Fìlipì 1:1 - Ikan feg

¹ À ya mo Pɔl tì Timotì, bəd àfàʼì Yeso Kristo ŋwàʼri àŋwàʼrì azo̰. Tì ŋwàʼrì anìŋ inən mbə̰ bəd Ŋwiye məjìm mbe a Filipì ne yaʼi ane ifɔti tì Yeso Kristo. Tì bə̀ ŋwàʼrì anìŋ inən mbə̰ mbe ne yaʼi itog bəd igun ifeti bəd Kristo fɔrɔ inən mbə̰ mbe ne fàʼà abə bəd Ŋwiye.

Meta’

¹ À yɨə mɔ̌ Pɔ̂l mbɨ Timotì, nɨ tɨ̀ yeʼ bə̂d ə̀fàʼì Kristo Yeso, ŋwaʼnɨ ə̀ŋwàʼnɨ̀ zɔ̂. Tɨ̀ wɨə ŋwàʼnɨ̀ əmbɨ mbə̀n bə̂d Ŋwiə̀ mɨ̀jìm mbe nɨ yeʼ ə Filipì, nɨ yeʼ ənɨ ɨfɔtɨ mbɨ Kristo. Tɨ̀ wɨə ŋwàʼnɨ̀ əmbɨ mbə̀n mbe nɨ yeʼ ɨtu nɨə chà ɨfetɨ bə̂d Kristo. Tɨ̀ wɨə bə̀ ŋwàʼnɨ̀ əmbɨ mbə̀n mbe nɨə wèèrɨ̀ mɨ̀mə̌d.

Fìlipì 1:1 Marejeleo ya Msalaba

Mk 13:34

A ze icheg ne wə̀d ghò ŋa yḛ̀ yi. Bɔŋ wì se dù inga nəb, wì biri fə nàʼ àfàʼì abə ìmbi bəd àfàʼì, wə̀d tì àze àfàʼì, ìwi ndəŋ tì àzin. Wì biri bi ghà abə wə̀d ne kyèʼè achan gha wì chughi ikyèʼi.

Jn 12:26

Wə̀d mɔ̀ʼɔ mə̀ kə̀b ni fàʼ inum, wì bèrì ni beni abɔ̀ʼ inum. Asiŋi ne mə̀ yaʼi angu, à ya angu ne ìmbum bəd àfàʼì biri bə yaʼ. Ìmə Mbaʼ biri ghumni wə̀d ne fàʼà inum.”

Ɨ̀fàʼì 1:20

Pità ya ghàm ane si gha, “A ze inga Àŋwàʼrì Mə̀Sam gha, ‹Kwàʼ nəb məd chughi ìzi zɔbi! Imbə̀ʼ wə̀d mɔ̀ʼɔ nɔ̀ʼ chùghə yi inga nəb məd.› Wì ya bə̀ ywìrì gha: ‹Kwàʼ ineg məd aŋa igun isəg mbe kə! Wə̀d ndəŋ niŋ àfàʼì məd.›

Ɨ̀fàʼì 20:28

Mbə̀ se kyèʼrè ìtən nyàmnyɔd mbə̰ mbə̰. Mbə̀ bə se kyèʼrè bəd Kristo məjìm mbe ne Azwighi Ŋwiye chɔʼi awən ane itog bəd ne fàʼà inɔb. Mbə̀ kyeʼre ifeti bəd Ŋwiye mbe ne məd ya zo̰ ane anəm Ŋwan məd.

Ɨ̀fàʼì 9:13

Ànàniyàs ya ywìtì gha, “Anɔŋisəg, bəd nɔʼ nɔʼ fə mə̀tì inug inum imbə̀ʼ wə̀d gho̰. Mbi fə mə̀tì icheg ne wì fə zi ngəʼ nɔʼ nɔʼ igun ìmbe bəd a Jèrusalèm.

Rm 1:1

À ya mo Pɔl, wə̀d àfàʼì Yeso Kristo ŋwàʼri àŋwàʼrì azo̰. Ŋwiye ya chɔʼ amə gha mə yaʼ wə̀dtɔm Kristo. Wì ya bə̀ chɔʼ amə ane ni gha mə̀ chete ikən chɔm imbə̀ʼ Yeso Kristo.

