Fìlipì 1:13 - Ikan feg

¹³ Anug ze fə ghì gha mə̀sogyì məjìm mbe ne kyèʼè ìtɔʼ, fɔrɔ bəd ndəŋ məjìm ne yaʼi inga ìtɔʼ, mbe kyeri gha mə ya anìŋ inga nəb ndəŋ imbə̀ʼ Kristo.

Meta’

¹³ Zɨə nyaʼa ghɨ̀ ni mɨ̀sɔgyɨ̀ mɨjìm mbe nɨ nyaʼə nəŋgɨ ə tɔʼ mbɨə bə̂d cherə mɨjìm kyerɨ ni mə wɨ ə nəb ndəŋ ɨmbə̀ʼ ɨchî nɨ mɨə ghà ɨkə̂n chɔ̀m ɨmbə̀ʼ ə Kristo.

Fìlipì 1:13 Marejeleo ya Msalaba

Ɨ̀fàʼì 26:29

Pɔl ya ywìtì gha, “Ìmə ichaʼri Ŋwiye ya gha àghò tì bəd mbo̰ ne zùghə inug mbo̰ ne mə ghà amad anìŋ, mbə̀ yaʼ icheg inum. Mə kə̀b gha, kə̀ àkə ane iki nyumə̀ kə̀ ane nyumə̀ ne sa, mbə̀ yaʼ icheg inum. Si ya gha, imbə̀ʼ mbə̰ yaʼ awən bəd ndə̀ŋ icheg inum.”

Ɨ̀fàʼì 26:31

Anyumə̀ ne mbi yaya dùwə̀, mbi ya ghàm mbɔb mbɔb gha, “Chəyi mbaŋà ìzo̰ ghì anug mɔ̀ʼɔ ne chwi gha mbe zweti aməd kə̀ wì nyi ndə̀ŋ.”

Ɨ̀fàʼì 28:17

Anyumə̀ ne ineg ya che itad, Pɔl ya kàrì itog bəd mə̀Ju. Anyumə̀ ne mbi ya fete, wì ya ghà inɔb gha, “Ìmbum məfi, ka chəyi mə̀ ya bi ghì anug tibɔ̀ŋ mɔ̀ʼɔ abə ìmba bəd, kə̀ bì ghà anug tibɔ̀ŋ mɔ̀ʼɔ imbə̀ʼ məcheg aben ìmba mə̀mbaʼ aneg, mbi ya gwì amə a Jèrusalèm zì inga tikye ibo abə məRom.

Ɨ̀fàʼì 28:20

À ya aton ne mə ghà gha mbə̀ yeʼe mə̀ bàd awən, bə̀ ghàmbì tì inən imbə̀ʼ icheg ne à ya imbə̀ʼ Wə̀d we ne mə̀Izre nɔŋi ikɔndi ni ghɔ̀m, ne mbi kɔri amə ane mə̀chen mbo̰.”

Ɨ̀fàʼì 28:30

Pɔl ya chughi angu ane tituʼ ibe inga nəb ne wì ya niŋi se chùghə nàʼà ikab. Məd yaya nìŋə bəd məjìm mbe ne yaya ghò ibo inga nəb kwàʼ icheg chɔm.

Efesùs 3:1

À ya imbə̀ʼ anug azo̰ ne Ŋwiye fɔ̀ti bəd məjìm ane ìmbi imɔʼ, ne mo Pɔl yaʼi wə̀d ndəŋ. Mo ya wə̀d ndəŋ imbə̀ʼ awən mbə̰ mbe ne kayi mə̀Ju anjìm icheg ne mə chètè ikən chɔm imbə̀ʼ Yeso Kristo.

Efesùs 4:1

Mo ne yaʼi wə̀d ndəŋ imbə̀ʼ icheg ne mə fàʼà abə Anɔŋisəg, mə we bòʼo ibo inən gha mbə̀ chughi kwàʼ ane ikuchèg ne koʼi. À ya ikuchèg ne Ŋwiye ya kàri awən gha mbə̀ chughi angu.

Efesùs 6:20

À ya imbə̀ʼ icheg ne mə təmi ane ikum Anɔŋisəg ni ghà ikən chɔm gho̰ ne mə̀ yaʼi inga nəb ndəŋ . Mbə̀ chaʼra Ŋwiye inum gha, mə̀ ya ghà ikən chɔm gho̰ kwàʼ icheg ne mə̀ koʼi ni ghà ne chəyi mə bɔ.

Fìlipì 1:30

Tesiʼ ya gha, mbə̰ mbe zə̰ ngəʼ amad anìŋ kwàʼ icheg ne mbə̀ ya bàri ne mə zən ngəʼ. Mbə̰ mbe bə̀ kiri zùghə gha mə we bə̀ kiri zə̰ ngəʼ.

Fìlipì 1:7

Ze kòʼ inum ni ya kɔ̀ndɔ inug mbo̰ anìŋ imbə̀ʼ awən mbə̰ məjìm imbə̀ʼ icheg ne mə̀ kɔ̀ŋ awən ane ìmə fìŋ ijìm. Ŋwiye we ghìyə̀ ìchɔ̀mì ina mba məjìm icheg ne te fàʼà ibo. Məd we bə̀ ghìyə̀ ìchɔ̀mì inum ka ya anyumə̀ ne mə̀ yaʼi inga nəb ndəŋ, kə̀ anyumə̀ ne mə chètè ikən chɔm, tòʼrò inug tesiʼ mbe ne yaʼi inga bə̀ ghìyə̀ bəd bḛ.

Fìlipì 4:22

Bəd Ŋwiye məjìm aŋa mbe chàʼrà awən. Bəd mbe inga ìtɔʼ Kayisà mbe bə̀ taŋ chàʼrà awən.

2 Timotì 2:9

À ya imbə̀ʼ ikən chɔm gho̰ ne mə zə̰ ngəʼ, ne mbi kɔri amə ane mə̀chen icheg wə̀d inug tibɔ̀ŋ. Si ya gha, chəyi tì mbi kɔd Ìngam Ŋwiye.