Fìlipì 1:7 - Ikan feg

⁷ Ze kòʼ inum ni ya kɔ̀ndɔ inug mbo̰ anìŋ imbə̀ʼ awən mbə̰ məjìm imbə̀ʼ icheg ne mə̀ kɔ̀ŋ awən ane ìmə fìŋ ijìm. Ŋwiye we ghìyə̀ ìchɔ̀mì ina mba məjìm icheg ne te fàʼà ibo. Məd we bə̀ ghìyə̀ ìchɔ̀mì inum ka ya anyumə̀ ne mə̀ yaʼi inga nəb ndəŋ, kə̀ anyumə̀ ne mə chètè ikən chɔm, tòʼrò inug tesiʼ mbe ne yaʼi inga bə̀ ghìyə̀ bəd bḛ.

Meta’

⁷ Zɨə kàŋ kùʼ ni mə̀ kɔndɨ əne ɨmbə̀ʼ mbə̀n mɨjìm, ɨmbə̀ʼ ɨghəm nɨ mə kàŋ ghaʼ əwən əku. Ŋwìə̀ wɨə ghɨ̀ ɨ̀chɔ̀m ənɨ mba mɨjìm ɨchî nɨ tɨə fàʼ ɨ bɔ. Ɨ wɨə ghɨ̀ əne ənɨ mə̀ yeʼ ə nəb ndəŋ, ənɨ mɨə ghà ni ɨkə̂n chɔ̀m yɨ ənû rəsìʼ kaʼi mɨghab bə̀ fɔrɨ ənɨ mə nyaʼə ghɨ̀ə̀ ni bə̂d ben ɨnû mbe nɨ yeʼ ɨŋga ɨkə̂n chɔ̀m.

Fìlipì 1:7 Marejeleo ya Msalaba

Ɨ̀fàʼì 20:23

Anug ne Azwighi Ŋwiye ghi mə kyeri ya gha, nəb ndəŋ fɔrɔ ngəʼ te ghɔ̀mɔ̀ amə inga tikye aben ijìm ne mə ghò.

Ɨ̀fàʼì 21:33

Wə̀d kyen mə̀sogyì we ya swiʼi ghò gwì Pɔl, si ghà gha, mbe kɔd aməd ane mə̀chen məbe. Wì ya ghà ane, si bìri abə inɔ̰ bəd we gha, “Wə̀d gho̰ kə we? Wì kə gùg anug iye?”

1 Kɔrèn 13:7

Àkɔ̀ŋì ya kə̀bə̀ gha bəd ya nyìmbe fìŋ ane inug ijìm. Àkɔ̀ŋì ya ghìyə̀ gha bəd ya bḛ anug ne bəd ndəŋ mbe ghà. Àkɔ̀ŋì ya ghìyə̀ gha bəd ya nɔ̀ŋɔ̀ ikɔndi ghɔ̀mɔ̀ inug ijìm ne mbɔb zi ibḛfiŋ igun. Àkɔ̀ŋì ya bə̀ ghìyə̀ gha bəd bere inyìʼfiŋ ghò pè ane ìnwḭ.

1 Kɔrèn 9:23

Mə ya ghìyə̀ inug mbo̰ anìŋ məyi ni chètì ikən chɔm we ni ghì gha mo inum biri bə̀ bèrì àbɔrɔ̀bɔd.

2 Kɔrèn 3:2

Mbə̰ ya àza àŋwàʼrì ne ìta fìŋ kyeri ne chwìye gha mba ya bəd àfàʼì Ŋwiye ne fàʼà icheg chɔm. Wə̀d ijìm ne kàri àŋwàʼrì ze biri kyeri àfàʼì chɔm ze ne tì faʼi inga ìwən ìtḛ̀.

2 Kɔrèn 7:3

Kayi mə ghàmà anìŋ ni gaŋ awən. Mə kə̀ fə gha mbə̰ bèrì àzən ati inga ìmə fìŋ, kə̀ àkə ìtḛ̀ kə̀ iwu, tì ya tì inən.

Gàlesìyà 5:6

Ane, icheg ne tì yaʼi ane ifɔti tì Yeso Kristo, kə̀ mbe ŋwed wə̀d kə̀ chəyi, chəyi àze ywirì bèrì anug mɔ̀ʼɔ ni ghì ka. Anug kyen ne angu ya ibḛfiŋ we ne tì nɔŋi igun Kristo. À ya ibḛfiŋ we ghìyə̀ tì se kɔ̀ŋɔ̀ ìmba məfi fɔrɔ ìta njabi.

