Fìlipì 2:22 - Ikan feg

²² Àsi Timotì, mbə̰ kyeri àzən aghi gha, məd fə chwi gha zìye ya wə̀d àfàʼì chɔ̀m. Wè fàʼ tì inum ni chètì ikən chɔm imbə̀ʼ Kristo. Wè fàʼ kwàʼ icheg ŋwan we fàʼà tì ìwi mbaʼ.

Meta’

²² Mbə kyerɨ ə ni Timotì nyaʼa chwi nɨ tə yɨə wə̀d ə̀fàʼì chɔ̀m. Ɨghabɨ ə wan mbɨ i mbǎʼ, wɨ̀ fə fàʼ mbɨ num nɨ gha ɨkə̂n chɔ̀m.

Fìlipì 2:22 Marejeleo ya Msalaba

Ɨ̀fàʼì 16:2

Bəd mbe ne ya bḛ Kristo a Listrà fɔrɔ a Ìkonìyùm yaya ghà inug chɔm imbə̀ʼ Timotì.

Rm 5:4

Inyimbifiŋ ya ghìyə̀ gha tì bere ikuchèg chɔm. Ikuchèg chɔm ya ghìyə̀ gha bəd bere ikɔndi chɔm ni ghɔ̀m anug ne Ŋwiye kàʼi.

1 Kɔrèn 16:10

Timotì mə yèʼe abɔ̀ʼ inən, mbə̀ niŋ aməd nyìmi kwàʼ icheg chɔm imbə̀ʼ icheg ne məd we bə̀ fàʼà abə Anɔŋisəg icheg inum.

1 Kɔrèn 4:17

À ya aton ne mə cha Timotì abɔ̀ʼ inən. Məd ya ìmə ŋwan ne mə̀ taŋ kɔ̀ŋ. Məd we fàʼà abə Anɔŋisəg ane ìzi fìŋ ijìm. Məd biri ghì mbə wendi icheg ne mə̀ yaya ghìyə̀ inug anyumə̀ ne mə̀ ya bḛ Yeso Kristo. À ya bə̀ anug ne mə chwìte isiŋi ijìm inga tifeti bəd Kristo tijìm.

2 Kɔrèn 2:9

Mə ya chà àŋwàʼrì ze inən ni nèn gha kə̀ mbə biri zùgrə tikə te tijìm ne mə̀ nàʼà inən.

2 Kɔrèn 8:22

Tì we chà ìwa ifi ndəŋ abɔ̀ʼ mbi Tayitùs. Tè fə zweʼri aməd inga inug nɔʼ nɔʼ bə̀ bàd gha wì bèrì fìŋ chɔm ni wètì bəd. Məd we se kə̀bə̀ ni wètì awən imbə̀ʼ icheg ne məd kyeri bəd ne mbə̀ yaʼi mbiwən.

2 Kɔrèn 8:24

Ane, mbə̀ chwi abə bəd mbo̰ gha mbə̰ kɔ̀ŋ awɔb. Mbə mə ghì ane ze biri chwi abə tifeti bəd Ŋwiye gha tì ya bèrì ni kɔ̀m igo imbə̀ʼ awən.

2 Kɔrèn 8:8

Chəyi mə̀ ghà anug azo̰ inən anìŋ icheg ni gha à ya nɔ̀ʼɔ̀. Mə ya kə̀bə̀ ni nèn gha kə̀ mbə̰ kɔ̀ŋ ni wètì bəd icheg ne tifeti bəd Kristo ìtin bə kɔ̀ŋ?

Fìlipì 1:12

Ìmbum məfi fɔrɔ ìtum njàbi, mə kə̀b gha mbə̀ kyeri gha, anug ne du igun inum ze wèti ni ghì gha ikən chɔm imbə̀ʼ Kristo gho gho imbìghè.

Fìlipì 1:16

Bəd mbe ne ghàmà ane fìŋ chɔm ya bəd ne kɔŋi amə imbə̀ʼ icheg ne mbɔb kyèri gha mbe zì amə inga nəb ndəŋ anjìm icheg ne mə ghàmà ane fìŋ ijìm gha ikən chɔm imbə̀ʼ Kristo ya tesiʼ.

