Fìlipì 2:2 - Ikan feg

² Ane, mbə̀ nɔŋɔ ìwən ikɔndi ane ìwi imɔʼ. Mbə̀ ya bə̀ kɔ̀ŋɔ̀ ìmbən məfi fɔrɔ ìtən njàbi. Mbə̀ ya bə̀ ghìyə̀ inug icheg bəd ne beri ikɔndi imɔʼ. Mbə̰ mə̀ ya ghìyə̀ ane, mə biri ya taŋ gyènde.

Meta’

² Əne mbə̀ ghɨ ni ɨghaʼi swi ɨŋga mɨ fîŋ ɨchî nɨ mbə̀ə nuŋ rɨkɔndɨ ənɨ wɨ mɔʼ, ɨchî nɨ mbə̀ə ghaʼə mbə bɔŋgɔb, ɨchî nɨ mbə̀ə ghɨ̀ ɨnû ənɨ mbɨ mɔʼ mbɨ ɨchî nɨ mbə̀ə kɔndɨ ənû ə mɔʼ.

Fìlipì 2:2 Marejeleo ya Msalaba

Jn 3:29

Mbaʼ igən ya wə̀d ne beri àyi igən. Àsi ìsə̀ʼ mbaʼ igən ya gyènde icheg ne wì chùghi iban se zùghə icheg ne mbaʼ igən we ghàmà. À ya icheg ne mo we bə̀ se gyènde.

Ɨ̀fàʼì 1:14

Mbɔb məjìm yaya kə fète asiŋi afibì chàʼrà Ŋwiye ane fìŋ ifibì. Məfi ìmbi Yeso tì Mèri we ne yaʼi ngɔb məd fɔrɔ mə̀yi ndəŋ yaya bə̀ chàʼrà Ŋwiye abɔ̀ʼ inɔb.

Ɨ̀fàʼì 2:1

Anyumə̀ ne aneg Pentekɔ̀d ya kòʼi, bəd Kristo mbe məjìm ne yaya chùghə inga atog nəb ze igun ya yaʼ ane asiŋi afibì.

Ɨ̀fàʼì 2:46

Ineg ijìm, mbi yaya chè imbìghè ni ya fète inga ikam mbàn Ŋwiye. Mbi yaya jə̀ghə itari anəb anəb ane igyendi fɔrɔ ane fìŋ ifibì.

Ɨ̀fàʼì 5:12

Bədtɔm Kristo yaya ghìyə̀ iyeti inug nɔʼ nɔʼ igun bəd, bəd bàrà. Bəd ne ya bḛ Kristo yaya ghò bɔ̀mbɔ̀ inga asiŋi ze ne mbe kàrà ane məkə̀tə̀ Solomùn.

Rm 12:16

Mbə̀ chughi ane àbɔrɔ̀bɔd tì mə̀mbin. Imbə̀ʼ mbə̰ ya nɔ̀rɔ̀ awən nyɔd. Mbə̀ ya jə̀grə tì bəd ne chəyi mbi beri aghi. Imbə̀ʼ mbə̰ ya kɔ̀ndɔ awən gha mbə bèrì iwe chè icheg ne mbə̀ beri.

1 Kɔrèn 1:10

Ìmbum məfi fɔrɔ ìtum njàbi, mə boʼ ibo inən ane ikum ìwa Anɔŋisəg Yeso Kristo gha mbə̀ chughi ane anug amɔʼ ni ghì gha imbə̀ʼ àghàpì yaʼi inga inən. Ane, mbə̀ nɔŋɔ ìtən fìŋ ane ìti imɔʼ bə̀ nɔ̀ŋì ìwən ikɔndi ane ìwi imɔʼ.

2 Kɔrèn 13:11

Ìmba məfi fɔrɔ ìta njàbi, mbə̀ si chùghi icheg chɔm. Mbə̀ se kìrə ika ni təm zen mànì. Mbə̀ ya zùgrə tikə te ne mə̀ nàʼi inən. Mbə yaʼ ane ichug imɔʼ bə̀ chùghi ane àbɔrɔ̀bɔd. Ane, Ŋwiye we ne kɔ̀ŋɔ̀ awa bə̀ zìyè àbɔrɔ̀bɔd igun ina biri yaʼ tì inən.

