Fìlipì 2:16 - Ikan feg

¹⁶ Mbə̀ nyimi ikən chɔm we ne nàʼà ìtḛ̀ ni ghì gha mə biri bèrì aton ni kɔ̀m igo ane aneg ze ne Kristo biri ywiri yeʼe gha chəyi mə̀ ya nòto atog ako, kə̀ fàʼ àfàʼì ako.

Meta’

¹⁶ Mbə̀ yim ɨŋgam we nɨə nàʼ ɨ̀tènɨ̀, ɨmbə̀ʼ mə̀ goŋ ɨgɔ̂ əni ze nɨ Kristo bɨrɨ wɨrɨ yeʼe ni chəi mə̀ nyaʼa notɨ ətu ə̀kǒ kɨ̀ bə̀ fàʼ ətu ə̀kǒ.

Fìlipì 2:16 Marejeleo ya Msalaba

Matìyò 10:27

Inug mbe ne mə ghà inən ne tì yaʼi məyi mba mba, mbə̀ chete isəg ijìm zug. Inug mbe ne mə̀ jiti jiti ghà inən, mbə̀ təm igun idɔm nəb chètì abə bəd.

Lk 12:8

Mə ghà tesiʼ inən, bəd ne bḛ asaŋ asaŋ gha mbɔb ya ìmbum bəd, Ŋwan Wə̀d biri bə bḛ awɔb imbìghè abə mbè angirə̀ Ŋwiye.

Jn 6:63

À ya Azwighi Ŋwiye ze nàʼà ìtḛ̀. Chəyi tì wə̀d naʼ ìtḛ̀. Ìngam gho̰ anìŋ ne mə ghàmi inən ya ìngam ne nàʼà ìtḛ̀. À ya ìngam ne nɔʼi abə Azwighi Ŋwiye.

Jn 6:68

Sayimùn Pità ya biri ibo gha, “Anɔŋisəg, tì kə ywiri ghò abə we? À ya məyi àghò beri ìngam we ne nàʼà ìtḛ̀ ighə̀m imɔʼ.

Ɨ̀fàʼì 13:26

Sɔl ya chè imbìghè si gha, “Ìmbum məfi, bɔn ane aghaŋ inəbi Abràham tì mbə̰ mbe ne kayi mə̀Ju ne ghùmnə Ŋwiye, ikən we ne ghà imbə̀ʼ icheg ne Ŋwiye we pùmnə bəd fə yeʼe ina.

1 Kɔrèn 1:8

Məd biri bə ghì gha mbə̀ təm kà ghò pè ane ìnwḭ ni gha chəyi bəd biri gha mbə̰ gùg anug ane aneg ze ne Anɔŋisəg Yeso Kristo ywirì yèʼe.

1 Kɔrèn 9:26

À ya aton ne chəyi mə̀ nòtò angu angu. Chəyi mə bə̀ zɔ̀ŋɔ̀ icheg wə̀d ne kɔ̀mɔ̀ asiŋi ako.

2 Kɔrèn 1:14

Icheg ne mbə̀ kweʼì kyèri inug mɔ̀ʼɔ imbə̀ʼ awa, mə bèrì ibḛfiŋ gha mbə biri taŋ kyeri awa anyumə̀ ne Anɔŋisəg Yeso biri ywiri yeʼe. Mbə̰ biri se tə̀rə̀ awən imbə̀ʼ awa bə̀ kwàʼ icheg ne tì biri bə se tə̀rə̀ awa imbə̀ʼ awən.

Gàlesìyà 2:2

Mə ya ghò imbə̀ʼ icheg ne, à ya Ŋwiye ya ghàmi inum gha mə gho angu. Mə ya pè angu, tòʼrì ikən chɔm we ne mə̀ yaya chètè abə bəd mbe ne kayi mə̀Ju. Mə ya tòʼrì məyi abə itog bəd inga ifeti bəd Kristo we a Jèrusalèm. Mə ya ghì ane ni gha itog bəd Kristo mbe bara gha, àfàʼì ze ne mə̀ fə fàʼi tì àfàʼì ze ne mə fàʼà, chəyi ze biri chè ako.

