1 Timotì 5:1 - Ikan feg

¹ Imbə̀ʼ àghò ya ghàmà awe kyen abə mbaŋà ne ya wə̀d kyen ine. Àghò ya nàʼà tikə ibo bɔ̀tɔ ane gì icheg ni gha àghò ya ghàmà abə ìwe mbaʼ. Àghò ya ghìyə̀ inug tì bɔn ijɔŋ icheg ni gha mbɔb ya ìmbe məfi.

Meta’

¹ Tɨrə̀ gham e əbɔʼ mbaŋə̀ te nɨ fə nunɨ chè əwe, àyɨə kəərɨ mɨ̀mə̌d ɨghabɨ ni mbɨ yɨ mbe mɨ̀mbǎʼ. Ghɨ mbɨ ə bɔn ɨjɔŋ ɨghabɨ ni mbɨ yɨ mbe bɔŋgɔb.

1 Timotì 5:1 Marejeleo ya Msalaba

Matìyò 23:8

Imbə̀ʼ mbə̰ saŋa awən gha wə̀d mɔ̀ʼɔ ya kàrà awən ane ‹Àchwitìnùg› imbə̀ʼ icheg ne mbə̰ ya məfi bə̀ bèrì Àchwitìnùg məyi imɔ̀ʼ.

Ɨ̀fàʼì 14:23

Anyumə̀ ne mbi ya fə chɔʼi itog bəd inga tifeti bəd Kristo te tijìm, mbi ya chughi njèg chàʼra Ŋwiye, zì awɔb inga tikye ibo abə Anɔŋisəg we ne mbi nɔŋi ìtɔb fìŋ igun.

Ɨ̀fàʼì 15:4

Anyumə̀ ne mbi ya gho pè a Jèrusalèm, ifeti bəd Kristo tì bədtɔm Kristo fɔrɔ itog bəd inga ifeti bəd Kristo ya niŋ awɔb kwàʼ icheg chɔm. Pɔl tì Bànabàs ya mə̀tì inug ijìm ne Ŋwiye ya che inga inɔb fàʼ.

Ɨ̀fàʼì 15:6

Ane, Bədtɔm Kristo tì itog bəd inga ifeti bəd Kristo ya bɔ̀mbì ni nèn anug ze kwàʼ icheg chɔm.

Ɨ̀fàʼì 20:17

Anyumə̀ ne Pɔl ya yaʼi a Mìletùs, wì ya chà wə̀d gha wì ghò ghà abə itog bəd inga ifeti bəd Kristo we a Efesùs gha mbe yèʼe kɔ̀ti aməd.

Rm 13:7

Mbə̀ naʼa ighi bəd mbe ne mbə̰ mbe nyìme ìmbɔb ighi. Àmə yaʼ tag, mbə̀ naʼa, kə̀ àkə ikab, mbə̀ naʼa. Àmə yaʼ bəd mbe ne mbə̀ beri ni ghumni awɔb, mbə̀ ghumni.

Gàlesìyà 6:1

Ìmbum məfi fɔrɔ ìtum njàbi, wə̀d mɔ̀ʼɔ abɔ̀ʼ inən mə ghì anug tibɔ̀ŋ, mbə̰ mbe ne ghìyə̀ inug icheg ne Azwighi Ŋwiye ze kə̀bə̀, mbə̀ wete aməd ghi wì təm. Mbə̀ ya ghìyə̀ ane kwàʼ ane àbɔrɔ̀bɔd, nè we awən imbə̀ʼ àkwàʼrì nɔ̀ʼ nyi igun inən bə.

1 Timotì 5:17

Àghò nḛ gha bəd mbe nàʼà ighumni abə itog bəd mbe ne chà ifeti bəd Kristo bə̀ taŋ nàʼà ìwɔb ichɔʼ àfàʼì inɔb, ako ako ya bəd mbe ne taŋ fàʼà ni ghà Ìngam Ŋwiye bə̀ fɔrɔ ni chwìti inug imbə̀ʼ Kristo abə bəd.