Efesùs 3:1

À ya imbə̀ʼ anug azo̰ ne Ŋwiye fɔ̀ti bəd məjìm ane ìmbi imɔʼ, ne mo Pɔl yaʼi wə̀d ndəŋ. Mo ya wə̀d ndəŋ imbə̀ʼ awən mbə̰ mbe ne kayi mə̀Ju anjìm icheg ne mə chètè ikən chɔm imbə̀ʼ Yeso Kristo.

Efesùs 4:1

Mo ne yaʼi wə̀d ndəŋ imbə̀ʼ icheg ne mə fàʼà abə Anɔŋisəg, mə we bòʼo ibo inən gha mbə̀ chughi kwàʼ ane ikuchèg ne koʼi. À ya ikuchèg ne Ŋwiye ya kàri awən gha mbə̀ chughi angu.

Efesùs 6:20

À ya imbə̀ʼ icheg ne mə təmi ane ikum Anɔŋisəg ni ghà ikən chɔm gho̰ ne mə̀ yaʼi inga nəb ndəŋ . Mbə̀ chaʼra Ŋwiye inum gha, mə̀ ya ghà ikən chɔm gho̰ kwàʼ icheg ne mə̀ koʼi ni ghà ne chəyi mə bɔ.

Fìlipì 1:12

Ìmbum məfi fɔrɔ ìtum njàbi, mə kə̀b gha mbə̀ kyeri gha, anug ne du igun inum ze wèti ni ghì gha ikən chɔm imbə̀ʼ Kristo gho gho imbìghè.

Fìlipì 1:13

Anug ze fə ghì gha mə̀sogyì məjìm mbe ne kyèʼè ìtɔʼ, fɔrɔ bəd ndəŋ məjìm ne yaʼi inga ìtɔʼ, mbe kyeri gha mə ya anìŋ inga nəb ndəŋ imbə̀ʼ Kristo.

Fìlipì 1:14

Anug azo̰ ne mbi zi amə inga nəb ndəŋ fə ghì gha atog ndàn bəd mbe ne bḛ Anɔŋisəg, mbe taŋ bèrì fìŋ ni ghàm Ìngam Ŋwiye gho gho imbìghè ne chəyi mbe bɔ wə̀d mɔ̀ʼɔ ka.

Fìlipì 1:5

Mə ya gyènde imbə̀ʼ icheg ne mbə̀ fɔti abo abɔ̀ʼ inum ni chètì ikən chɔm imbə̀ʼ Yeso Kristo nɔ̀ʼ ane aneg mbègtog ne mbə̀ ya bḛ Kristo pè tèchɔ̀ŋ.

Fìlipì 2:22

Àsi Timotì, mbə̰ kyeri àzən aghi gha, məd fə chwi gha zìye ya wə̀d àfàʼì chɔ̀m. Wè fàʼ tì inum ni chètì ikən chɔm imbə̀ʼ Kristo. Wè fàʼ kwàʼ icheg ŋwan we fàʼà tì ìwi mbaʼ.

Fìlipì 4:14

Mbə̰ ya ghì anug chɔm icheg ne mbə̀ ya wèti amə anyumə̀ ne mə̀ ya yaʼi inga ngəʼ.

Fìlipì 4:15

Mbə̰ bəd a Fìlipì kyèri àzən aghi gha, anyumə̀ ne mə̀ ya nɔ̀ʼi a Màsèdonìyà ko gha ikən chɔm, chəyi ifeti bəd Ŋwiye ndəŋ ya wèti amə. À ya məyi mbə̰ ya wèti amə nàʼ ighi inum, mə bə̀ nàʼ ighi inən.

Fìlipì 4:3

E! mə we bə̀ gha ine, àghò ne fàʼà tì inum ane ìze fìŋ ijìm gha àghò wete mə̀yi mbo̰ ghì mbe mana àzɔb achɔb. À ya mə̀yi ne yaya kìrə ika fàʼà tì inum anyumə̀ ne mə̀ yaya chètè ikən chɔm imbə̀ʼ Kristo. Anyumə̀ we, tì yaya fàʼà tì Klemèn fɔrɔ bəd àfàʼì ndəŋ. Ìtɔb tikum ti inga àŋwàʼrì ze ne mbi ŋwàʼrì tikum bəd mbe ne biri jəg ìtḛ̀.

