Fìlipì 2:12 - Ikan feg

¹² Ìmbum mə̀sə̀ʼ ne mə̀ taŋ kɔ̀ŋ, icheg ne mbə̀ yaya zùgrə Ŋwiye anyumə̀ ne mə̀ ya yaʼi abɔ̀ʼ inən, amad anìŋ ne chəyi mə̀ ywirì yaʼ abɔ̀ʼ inən, mbə̀ che imbìghè ni taŋ zugri aməd. Mbə̀ kirə ika ni təm kà icheg ne Ŋwiye fə pumni awən. Mbə̀ ya ghìyə̀ yaʼ inug ne chwìye gha mbə̰ mbe ghùmnə Ŋwiye bə̀ zùgrə aməd.

Meta’

¹² Mbɨ bɔŋgɔb nɨ mə̀ ghaʼi kwàʼ rɨŋgəʼ, ɨchî nɨ mbə̀ nyaʼə zuunɨ ə Ŋwiə̀ ɨghəm jìm ənɨ mə̀ nyaʼa mbɨ nən, əne tɨ̀nîn nɨ chəi əmɨ mbɨ nən, mbə̀ jeŋgɨ zuunɨ əməd. Ŋwiə̀ fə chɨ̀ əwən rəŋgəʼ, əne mbə̀ kywɨ ənywɨ màànɨ̀ ɨchî nɨ wɨ̀ chɨ̀ əwən rəŋgəʼ ɨchî nɨ mbə̀ə bɔ əməd bə̀ wumnɨ əməd.

Fìlipì 2:12 Marejeleo ya Msalaba

Matìyò 11:12

Ni ko ane nyumə̀ we ne Jɔn gho̰ yaya ghà ikən chɔm yèʼe pè tèchɔ̀ŋ, anug ìfɔ̀n ikaŋ fə zə̰ ngəʼ ka ka, ne à ya bəd ne kìrə ika mbe nyḭ̀yḛ inga.

Matìyò 11:29

Mbə̀ niŋ ìmə mbèʼ bèʼì, bə̀ kwèmbi inug inum imbə̀ʼ icheg ne mə we bɔ̀tɔ ane fìŋ bə̀ swìye ìmə nyɔd aseg. Mbə̰ mə̀ ghì ane, ìtən fìŋ biri zùtì inga.

Ɨ̀fàʼì 16:29

Ibɔ ya gwì wə̀d we ne yaya kyèʼrè nəb ndəŋ ze, wì se bìnde. Ane, wì ya ghà gha mbe yeʼe tì anam. Wì ya niŋ anam ze, nòrò ghò nyi inga nəb ndəŋ ze gɔ̀m itog inwḭ aseg imbìghè abə Pɔl tì Sayilàs.

Ɨ̀fàʼì 9:6

Nɔ̀ʼɔ amad anìŋ ghò nyi inga Dàmaskòs. Anyumə̀ ne àghò pe angu, wə̀d mɔ̀ʼɔ biri zən awe mə̀tì anug ne àghò mənyìʼ fàʼ.”

Rm 2:7

Wì biri nàʼ ìtḛ̀ ighə̀m imɔʼ abə bəd mbe ne che imbìghè ni nyìʼ fìŋ fàʼ inug chɔm, bə̀ kə̀bə̀ gha Ŋwiye ghiyə mbe beri ighumni, bə̀ kə̀bə̀ gha Ŋwiye gha gha mbɔb fàʼ icheg chɔm bə̀ ghì mbɔb yaʼ izɔm ane ighə̀m imɔʼ.

1 Kɔrèn 15:58

Ane, ìmbum məfi fɔrɔ ìtum njàbi ne mə̀ taŋ kɔ̀ŋ, mbə̀ təm kà. Imbə̀ʼ mbə̰ si saŋa awən gha aghi mɔ̀ʼɔ chiʼre ìwən ibḛfiŋ ka. Mbə̀ ya fàʼà àfàʼì ze ne Anɔŋisəg zi inga ìtən tikye ibo ane ìzən fìŋ ijìm. Mbə̀ ya fàʼà ane imbə̀ʼ icheg ne mbə̰ kyèri gha chəyi anug mɔ̀ʼɔ ne mbə̰ mbe fàʼà abə Anɔŋisəg ne biri chè ako.

