1 Timotì 1:1 - Ikan feg

¹ À ya mo Pɔl ŋwàʼri àŋwàʼrì azo̰. Mə ya ŋwàʼrà anìŋ icheg wə̀dtɔm Kristo ne Ŋwiye ne yaʼi ìwa Mbaʼ ne pùmnə awa tì Yeso Kristo ne tì nɔŋi ìwa ikɔndi igun, mbi chɔʼi amə.

Meta’

¹ À yɨə mɔ̌ Pɔ̂l ŋwaʼnɨ ə̀ŋwàʼnɨ̀ zɔ̂. Mə yɨə wə̀d tom Kristo Yeso ɨchî nɨ Ŋwìə̀ we nɨə chɨ̀ əwa rəŋgəʼ mbɨ Kristo Yeso we nɨ tɨ̀ nuŋ ta rɨkɔndɨ ɨgwɨ məd gha.

1 Timotì 1:1 Marejeleo ya Msalaba

Lk 1:47

Àmə azwighi ze bə̀ gyènde tì Ŋwiye ne pùmnə amə.

Lk 2:11

Tèchɔ̀ŋ gho̰, wə̀d ne biri pumni bəd we mbi gwi inga aben ze ne mbi ya gwi ifɔn Dèvid inga. Məd ya Wə̀d we ne Ŋwiye zɔ̀ʼi. Məd ya Kristo Anɔŋisəg.

Ɨ̀fàʼì 9:15

Wì ya ghà ane, si ya gha, Anɔŋisəg ya ghà ibo gha, “Ndò imbə̀ʼ icheg ne mə fə chɔʼ aməd ane ìmə wə̀d àfàʼì inum. Wì biri chètì anug imbə̀ʼ amə abə bəd mbe ne kayi mə̀Ju, chètì abə məfɔn bə̀ chètì fɔrɔ abə mə̀Izre.

Rm 1:1

À ya mo Pɔl, wə̀d àfàʼì Yeso Kristo ŋwàʼri àŋwàʼrì azo̰. Ŋwiye ya chɔʼ amə gha mə yaʼ wə̀dtɔm Kristo. Wì ya bə̀ chɔʼ amə ane ni gha mə̀ chete ikən chɔm imbə̀ʼ Yeso Kristo.

1 Kɔrèn 1:1

À ya mo Pɔl tì Sostenès ne yaʼi ìwa ifi icheg ne tì yaʼi ane anug amɔʼ tì Yeso Kristo ŋwàʼri àŋwàʼrì azo̰. Ŋwiye ya chɔʼ amə icheg ne məd kə̀bi gha mə yaʼ wə̀dtɔm Kristo.

1 Kɔrèn 9:17

Àmə yaʼ aghi ne mə chètè ikən chɔm imbə̀ʼ Kristo ane ìmə ighəm, nji mə biri kə̀b gha mbə naʼa chùd inum. Àmə yaʼ aghi ne kayi ane ìmə ighəm ne mə chètè ikən chɔm, nji mə ya fàʼà yaʼ anug ne Ŋwiye zi inum ikye ibo.

2 Kɔrèn 1:1

À ya mo Pɔl, wə̀dtɔm Kristo icheg ne Ŋwiye kə̀bi, tì Timotì, ìwa ifi ne tì yaʼi ane ifɔti tì Yeso Kristo, tì ŋwàʼri àŋwàʼrì azo̰. Tì ŋwàʼrì anìŋ abə ifeti bəd Ŋwiye we ne yaʼi a Kɔrèn fɔrɔ abə bəd Ŋwiye məjìm mbe ne yaʼi aba aben ze a Akìyà.

Gàlesìyà 1:1

À ya mo Pɔl, wə̀dtɔm Kristo, ŋwàʼri àŋwàʼrì azo̰. Kayi bəd kə̀ wə̀d mɔ̀ʼɔ ya chɔʼi amə, tɔm inən. À ya Yeso Kristo fɔrɔ Ŋwiye we ne yaʼi Mbaʼ we ne ya zwemne Yeso Kristo ane iwu, mbi tɔmi amə.