Rm 1:7

Ane, mə̀ ya ŋwàʼrà anìŋ abə bəd Kristo məjìm mbe ne yaʼi a Rom. Ŋwiye taŋ kɔ̀ŋ awən bə̀ chɔʼ awən gha mbə̀ yaʼ ìmbi bəd. Ŋwiye ìwa Mbaʼ fɔrɔ Anɔŋisəg Yeso Kristo ghiyə ìchɔ̀mì inən bə̀ ghì mbə̀ chughi ane àbɔrɔ̀bɔd.

1 Kɔrèn 16:10

Timotì mə yèʼe abɔ̀ʼ inən, mbə̀ niŋ aməd nyìmi kwàʼ icheg chɔm imbə̀ʼ icheg ne məd we bə̀ fàʼà abə Anɔŋisəg icheg inum.

2 Kɔrèn 1:1

À ya mo Pɔl, wə̀dtɔm Kristo icheg ne Ŋwiye kə̀bi, tì Timotì, ìwa ifi ne tì yaʼi ane ifɔti tì Yeso Kristo, tì ŋwàʼri àŋwàʼrì azo̰. Tì ŋwàʼrì anìŋ abə ifeti bəd Ŋwiye we ne yaʼi a Kɔrèn fɔrɔ abə bəd Ŋwiye məjìm mbe ne yaʼi aba aben ze a Akìyà.

Gàlesìyà 1:10

Mbə̰ kə kɔ̀ndɔ gha mo ya kə̀bə̀ gha bəd bḛ gha mo bɔ̀ŋ, kə̀ gha Ŋwiye bḛ gha mo bɔ̀ŋ? Kə̀ mbə̰ kə kɔ̀ndɔ gha mo ya kə̀bə̀ ni ghì inug ne biri bɔ̀ŋ yaʼ abə bəd? Indèʼ ka! Àmə yaʼ aghi ne mo ya kə̀bə̀ ni ghì inug ne biri bɔ̀ŋ yaʼ abə bəd, nji mo kayi ywìrè wə̀d àfàʼì Kristo.

Gàlesìyà 3:26

Mbə bàd amad anìŋ gha, mbə̰ məjìm ya fə si bɔn Ŋwiye anjìm ibḛfiŋ we ne mbə̀ nɔŋi igun Yeso Kristo.

Gàlesìyà 3:28

Ane, chəyi ywìrè yi ikɔpi mɔ̀ʼɔ ane mə̀Ju tì bəd ne kayi mə̀Ju; Kə̀ ifeg tì wə̀d ne kayi ifeg. Chəyi ikɔpi mɔ̀ʼɔ ane mbaŋà kə̀ mə̀yi. Mbə̰ məjìm ya si bəd imɔʼ icheg ne mbə fə se ane anug amɔʼ tì Yeso Kristo.

Efesùs 1:1

À ya mo Pɔl ne Ŋwiye ya chɔʼi amə gha mə yaʼ wə̀dtɔm Kristo icheg ne məd Ŋwiye kə̀bi ŋwàʼri àŋwàʼrì azo̰. Mə ya ŋwàʼrà anìŋ abə bəd Ŋwiye mbe a Efesùs ne yaʼi ane ifɔti tì Yeso Kristo.

Efesùs 1:15

Ni ko ane nyumə̀ ne mə̀ ya zughi gha mbə̰ fə nɔ̀ŋì ìwən ibḛfiŋ igun Anɔŋisəg Yeso Kristo, bə̀ zug gha mbə̰ mbe kɔ̀ŋɔ̀ bəd Ŋwiye məjìm,

Efesùs 6:24

Ŋwiye ghiyə ìchɔ̀mì abə bəd məjìm ne kɔŋi Anɔŋisəg Yeso Kristo ane iku àkɔ̀ŋì ze ne chəyi ze biri nɔʼ mèg.