1 Timotì 5:2

Àghò ya ghìyə̀ inug tì mə̀yi mbe ne yaʼi bəd kyen ine icheg ni gha mbɔb ya ìmbe mbì ngɔb. Àghò ya bə̀ ghìyə̀ inug inga ìzḛzḛ tì bɔn àyi icheg ni gha mbɔb ya ìte njàbi.

Tayitùs 2:2

Àghò gha abə mbaŋà kyen gha mbe ya nyìmbe fìŋ bə̀ ghùmnə ìwɔb nyɔd bə̀ nyìmbe nyɔd ane ìtɔb tighi inug. Àghò bə̀ ghà inɔb gha mbe beri ibḛfiŋ igun Yeso Kristo bə̀ ya kɔ̀ŋɔ̀ mə̀mbin bə̀ ya nyìʼè fìŋ anyumə̀ ne mbɔb yaʼi ngəʼ.

Tayitùs 2:6

Àghò bə kə mbaŋà bɔd gha mbe nyimbi ìwɔb nyɔd.

Jems 3:17

Àsi iwe we ne Ŋwiye nàʼi ya iwe ne ghìyə̀ bəd ghìyə̀ inug zḛ zḛ. Wi ya ghìyə̀ bəd chùghə ane àbɔrɔ̀bɔd bə̀ bèrè fìŋ bɔ̀ti bɔti. Bəd ne beri iku iwe gho̰ ya dìgrè igun mə̀mbin bə̀ zùghə anug ne bəd ndəŋ mbe ghà. Chəyi bəd ne beri iku iwe gho̰ mbe ghìyə̀ ighə kə̀ bə̀ŋə̀ inug.

Jems 5:14

Wə̀d mɔ̀ʼɔ abɔ̀ʼ inən we wa ghɔ̰̀? Tengàŋ kara itog bəd inga ifeti bəd Kristo mbe yeʼe chàʼra Ŋwiye igun məd, zɔʼ aməd inga məwud ane ikum Anɔŋisəg.

1 Pità 5:1

Mo ne yaʼi atog wə̀d inga ifeti bəd Kristo, mə̀ ya bàd icheg ne Kristo ya zə̰ ngəʼ. Mə biri bə bàd icheg ne Kristo biri ywiri yeʼe inga ighumni məd. Mə ya anìŋ bòʼo ibo abə itog bəd inga ifeti bəd Kristo gha:

2 Jɔn 1:1

À ya mo Jɔn, ne yaʼi atog wə̀d igun ifeti bəd Kristo ŋwàʼri àŋwàʼrì azo̰. Mə ya ŋwàʼrà anìŋ ine àghò àyi kyen we ne Ŋwiye ya chɔʼi fɔrɔ abə ìmbe bɔn. Mə taŋ kɔ̀ŋ awən kwàʼ tesiʼ. Kayi məyi mo kɔ̀ŋi awən. Bəd məjìm ne kyeri tesiʼ imbə̀ʼ Ŋwiye bə̀ kɔ̀ŋ awən.

3 Jɔn 1:1

À ya mo ne yaʼi atog wə̀d igun ifeti bəd Kristo, ŋwàʼri àŋwàʼrì azo̰. Mə ya ŋwàʼrà anìŋ ine àghò Gayòs, ìmə ìsə̀ʼ ne mə̀ taŋ kɔ̀ŋ.

Ɨnû 4:4

Itən ifɔn ndəŋ ìghum ibe chɔ̀b ikwè ya ywìrì kad atən ifɔn ze chuʼ. Itog bəd mɔ̀ʼɔ ìghum ibe chɔ̀b ikwè ne ya zì ndwi fu fu bə̀ zì ighi itog ifɔn ne mbi tangi ane gol ya yaʼ ichughi igun itən ifɔn mbe.