1 Kɔrèn 2:3

Anyumə̀ ne mə̀ ya yeʼe inən, chəyi mə̀ ya kòʼi ane wə̀d ne tì mə ghàm inən. Ibɔ ya ghì mə binde gha chəyi mə̀ biri fàʼ icheg chɔm.

1 Kɔrèn 4:14

Chəyi mə ŋwàʼrà anug azo̰ anìŋ ni zì tìnìrètog igun inən. Mə ya ghàmà ìngam gho̰ ni kə awən, mbə̰ ìmbum bɔn ne mə̀ taŋ kɔ̀ŋ.

2 Kɔrèn 7:15

Ane, anyumə̀ ne Tayitùs wèndi icheg ne mbə̀ ya niŋə aməd, bə̀ taŋ ghumni aməd, bə̀ zùgri aməd, wì ya ywìrè taŋ kɔ̀ŋɔ̀ awən.

Efesùs 6:5

Ìbòʼì, mbə̀ ya zùgrə ìmbən mə̀mbaʼ àfàʼì igun isəg. Mbə̀ taŋ gùndi aseg ghùmni awɔb ane fìŋ ijìm bə̀ kwàʼ icheg ne mbə̰ mbe ghùmnə Kristo.

Fìlipì 1:27

Anug kyen ne angu ya gha, mbə̀ bere ikuchèg we ne ikən chɔm imbə̀ʼ Kristo we chwìte. Ane, kə̀ mə yèʼe bàd awən kə̀ chəyi, mə biri zug gha mbə̰ təm kà ane ibḛfiŋ imɔʼ. Mə biri bə zug gha mbə̰ mbe se ane anug amɔʼ bə̀ bèrì ikɔndi imɔʼ. Mə biri bə zug gha mbə̰ mbe se kìrə ika ni ghì gha bəd nɔŋɔ fìŋ igun Kristo icheg ne ikən chɔm we chwìte.

Fìlipì 1:29

Ŋwiye fə nàʼ apan inən ni yaʼ bəd Kristo. Apan ze ya kayi məyi ni bḛ aməd. À ya bə̀ ni zən ngəʼ imbə̀ʼ aməd.

Fìlipì 1:5

Mə ya gyènde imbə̀ʼ icheg ne mbə̀ fɔti abo abɔ̀ʼ inum ni chètì ikən chɔm imbə̀ʼ Yeso Kristo nɔ̀ʼ ane aneg mbègtog ne mbə̀ ya bḛ Kristo pè tèchɔ̀ŋ.

Fìlipì 1:6

Mə kyèri kwàʼ tesiʼ gha, Ŋwiye we ne ya ko àfàʼì chɔm azo̰ ni fàʼ inga ìwən ìtḛ̀, wì biri chè imbìghè ni fàʼ ajìm ghò pè ane aneg ze ne Yeso Kristo biri ywiri yeʼe.

Fìlipì 2:19

Anɔŋisəg Yeso mə̀ bḛ nji mə biri zàmbi chà Timotì abɔ̀ʼ inən. Ane, anyumə̀ ne wì biri bə̀ndì yeʼe abɔ̀ʼ inum, mə biri gyen ni zug icheg ne mbə̀ yaʼi ibo.

Fìlipì 4:1

Ìmbum məfi fɔrɔ ìtum njàbi, mə kɔ̀ŋ awən. Mə bə̀ kə̀b ni bàd awən. Mbə̰ mbe ghìyə̀ ìmə fìŋ bɔŋɔ̀. Mbə̰ ya icheg àmə ichɔʼ àfàʼì ane àfàʼì ze ne mə fàʼà. Ìmbum mə̀sə̀ʼ ne mə̀ taŋ kɔ̀ŋ, icheg ne mbə̀ yaʼi ane ifɔti tì Anɔŋisəg, mbə kòʼ ni təm kà.