Kòlosè 4:18

À ya mo Pɔl ŋwàʼri ichaʼri gho̰ kwàʼ ane àmə abo. Mbə̀ wendi gha mo we inga nəb ndəŋ. Ŋwiye ghiyə ìchɔ̀mì inən.

Kòlosè 4:3

Mbə̀ bə chàʼra Ŋwiye ina gha wì fiʼe inɔnjì ina tì chete ìwa ikən chɔm we ne ya yaʼi inə̀mbi imbə̀ʼ Kristo. À ya anjìm ikən we ne mə̀ yaʼi inga nəb ndəŋ .

1 Tèsàlonikà 5:5

Mbə̰ məjìm ya ghìyə̀ inug ne koʼi kwàʼ icheg bəd mbe ne ghìyə̀ inug tisi ne isiŋi mbe zḛ. Chəyi tì yaʼi bəd ne ghìyə̀ inug tibɔ̀ŋ icheg bəd mbe ne ghìyə̀ inug izimi ne chəyi tì wə̀d bad.

2 Timotì 1:8

Ane, imbə̀ʼ àghò bere awe tìnìrètog ni ghàm imbə̀ʼ anug ìwa Anɔŋisəg kə̀ imbə̀ʼ amə, mo ne yaʼi wə̀d ndəŋ imbə̀ʼ aməd. Àghò chuʼri ìwe nyɔd ni ya zə̰ ngəʼ imbə̀ʼ anug ni chètì ikən chɔm imbə̀ʼ Kristo icheg inum. À ya Ŋwiye we nàʼà ika ina.

2 Timotì 2:9

À ya imbə̀ʼ ikən chɔm gho̰ ne mə zə̰ ngəʼ, ne mbi kɔri amə ane mə̀chen icheg wə̀d inug tibɔ̀ŋ. Si ya gha, chəyi tì mbi kɔd Ìngam Ŋwiye.

Filemɔ̀n 1:13

Mə kə̀ taŋ kɔ̀ŋ ni nɔ̀ŋì aməd aŋa tì inum imbə̀ʼ icheg ne məd we tì wì fàʼ inum ane àze ati icheg ne mə̀ yaʼi inga nəb ndəŋ imbə̀ʼ ikən chɔm we ne mə ghà.

Mə̀Hibrù 3:1

Ane, ìmbum məfi fɔrɔ ìtum njàbi ne tì yaʼi ane anug amɔʼ tì Anɔŋisəg, mbə̀ nɔŋɔ ìtən tikɔndi igun Yeso we ne te gha tè zì ibḛfiŋ igun məd. Yeso gho̰ ya wə̀dtɔm Ŋwiye bə̀ yaʼ atog wə̀d igun bəd mbàn Ŋwiye.

1 Pità 4:13

Mbə̀ ya gyènde gha mbə̰ mbe bə̀ zə̰ ngəʼ icheg ne Kristo ya zə̰ ngəʼ. Ane, anyumə̀ ne Kristo ywirì yèʼe inga ìwi ighumni, igyendi biri sweg inga ìtən fìŋ.

1 Pità 5:1

Mo ne yaʼi atog wə̀d inga ifeti bəd Kristo, mə̀ ya bàd icheg ne Kristo ya zə̰ ngəʼ. Mə biri bə bàd icheg ne Kristo biri ywiri yeʼe inga ighumni məd. Mə ya anìŋ bòʼo ibo abə itog bəd inga ifeti bəd Kristo gha:

2 Pità 1:13

Mə kɔ̀ndi gha, à ya anug chɔm gha mə wendi inug mbo̰ inən ne mə̀ kiri biri izɔm.

1 Jɔn 3:14

Tè kyèri gha tì fə kɔpɔ dù inga inug mbe ne ghìyə̀ bəd kùyə nìme si yaʼ inga inug mbe ne ghìyə̀ bəd jəghə ìtḛ̀. Tè kyèri ane imbə̀ʼ icheg ne tì we kɔ̀ŋɔ̀ mə̀mbin. Wə̀d ne chəyi wì ya kɔ̀ŋɔ̀ mə̀mbin ya wə̀d ne kiri yaʼi inga inug mbe ne ghìyə̀ bəd kùyə nìme.