Fìlipì 1:5

Mə ya gyènde imbə̀ʼ icheg ne mbə̀ fɔti abo abɔ̀ʼ inum ni chètì ikən chɔm imbə̀ʼ Yeso Kristo nɔ̀ʼ ane aneg mbègtog ne mbə̀ ya bḛ Kristo pè tèchɔ̀ŋ.

Fìlipì 1:7

Ze kòʼ inum ni ya kɔ̀ndɔ inug mbo̰ anìŋ imbə̀ʼ awən mbə̰ məjìm imbə̀ʼ icheg ne mə̀ kɔ̀ŋ awən ane ìmə fìŋ ijìm. Ŋwiye we ghìyə̀ ìchɔ̀mì ina mba məjìm icheg ne te fàʼà ibo. Məd we bə̀ ghìyə̀ ìchɔ̀mì inum ka ya anyumə̀ ne mə̀ yaʼi inga nəb ndəŋ, kə̀ anyumə̀ ne mə chètè ikən chɔm, tòʼrò inug tesiʼ mbe ne yaʼi inga bə̀ ghìyə̀ bəd bḛ.

Fìlipì 2:20

Chəyi mə̀ beri wə̀d ndəŋ icheg Timotì ne nɔŋi fìŋ ni ghì gha mbə̀ yaʼ icheg chɔm.

1 Timotì 1:18

Mə nàʼ tikə ìto̰ ine àghò Timotì, ìmə ŋwan icheg ne Azwighi Ŋwiye ya nàʼi ika abə bəd Kristo mbi ghàm inug mbo̰ imbə̀ʼ awe. Àghò mə ghì inug mbo̰, àghò we tì àghò zɔŋ chè, təm kà ane ìwe ibḛfiŋ igun Kristo.

1 Timotì 1:2

Mə ŋwàʼrì anìŋ ine àghò Timotì ìmə ŋwan chɔm icheg ne tì nɔŋi ibḛfiŋ igun Kristo. Ŋwiye ne yaʼi Mbaʼ fɔrɔ Yeso Kristo ìwa Anɔŋisəg ghiyə ìchɔ̀mì ine, bə̀ chwi àsɔ̀mnəfiŋ ine, bə̀ ghì àghò chughi ane àbɔrɔ̀bɔd.

1 Timotì 4:6

Àghò mə chwìti inug mbo̰ abə bəd Ŋwiye, àghò biri yaʼ wə̀d àfàʼì chɔ̀m ne fàʼà abə Yeso Kristo. Àghò biri yaʼ wə̀d àfàʼì ne təmi kà inga tesiʼ ane anug Ŋwiye fɔrɔ inga inug chɔm mbe ne mbi ya chwiti ine.

2 Timotì 1:2

Mə ŋwàʼri anìŋ ine àghò Timotì ìmə ŋwan ne mə̀ taŋ kɔ̀ŋ. Ŋwiye ne yaʼi Mbaʼ fɔrɔ Yeso Kristo, ìwa Anɔŋisəg ghiyə ìchɔ̀mì ine bə̀ chwi àsɔ̀mnəfiŋ igun ine bə̀ ghì àghò chughi ane àbɔrɔ̀bɔd.

2 Timotì 3:10

Timotì, Àghò kyèri inug ijìm ne mə̀ yaya chwìte abə bəd, bə̀ kyèri icheg ne mə̀ yaya chùghə. Àghò kyèri atog anug ne mə̀ ya nɔŋi ìmə ìtḛ̀ igun, fɔrɔ icheg ne mə̀ ya nɔŋi ìmə ibḛfiŋ inga Yeso. Àghò kyèri icheg ne mə̀ ya beri inyimbifiŋ, bə̀ kyèri icheg ne mə̀ yaya kɔ̀ŋɔ̀ bəd. Àghò bə̀ kyèri icheg ne mə̀ yaya nyìʼè fìŋ inga nyùmə̀ ngəʼ.

Tayitùs 1:4

Mə ŋwàʼrì anìŋ ine àghò Tayitùs. Àghò ya ìmə ŋwan tesiʼ ane ibḛfiŋ we ne tì beri inga Kristo. Ŋwiye ne yaʼi Mbaʼ tì Yeso Kristo ne ya chi awa inga ngəʼ, wì ghiyə ìchɔ̀mì ine bə̀ ghì àghò chughi ane àbɔrɔ̀bɔd.