ngəʼ fàʼà anìŋ imbə̀ʼ icheg ne Kristo ya zə̰ ngəʼ imbə̀ʼ ìzi nyàmnyɔd, ni ghì gha zì kweg. Nyàmnyɔd məd ze ya ifeti bəd Kristo.

Kòlosè 2:13

Chəyi mbi ya kiri ŋwed ìtən nyàmnyɔd anyumə̀ we ne mbə yaya kiri iwu bəd anjìm ìmbən inug tibɔ̀ŋ. Si ya gha, Ŋwiye ya ghì mbə si bèrì ìtḛ̀ feg icheg ne mbə̀ yaʼi ane ifɔti tì Kristo. Wì ya waʼ ìmba inug tibɔ̀ŋ mba məjìm.

Kòlosè 3:1

Icheg ne Ŋwiye fə zwemni awən ane iwu tì Kristo, mbə̀ si nɔ̀ŋì ìtən fìŋ igun ighi mbe ne yaʼi ikaŋ àbɔ̀ŋɔ, igun asiŋi ne Kristo chughi angu aba abo jəghi Ŋwiye.

1 Pità 1:3

Tì nàʼ ighumni abə Ŋwiye. Məd ya Mbaʼ abə ìwa Anɔŋisəg Yeso Kristo. Wì taŋ bèrì àsɔ̀mnəfiŋ igun ina, ghì gha tì jəg ìtḛ̀ feg icheg ne wì ghi Yeso Kristo zwème ane iwu. Anug azo̰ ghì gha tì nɔŋɔ ikɔndi ghɔ̀m inug mbe ne Ŋwiye kàʼi ina.

2 Pità 1:13

Mə kɔ̀ndi gha, à ya anug chɔm gha mə wendi inug mbo̰ inən ne mə̀ kiri biri izɔm.

1 Jɔn 2:3

Tì mə ya zùgrə tikə Ŋwiye, nji ze biri chwi gha tè kyèri aməd.

1 Jɔn 2:5

Wə̀d ne zùgrə Ìngam Ŋwiye ya wə̀d ne kɔ̀ŋi Ŋwiye mànì. Anìŋ ya icheg ne tè kyère gha tì we ane ifɔti tì Ŋwiye.

Ɨnû 1:18

Mo ya wə̀d we ne yaʼi izɔm. Mə ya ku, si ya gha, nḛ, mə we izɔm kwàʼ ane ighə̀m imɔʼ. Mə bèrì ika igun iwu bə̀ fɔrɔ igun aben iwu bəd.