Fìlipì 2:14 - Ikan feg

¹⁴ Mbə̀ ghiyə inug ijìm ne chəyi mbə̰ mbe zḭ̀ʼḛ̀ kə̀ tàŋà inug.

Meta’

¹⁴ Mbə ghɨ ɨnû jìm nɨ chəi mbə̀ə ghàmbɨ̀ə̀ kɨ̀ nɨ mbə̀ə tàŋə̀,

Fìlipì 2:14 Marejeleo ya Msalaba

Matìyò 20:11

Anyumə̀ ne mbi ya niŋi ikab we, mbi ya ko se ghàmbà wə̀d we ne beri mben vayìn ze.

Mk 14:5

Nji mbi kə fèn məwud mbo̰ ane ikab ne che chuʼ aki atad, si nàʼ ikab we abə bəd ne chəyi àzɔb.” Mbi ya ghì ane, ghàm tɔ abə àyi we.

Mk 9:14

Anyumə̀ ne Yeso tì mə̀mə̀nənùg mbe ne ya yaʼi tì məd ya swiʼi ikaŋ iwum we ghò kɔ̀ti mbin tì mə̀mə̀nənùg, mbi ya bàd inɔ̰ bəd ne ya yaʼi kwàʼ ìwi kyen ne ya kad awɔb. Mbi ya bə̀ bàd mə̀chwitì mə̀nɔ̀ʼɔ̀ ne yaya tàŋà inug tì inɔb.

Lk 5:30

Mə̀Farìsi fɔrɔ mə̀chwitì mə̀nɔ̀ʼɔ̀ ne ya yaʼi inga ìwɔb ikoʼi ya ghàmbì imbə̀ʼ Yeso abə mə̀mə̀nənùg məd gha, “Aton ne mbə̰ mbe jə̀ghə bə̀ no tì bədtag fɔrɔ bəd inug tibɔ̀ŋ àkə gha?”

Ɨ̀fàʼì 15:2

Ane, Pɔl tì Bànabàs ya gwì achɔb ka ka se tàŋà inug mbe tì bəd mbe. Achɔb ze ya ghì mbi chɔʼ Pɔl tì Bànabàs fɔrɔ bəd Kristo ndəŋ tɔm awɔb gha mbe kɔʼ ghò a Jèrusalèm ghò nwèndi anug ze abə bədtɔm Kristo fɔrɔ abə itog bəd inga ifeti bəd Kristo.

Ɨ̀fàʼì 15:39

Pɔl ya tàŋ anug azo̰ tì Bànabàs anene ze ghì mbi ghàpà. Bànabàs ya niŋ Jɔn Mag mbi nyi abaŋ igyi bàni igyi ghò a Sayiprùs.

Ɨ̀fàʼì 15:7

Anyumə̀ ne mbi ya fə ghàmi ghò agha sà, Pità ya nɔ̀ʼ təm titighe, ghà inɔb gha, “Ìmbum məfi, mbə̰ kyèri àzən aghi gha, inga ineg mbe ne anug Kristo ya ko, Ŋwiye ya chɔʼ amə inga inən, chà amə gha mə gho ghà ikən chɔm gho̰ abə bəd ne kayi mə̀Ju, mbe zug bḛ.

Ɨ̀fàʼì 6:1

Inga ineg mbe, inɔ̰ mə̀mə̀nənùg Yeso yaya yètè ghò gho imbìghè. Mə̀Ju mbe ne yaya ghàmà Grig ya puti mə̀Ju mbe ne yaya ghàmà Hibrù. Mbi ya puti awɔb gha mbɔb mbe wàʼra ìmbɔb məku àyi anyumə̀ ne mbe ghàpà tijəg.

Rm 12:18

Mbə ghì ika ijìm ne tì mbə̰ ghì ni chughi ane àbɔrɔ̀bɔd tì wə̀d ijìm.

Rm 14:1

Mbə̀ niŋ bəd məjìm mbe ne ìwɔb ibḛfiŋ we bɔ̀rɔ, si ya gha, imbə̀ʼ mbə̰ si ya tàŋà awən inug tì inɔb imbə̀ʼ aghi ne mbɔb koʼi ni fàʼ kə̀ aghi ne chəyi mbɔb koʼi ni fàʼ.

Rm 16:17

Ìmbum məfi tì tum njàbi, mə we nə̀ri awən gha, mbə̀ we awən tì bəd mbe ne ghìyə̀ gha bəd Kristo ghapa bə̀ ghìyə̀ gha mbe febe inɔnjì. Mbi ya ghìyə̀ ane icheg ne mbi to̰ awɔb inug mbe ne mbə̀ ya fə nani. Imbə̀ʼ mbə̰ si jəgri awən tì inɔb

1 Kɔrèn 10:10

Imbə̀ʼ tì ghamba awa Ŋwiye icheg ne bəd mɔ̀ʼɔ abɔ̀ʼ inɔb ya ghàmbi, Ŋwiye cha angirə̀ gha wì gho zwèti awɔb.