2 Kɔrèn 2:3

Aton ne mə̀ ya ŋwàʼri àŋwàʼrì ze inən ane ya gha, à ya mbə̰ koʼi ni ghì gha mə̀ gyendi. Ane, chəyi mə̀ ya kə̀bi ni yeʼe mbə̀ chìkì ìmə fìŋ. Anug ne mə̀ kyeri kwàʼ icheg chɔm ya gha, anyumə̀ ne mə̀ gyènde, mbə̰ məjìm mbe bə̀ gyènde.

2 Kɔrèn 7:7

Aghi ni ya ghi awa tì gyèndi kayi məyi icheg ne məd ya yèʼe, à ya fɔrɔ imbə̀ʼ icheg ne məd ya pe ghà ina gha mbə̰ ya nɔ̀ri fìŋ məd. Tayitùs ya mə̀tì ina gha: Mbə̰ mbe taŋ kə̀bə ni bàd amə. Mbə̰ mbe sɔ̀mnɔ̀ imbə̀ʼ amə. Mbə̰ fə bə̀ chùʼri ìwən nyɔd ni zugrə mə. Ane, mə we taŋ gyènde amad anìŋ.

Fìlipì 1:4

Mà nyumə̀ ijìm ne mə chàʼrà Ŋwiye inən mbə̰ məjìm, mə ya chàʼrà tì igyendi inum inga fìŋ.

Fìlipì 2:16

Mbə̀ nyimi ikən chɔm we ne nàʼà ìtḛ̀ ni ghì gha mə biri bèrì aton ni kɔ̀m igo ane aneg ze ne Kristo biri ywiri yeʼe gha chəyi mə̀ ya nòto atog ako, kə̀ fàʼ àfàʼì ako.

Fìlipì 2:20

Chəyi mə̀ beri wə̀d ndəŋ icheg Timotì ne nɔŋi fìŋ ni ghì gha mbə̀ yaʼ icheg chɔm.

Fìlipì 4:2

Mə we bòʼo ibo abə Èyodìyà tì Sintikè gha, icheg ne mbi yaʼi ane ifɔti tì Anɔŋisəg, mbe yaʼ ane ichug imɔʼ.

Kòlosè 2:5

Ka chəyi awum abɔ̀ʼ inən, mbə̀ kyeri gha mə we kɔ̀ndɔ awən mà nyumə̀ ijìm. Mbə̀ bə kyèri gha, mə kɔ̀ŋ ni bàd icheg ne mbə̰ mbe ghìyə̀ inug ne koʼi bə̀ bàd icheg ne ìwən ibḛfiŋ təmi kà igun Kristo.

2 Tès 2:13

Ìmbum məfi fɔrɔ ìtum njàbi ne Anɔŋisəg kɔ̀ŋi, ze kòʼ ina ni ya nàʼà məyakà abə Ŋwiye imbə̀ʼ awən mà nyumə̀ ijìm imbə̀ʼ icheg ne Ŋwiye ya chɔʼ awən bɔŋ se tànga isəg gha mbə̀ pum. Mbə̰ biri pum icheg ne Azwighi Ŋwiye ze ghìyə̀ mbə zḛ, fɔrɔ anjìm icheg ne mbə̀ nɔŋi ibḛfiŋ igun tesiʼ.

2 Timotì 1:4

Mə ya mə̀ kɔ̀ndi icheg ne àghò we dèghè, mə̀ ya se kə̀bə̀ ni ywìri bàd awe ni ghì gha mə̀ ywiri taŋ gyèndi.

Filemɔ̀n 1:20

Ane, ìmə ifi, mə boʼ ibo ine gha àghò zugri amə, fàʼ anug azo̰ ne mə ghà icheg ne tì yaʼi ane ifɔti tì Anɔŋisəg. Àghò nəri ìmə fìŋ icheg wə̀d Kristo ìywin.

2 Jɔn 1:4

Mə ya taŋ gyen anyumə̀ ne mə̀ ya bàri gha bəd mɔ̀ʼɔ abɔ̀ʼ ìmbe bɔn mbe bène abɔ̀ʼ tesiʼ kwàʼ icheg ne Ŋwiye ne yaʼi Mbaʼ ya nàʼi ikə ina.

3 Jɔn 1:4

Chəyi igyendi ndəŋ inga ìmə fìŋ ne che we ne mə̀ beri icheg ne mə̀ ya zughi gha ìmbe bɔn mbe bə̀ bène abɔ̀ʼ tesiʼ.