Fìlipì 2:19

Anɔŋisəg Yeso mə̀ bḛ nji mə biri zàmbi chà Timotì abɔ̀ʼ inən. Ane, anyumə̀ ne wì biri bə̀ndì yeʼe abɔ̀ʼ inum, mə biri gyen ni zug icheg ne mbə̀ yaʼi ibo.

Fìlipì 2:5

Mbə̀ ghiyə ìwən ikuchèg yaʼ icheg ìwi Yeso Kristo.

Fìlipì 3:12

Kayi mə gha, mə fə bèrì ighi mbo̰ ijìm, kə̀ gha mə fə bɔ̀ŋ mànì. Tesiʼ ya gha, mə we kìrə ika ni chè imbìghè imbə̀ʼ bèrì ighi ijìm mbe ne Yeso Kristo ya ghi gha mə yaʼ wə̀d məd imbə̀ʼ bèrì.

Fìlipì 3:3

Mba ya bəd mbe ne Ŋwiye fə ŋweri awa kwàʼ icheg tesiʼ ghì tì si bəd məd. À ya Azwighi Ŋwiye ze wètè awa gha tì ghumnə Ŋwiye. Tì we kɔ̀mɔ̀ igo icheg ne tì yaʼi ane ifɔti tì Yeso Kristo ne chəyi tì nɔŋi fìŋ igun ikuchèg aben we ne bəd-aku mbe chwìte.

Fìlipì 3:8

Kayi məyi inug mbo̰. Icheg ne Kristo fə ghi ìchɔ̀mì inum, chəyi ighi ijìm ywìrì bèrì aton inum. Anug kyen ne yaʼi inga inug mbo̰ ijìm ya icheg we ne Ŋwiye ghì ìchɔ̀mì kyen inum mə kyeri Yeso Kristo, àmə Anɔŋisəg. À ya imbə̀ʼ Kristo ne mə waʼi ighi ijìm. Mə fə niŋ gha ighi mbe ijìm ya inyɔrì ighi imbə̀ʼ yaʼ amə ane ifɔti tì Kristo.

1 Tèsàlonikà 1:1

À ya mo Pɔl tì Sayilàs fɔrɔ Timotì ŋwàʼri àŋwàʼrì azo̰. Tì ya ŋwàʼrà anìŋ inən, mbə̰ ifeti bəd Kristo we a Tèsàlonikà. Mbə̰ ya ifeti bəd Ŋwiye ne yaʼi ìwa Mbaʼ. Mbə̰ ya bə̀ bəd Anɔŋisəg Yeso Kristo. Ŋwiye ghiyə ìchɔ̀mì inən bə̀ ghì mbə̀ chughi ane àbɔrɔ̀bɔd.

1 Tèsàlonikà 2:2

Bəd mbe a Filipì ya ghì tì zə̰ ngəʼ. Mbə̰ bə̀ kyèri àzən aghi gha mbi ya zì tìnìrètog igun ina. Si ya gha, Ŋwiye ya nàʼ ika ina gha tì gha ikən chɔm inən, ka chəyi bəd nɔʼ nɔʼ ya kə̀bi gha tì gha ikən chɔm we.

2 Tès 1:1

À ya mo Pɔl ŋwàʼri àŋwàʼrì azo̰. Mə we aŋa tì Sayilàs fɔrɔ Timotì. Mə ŋwàʼrì anìŋ inən, mbə̰ bəd Kristo mbe ne yaʼi inga ifeti we a Tèsàlonikà. Mbə̰ ya bəd Ŋwiye ne yaʼi ìwa Mbaʼ fɔrɔ bəd Anɔŋisəg Yeso Kristo.

2 Tès 1:10

Ane aneg ze ne Anɔŋisəg biri yeʼe, bəd məd biri se yète məd. Bəd məjìm ne bḛ aməd biri se ghùmnə aməd. Mbə̰ inən biri bə̀ yaʼ abɔ̀ʼ inɔb imbə̀ʼ icheg ne mbə̰ inən ya bə̀ bḛ ikən chɔm we ne tì ya ghà inən.

