Wə̀d kyen kə iweg? Àkə wə̀d ne chùghə, mbi yeʼe nàʼ tijəg ibo, kə̀ wə̀d ne nàʼà tijəg te? Imbə̀ʼ à ya wə̀d ne chùghə mbi yeʼe nàʼà tijəg ibo? Mə yaʼ abɔ̀ʼ inən icheg wə̀d àfàʼì ne nàʼà tijəg.
Ikuchèg gho̰ ne mə̀ yaya fàʼà inug ijìm angu, ya mə̀ yaya chwìte inən gha ze bɔ̀ŋ ni taŋ fàʼ imbə̀ʼ wètì bəd ne chəyi àzɔb. Mə yaya fàʼà ane nè kɔ̀ndɔ ìngam we ne Anɔŋisəg Yeso ya ghàmi məd məd gha, ‹Ŋwiye ya zìyè àbɔrɔ̀bɔd ze igun wə̀d ne nàʼà chè wə̀d ne nìŋə.›”
Àghò mə̀ ya jə̀ghə aghi mɔ̀ʼɔ ne àghò kyèri gha ze biri ghì ìwe ifi gùg anug, àze chwi gha chəyi àghò kɔ̀ŋi aməd. Imbə̀ʼ àghò saŋa awe gha aghi ne àghò we jə̀ghə ze ghiyə wə̀d ne Yeso ya ku imbə̀ʼ aməd wì nim ìwi ìtḛ̀.
Mə ya kə̀bə̀ iku icheg ijìm ni ghì inug ane icheg ne koʼi abə bəd məjìm. Kayi mə ghìyə̀ məyi anug ne bɔŋi inum. Mə ya ghìyə̀ yaʼ anug ne biri bɔ̀ŋ fɔrɔ abə mə̀mbin, ni ghì gha mbe pum.
Icheg ne Kristo ya zə̰ ngəʼ, à ya bə̀ icheg ne mbə̀ koʼi ni chùʼri ìwən nyɔd ni bèrì ikuchèg we ne məd ya bèri. Aton ya gha wə̀d we ne fə zə̰ ngəʼ inga nyàmnyɔd chəyi wì ya ywìrè ghìyə̀ inug tibɔ̀ŋ.