Fìlipì 4:15

Mbə̰ bəd a Fìlipì kyèri àzən aghi gha, anyumə̀ ne mə̀ ya nɔ̀ʼi a Màsèdonìyà ko gha ikən chɔm, chəyi ifeti bəd Ŋwiye ndəŋ ya wèti amə. À ya məyi mbə̰ ya wèti amə nàʼ ighi inum, mə bə̀ nàʼ ighi inən.

1 Tèsàlonikà 1:3

Mà nyumə̀ ijìm ne te chàʼrà Ŋwiye tì we wènde àzən àfàʼì abə Ŋwiye ne yaʼi ìwa Mbaʼ. À ya àfàʼì ne mbə̰ mbe fàʼà imbə̀ʼ icheg ne mbə̀ zì ibḛfiŋ igun Kristo fɔrɔ imbə̀ʼ icheg ne mbə̰ mbe kɔ̀ŋɔ̀ ìmbən məfi fɔrɔ ìtən njàbi ne tì yaʼi ane anug amɔʼ inga Kristo. Tì we bə̀ wènde icheg ne mbə̰ mbe nyìʼè inug imbə̀ʼ icheg ne mbə̀ nɔŋi ikɔndi igun ìwa Anɔŋisəg Yeso Kristo.

2 Timotì 2:10

Ane, mə we nyìʼè aton inug mbo̰ ijìm ni ghì gha bəd mbe ne Ŋwiye ya chɔʼi awɔb, Yeso Kristo ghiyə mbɔb pum bə̀ ghì mbɔb bere ighumni we ne chəyi ìnwḭ.

Mə̀Hibrù 12:1

Icheg ne tì beri bəd ndan ndàn ne nḛ̀ awa, ne ya nyimi ìwɔb ibḛfiŋ kwàʼ icheg chɔm, tì waʼ inug ijìm mbe ne kə̰ awa fɔrɔ inug tibɔ̀ŋ mbe ne kə nyìme awa anjìm. Tì nyimbi fìŋ ni nòrò ànòtì ze ne yaʼi ina imbìghè.

Mə̀Hibrù 4:1

Icheg ne anug ze ne Ŋwiye ya kàʼi ni nàʼ àzwètì abə ìmbi bəd, ze kiri təm, tì niŋ nyumə̀ imbə̀ʼ wə̀d mɔ̀ʼɔ nɔ̀ʼ sam.

Mə̀Hibrù 4:11

Ane, tì kirə ika ni nyi inga asiŋi àzwètì ze ne Ŋwiye we nàʼà abə bəd məd, ni gha imbə̀ʼ wə̀d mɔ̀ʼɔ nɔ̀ʼ ghì tìzughə icheg ne ìmba mə̀mbaʼ aneg ya ghi tìzughə̀ abə Ŋwiye si sam àzwètì ze.

Mə̀Hibrù 5:9

Ŋwiye ya ghì aməd wì bɔ̀ŋ mànì, bə̀ ghì gha məd yaʼ wə̀d ne pùmnə wə̀d ijìm ne zùgrə aməd ane ighə̀m imɔʼ.

1 Pità 2:11

Ìmbum məfi fɔrɔ ìtum njàbi ne mə̀ taŋ kɔ̀ŋ, mbə̰ ya bəd tìsɔ̀ʼ inga isəg gho̰ ne bə yaʼ mə̀nɔʼɔ. Ane, mə we bòʼo ibo inən gha mbə̀ chìye ìfən ifeg ane inug tibɔ̀ŋ mbe ne nyàmnyɔd ze ghə̀ʼrə̀. À ya inug tibɔ̀ŋ mbe ya màʼà ibid inən inga fìŋ.

2 Pità 3:18

Mbə̀ che imbìghè kweg inga ìchɔ̀mì fɔrɔ inga anug ni kyeri ìwa Anɔŋisəg Yeso Kristo ne pùmnə bəd. Bəd məjìm ghùmnə aməd ni ko amad anìŋ se ghò imbìghè ane ighə̀m imɔʼ! À ya ane.