1 Timotì 1:2

Mə ŋwàʼrì anìŋ ine àghò Timotì ìmə ŋwan chɔm icheg ne tì nɔŋi ibḛfiŋ igun Kristo. Ŋwiye ne yaʼi Mbaʼ fɔrɔ Yeso Kristo ìwa Anɔŋisəg ghiyə ìchɔ̀mì ine, bə̀ chwi àsɔ̀mnəfiŋ ine, bə̀ ghì àghò chughi ane àbɔrɔ̀bɔd.

1 Timotì 3:8

Bəd mbe ne wètè àfàʼì inga ifeti bəd Kristo bèrì ni yaʼ bəd ne bəd ndəŋ mbe bə̀ ghùmnə awɔb. Mbɔb bèrì ni yaʼ bəd ne tə̀mə igun tesiʼ. Imbə̀ʼ mbɔb yaʼ awɔb bəd ne ghàmà tìngam ibe ibe. Imbə̀ʼ mbɔb yaʼ awɔb bəd ne zìyè atog ane anug mənoʼ. Imbə̀ʼ mbɔb yaʼ awɔb bəd ne zìyè adɔʼ ane anug ikab.

Tayitùs 1:1

À ya mo Pɔl, wə̀d àfàʼì Ŋwiye ne bə̀ yaʼ wə̀dtɔm Kristo ŋwàʼri àŋwàʼrì azo̰. Ŋwiye ya chɔʼ amə gha mə̀ ghiyə ibḛfiŋ abə bəd mbe ne wì chɔ̀ʼi we təm kà. Wì ya bə̀ chɔʼ amə gha mə̀ ghiyə mbe kyeri tesiʼ we ne biri ghì mbɔb chughi ane ikuchèg ne Ŋwiye kə̀bi.

Tayitùs 1:7

Icheg ne atog wə̀d igun bəd Kristo ya wə̀d ne nḛ̀ àfàʼì Ŋwiye, wì bèrì ni yaʼ wə̀d ne chəyi bəd mbe ghàmà anug tibɔ̀ŋ imbə̀ʼ aməd. Imbə̀ʼ wì yaʼi wə̀d ne nɔ̀ nyɔd kə̀ wə̀d ne zàmbà gàŋa kə̀ wə̀d ne no be, kə̀ wə̀d ne kɔ̀ŋɔ̀ àzɔ̀ŋì, kə̀ wə̀d ne ghə̀ʼrə̀ ikab.

Filemɔ̀n 1:1

À ya mo Pɔl, ne mə̀ yaʼi wə̀d ndəŋ anjìm Yeso Kristo fɔrɔ ìwa ifi Timotì tì ŋwàʼri àŋwàʼrì azo̰. Tì ŋwàʼrì anìŋ ine àghò Filemɔ̀n, ne yaʼi ìwa ìsə̀ʼ ne tì kɔŋi bə̀ ywìrì yaʼ wə̀d àfàʼì Kristo abɔ̀ʼ ina.

Mə̀Hibrù 13:23

Mbə̀ kyeri gha mbi fə chì Timotì ìwa ifi inga nəb ndəŋ . Wì mə zàmbì yèʼe, nji mə biri yeʼe tì məd ni bàd awən.

Jems 1:1

À ya mo Jem, wə̀d àfàʼì Ŋwiye fɔrɔ wə̀d àfàʼì Anɔŋisəg Yeso Kristo ŋwàʼri àŋwàʼrì azo̰. Mə ŋwàʼrì anìŋ abə tinəbi te ìghum chɔ̀b ibe ne saka isiŋi ijìm, inga iben mbe ne kayi iben mə̀Ju. Mə chàʼrì awən.

1 Pità 2:25

Mbə̰ ya yaʼ icheg njə̀g te ne ya fèbe. Àsi amad anìŋ, mbə̰ fə ywìrì bə̀ndì ghò abɔ̀ʼ Àjənjə̀g, ne yaʼi Wə̀d we ne kyèʼrè awən.