Gàlesìyà 4:11

Anug azo̰ ne mbə̰ mbe ghìyə̀ ze nàʼà ibɔ inum gha, ighəm mɔ̀ʼɔ mə chètì ikən chɔm inən anìŋ kwàʼ ati ako.

Fìlipì 1:10

Mbə̀ ghiyə ane imbə̀ʼ kyeri icheg ni də̀b anug ne taŋ bɔ̀ŋ. Ane, mbə biri chughi inga ìzḛzḛ anene ghò pè ane aneg ze ne Yeso Kristo biri ywiri yeʼe, ne chəyi tì wì bàd anug tibɔ̀ŋ mɔ̀ʼɔ inga ìwən ìtḛ̀.

Fìlipì 1:6

Mə kyèri kwàʼ tesiʼ gha, Ŋwiye we ne ya ko àfàʼì chɔm azo̰ ni fàʼ inga ìwən ìtḛ̀, wì biri chè imbìghè ni fàʼ ajìm ghò pè ane aneg ze ne Yeso Kristo biri ywiri yeʼe.

1 Tèsàlonikà 2:19

Àkə mə̀we ghi gha tì nɔŋɔ ikɔndi igun ighi mbe ne te ghɔ̀mɔ̀? Àkə mə̀we biri ghì gha tì gyendi? Àkə mə̀we biri ghì gha tì kɔmɔ igo imbìghè abə Anɔŋisəg Yeso anyumə̀ ne wì ywirì yèʼe? Imbə̀ʼ à ya mbə̰?

1 Tèsàlonikà 3:5

À ya aton ne mə̀ ya cha Timotì gha wì yeʼe nwendi icheg ne ìwən ibḛfiŋ igun Yeso yaʼi. Chəyi tì mə ya ywìrì nyìʼ. Mə yaya bɔ gha imbə̀ʼ wə̀d we ne kwàʼrà bəd nɔ̀ʼ kwàʼrì awən ghì àza àfàʼì inən ze chè ako.

Mə̀Hibrù 4:12

Aton ya gha, Ìngam Ŋwiye bèrì ika ni fàʼ inug mbe ne Ŋwiye we kə̀bə̀. Ìngam Ŋwiye bèrì ika. Wi ya bə̀ tɔ iba ijìm icheg ibeg ibid. Wi ya mə̀ zùm wə̀d, wì ya ghàpà nyàmnyɔd tì azwighi bə̀ ghàpà iwu tì isɔŋ. Wi bə̀ taŋ bèrì ika ni kyeri inug mbe ne bəd mbe kɔ̀ndɔ bə̀ kyèri inug mbe ne yaʼi inga fìŋ abə bəd.

1 Pità 1:23

Ŋwiye we ne yaʼi izɔm ane ighə̀m imɔʼ fə ywìrì gwi awən anjìm ìngam məd we ne yaʼi izɔm bə̀ yaʼ ane ighə̀m imɔʼ. Chəyi ìngam gho̰ nɔʼi abə ìmbən mə̀mbaʼ ne tì mbi ku. À ya ìngam ne nɔʼi abə Ŋwiye ne chəyi tì wì ku.

1 Jɔn 1:1

Tì ya ŋwàʼrà àŋwàʼrì azo̰ inən anìŋ ni ghà inug imbə̀ʼ Ìngam we ne ghìyə̀ bəd jəghə ìtḛ̀. À ya Ìngam we ne ya yaʼi bɔŋ Ŋwiye ya se tànga isəg. Tì ya zug inug kwàʼ ibo ichug anyumə̀ ne wì yaya ghàmà ina. Tì ya bàd aməd kwàʼ mba mba. Tì ya taŋ nèn aməd. Tì ya bə̀ bètì aməd kwàʼ ane ìmba ibo.

Ɨnû 22:17

Azwighi Ŋwiye tì Àyi igən gha, “Yeʼe!” Wə̀d ijìm ne zughi anug azo̰ mənyìʼ bə̀ gha “Yeʼe!” Wə̀d ne adɔʼ mənib ze ko aməd, wì yeʼe no ane mənib mbe ne nàʼà ìtḛ̀. Wì yeʼe no kwàʼ ako ne chəyi wì nàʼi ikab