2 Kɔrèn 12:20

Ane, mə we bɔ gha anyumə̀ ne mə̀ biri yeʼe, ighəm mɔ̀ʼɔ chəyi mə̀ biri pè kɔ̀ti awən icheg ne mə̀ kəbi gha mbə̀ yaʼ. Ighəm mɔ̀ʼɔ chəyi mbə̰ inən biri bə kɔ̀ti mə icheg ne mbə̰ mbe kə̀bə̀ gha mə yaʼ. Aton ne mə bɔ ya gha, mə biri pè kɔ̀ti bəd ne chɔ̀bɔ, tì bəd ne ghìyə̀ àdeg, tì bəd ne nɔ̀ŋɔ̀ agaŋ, tì bəd ne sìyè, tì bəd ne chìkə̀ tikum abə mə̀mbin, tì bəd ne ghìyə̀ mənìghe, tì bəd ne nɔ̀ nyɔd fɔrɔ bəd ne bùrə̀ isiŋi.

Gàlesìyà 5:15

Mbə̰ mə̀ ya ghìyə̀ inug yaʼ icheg nyam tɔ tɔ ne nɔ̀mbɔ ìtin zwète, nji mbə biri nimni awən mbə̰ mbə̰.

Gàlesìyà 5:26

Ane, imbə̀ʼ tì ya nɔ̀ awa nyɔd. Imbə̀ʼ tì ya ghìyə̀ awa gha bəd gaŋ. Imbə̀ʼ tì ya bə̀ ghə̀ʼrə̀ awa ighi bəd.

Fìlipì 2:3

Imbə̀ʼ mbə̰ ya ghìyə̀ awən inug ni gha ighi ijìm yaʼ məyi inən. Imbə̀ʼ mbə̰ ghiyə awən inug ne chwìye gha mbə̰ mbe nɔ̀ nyɔd. Wə̀d swi ìwi nyɔd aseg, niŋ gha bəd ndəŋ chè aməd.

1 Tèsàlonikà 5:13

Mbə̀ taŋ ghùmni awɔb bə̀ chwi inɔb gha mbə̰ kɔ̀ŋ awɔb imbə̀ʼ àfàʼì ze ne mbɔb mbe fàʼà inən. Mbə̀ chughi ane àbɔrɔ̀bɔd tì mə̀mbin.

1 Tèsàlonikà 5:15

Mbə̀ kirə ika gha, imbə̀ʼ wə̀d ywìtì yi anug tibɔ̀ŋ igun anug tibɔ̀ŋ. Mbə̀ ya bèrè yaʼ fìŋ chɔm igun wə̀d imɔʼ imɔʼ inga ìwən ifeti fɔrɔ igun bəd ndəŋ məjìm.

Mə̀Hibrù 12:14

Mbə̀ kirə ika ni chughi ane àbɔrɔ̀bɔd ti wə̀d ijìm bə̀ chùghi inga ìzḛzḛ. Àmə chəyi ze yaʼi ane, nji chəyi wə̀d ne biri ghum bàd Anɔŋisəg.

Jems 1:20

Aton ya gha, chəyi agaŋ wə̀d ze ghìyə̀ gha ìtḛ̀ məd təm kòʼ icheg ne Ŋwiye we kə̀bə̀.

Jems 3:14

Àmə yaʼ aghi ne ìtən fìŋ ya kà nwḭ̀yḛ̀ yi nwḭ imbə̀ʼ bəd, àmə yaʼ aghi ne mbə̰ mbe bə̀ sìyè, imbə̀ʼ mbə̰ kɔ̀m awən igo ane ikuchèg we. Imbə̀ʼ mbə̰ to̰ awən tesiʼ.

Jems 5:9

Ìmbum məfi fɔrɔ ìtum njàbi, imbə̀ʼ mbə̰ zḭʼḛ awən mə̀mbin, nji Ŋwiye biri saʼ awən. Məd we ne biri saʼ wə̀d ijìm we se zàmbi yeʼe!

1 Pità 3:11

Tengàŋ mənyìʼ to̰ inug tìbɔŋ, se fàʼà inug chɔm. Wì mənyìʼ ya kìrə ika ni chughi ane àbɔrɔ̀bɔd tì wə̀d ijìm.

1 Pità 4:9

Mbə̀ niŋ bəd inga ìmbən ichan ane fìŋ ifibì.

Jûd 1:16

Bəd mbo̰ ya kùmə̀ inug ijìm. Chəyi anug mɔ̀ʼɔ ne kwèʼe bɔ̀ŋɔ̀ inɔb. Mbɔb ya ghìyə̀ inug ne ìtɔb nyàmnyɔd te ghə̀ʼrə̀. Mbɔb ya kɔ̀mɔ̀ igo. Mbɔb ya chɔ̀tɔ̀ wə̀d məyi ni niŋ aghi mɔ̀ʼɔ ibo.