2 Pità 1:1

À ya mo Sayimùn Pità, ne yaʼi wə̀d àfàʼì bə̀ yaʼ wə̀dtɔm Kristo ìwi Kristo ŋwàʼri àŋwàʼrì azo̰. Mə ya ŋwàʼrà anìŋ inən mbə̰ mbe ne ìwa Yeso Kristo ne yaʼi ìwa Ŋwiye bə̀ yaʼ Wə̀d ne pùmnə awa fə ghi mbə bèrì ibḛfiŋ chɔm kwàʼ icheg mba bə bèrì. Məd we ghìyə̀ inug ne koʼi.

Jûd 1:1

À ya mo Jud ne yaʼi wə̀d àfàʼì Yeso Kristo ne bə̀ yaʼ ifi Jem ŋwàʼri àŋwàʼrì azo̰. Mə ŋwàʼrì anìŋ abə bəd mbe ne Ŋwiye ne yaʼi Mbaʼ kɔ̀ŋi awɔb bə̀ kàri awɔb ghì mbi yaʼ bəd məd. Ŋwiye bə̀ nɔ̀ŋì awɔb ni ghɔ̀m nyùmə̀ we ne Yeso Kristo biri ywiri yeʼe.

Ɨnû 1:1

Aŋa ya inug mbe ne biri zàmbì dù ne Ŋwiye ya gha abə Yeso Kristo gha wì chwi abə ìmbi bəd àfàʼì. Yeso Kristo ya tɔm ìwi angirə̀ abə ìwi wə̀d àfàʼì ne ikum məd ya Jɔn gha wì ghiyə bəd kyeri inug mbo̰.

Ɨnû 1:20

Anug ze ne yaʼi inə̀mbi imbə̀ʼ titəm iməg te ìsàmbe ne àghò bàri inga àmə abo jəghi bə̀ fɔrɔ imbə̀ʼ ìtən inam mbe ìsàmbe ne mbi tangi ane gol ya gha: Titəm-məg te ìsàmbe ya mbè angirə̀ mbe ne kyèʼè tifeti bəd Kristo te ìsàmbe. Itən inam mbe ìsàmbe ya tifeti bəd Kristo te ìsàmbe.”

Ɨnû 19:10

Mə ya zug ane, si gùndi aseg ibo imbìghè ni ghumni aməd. Si ya gha, wì ya ghà inum gha, “Imbə̀ʼ àghò ghiyə awe ane! Mo ya wə̀d àfàʼì abɔ̀ʼ ine tì ìmbe məfi fɔrɔ ìte njàbi te ne ghà tesiʼ imbə̀ʼ Yeso. Ghumni yaʼ Ŋwiye!” Mə ghà ane imbə̀ʼ icheg ne à ya tesiʼ imbə̀ʼ Yeso we ghìyə̀ gha bədkə̀n gha ikən Ŋwiye.

Ɨnû 2:12

Anɔŋisəg ya bə̀ ghà inum gha: “Ŋwàʼra abə angirə̀ we ne kyèʼè ifeti bəd Kristo we a Pègamùm gha, ‹Ìngam gho̰ nɔ̀ʼ abə wə̀d we ne beri ibeg ibid we ne tɔ iba ijìm.

Ɨnû 2:8

Anɔŋisəg ya bə̀ ghà inum gha: “Ŋwàʼra abə angirə̀ we ne kyèʼè ifeti bəd Kristo we a Sìmayinà gha, ‹Ìngam gho̰ nɔ̀ʼ abə wə̀d mbègtog ne bə̀ yaʼ wə̀d ne si nwḭ̀yḛ̀, ne ya ku ywìrì zwème ane iwu.

Ɨnû 22:9

Si ya gha, wì ya ghà inum gha, “Imbə̀ʼ àghò ghiyə awe ane! Mo ya wə̀d àfàʼì icheg ine. Mo ya icheg ìmbe məfi mbe ne yaʼi bədkə̀n Ŋwiye bə̀ fɔrɔ icheg bəd mbe ne zùgrə inug mbe ne yaʼi inga àŋwàʼrì azo̰. Àghò ghumni yaʼ Ŋwiye!”