Gàlesìyà 1:11

Ìmbum məfi fɔrɔ ìtum njàbi, mə kə̀b gha mbə̀ kyeri gha ikən chɔm gho̰ ne mo we ghà anìŋ ya kayi anug ne wə̀d-aku tàngi.

Kòlosè 1:27

Ŋwiye ya kə̀b gha bəd məd kyeri gha anug kyen ze ne yaʼi inə̀mbi ya fɔrɔ abə bəd mbe ne kayi mə̀Ju. Anug ze ya gha, Kristo we inga inən, mbə̰ mbe ne kayi mə̀Ju. Ane ya gha, mbə̰ biri bə nyi inga kə̀tə̀d məd.

2 Tès 2:16

Anɔŋisəg Yeso Kristo məd məd fɔrɔ Ŋwiye ne yaʼi ìwa Mbaʼ ya kɔ̀ŋ awa ghì ìchɔ̀mì ina bə̀ nəri ìta fìŋ ane icheg ne chəyi ti biri nɔʼ bɔd. Ŋwiye bə̀ ghì tì beri ikɔndi chɔm ni ghɔ̀m isu. Tì ya chàʼrà Ŋwiye gha,

1 Timotì 1:12

Mə nàʼ məyakà abə Yeso Kristo, ìwa Anɔŋisəg ne nàʼi ika inum. Wì ya niŋ gha mə kòʼ, chɔʼ amə gha mə̀ faʼa ibo.

1 Timotì 2:3

Aŋa ya anug ne bɔŋi bə̀ kòʼ abə Ŋwiye ne pùmnə bəd.

1 Timotì 2:7

Aŋa ya aton ne Ŋwiye chɔ̀ʼi amə ane wə̀dtɔm Kristo chà abə bəd mbe ne kayi mə̀Ju gha mə chwiti tesiʼ ne tì wì ghi bəd zì ibḛfiŋ igun Kristo. Mə ya ghà kwàʼ tesiʼ, kayi inug ako.

1 Timotì 4:10

Tì ya ghìyə̀ ika ijìm ni taŋ fàʼ imbə̀ʼ icheg ne tè nɔ̀ŋì ìwa ikɔndi igun Ŋwiye ne yaʼi izɔm. Məd ya Ŋwiye we ne pùmnə bəd məjìm. Wì ya taŋ zìyè atog ni pumni bəd mbe ne bḛ aməd.

Tayitùs 1:3

Ane nyùmə̀ ya kòʼi, Ŋwiye ya ghì ìngam məd dù zen. Wì ya zì ìngam gho̰ inum ikye abo gha mə chete kwàʼ icheg ne Ŋwiye we ne pùmnə awa wì kə̀bi.

Tayitùs 2:10

Imbə̀ʼ mbi ya jìye awɔb ighi abə ìmbɔb mə̀mbaʼ àfàʼì. Mbe ya ghìyə̀ məyi inug chɔm ne chəyi ìmbɔb mə̀mbaʼ àfàʼì biri ya bɔ awɔb. Àze biri ghì bəd se kɔ̀ŋɔ̀ ni zug ìngam chɔm we ne te ghà imbə̀ʼ ìwa Ŋwiye ne pùmnə bəd.

Tayitùs 2:13

Tè ghiyə ane icheg ne te ghɔ̀mɔ̀ aneg kyen ze ne tì nɔŋi ìta tikɔndi igun. À ya aneg ze ne ìwa Ŋwiye kyen ne pùmnə bəd ne ya Anɔŋisəg Yeso Kristo wì biri yeʼe inga ìzḛzḛ njandi njandi məd.

Tayitùs 3:4

Si ya gha, Ŋwiye we ne ya pumni awa ya ghì ìchɔ̀mì ina bə̀ chwi icheg ne wì kɔ̀ŋi awa,

Tayitùs 3:6

Ŋwiye ya chè anjìm Yeso Kristo ne pùmnə awa nàʼ àzi Azwighi ina abu abu.

1 Pità 1:21

Mbə̰ fə chè anjìm məd bḛ Ŋwiye we ne ya zwemni aməd bə̀ nàʼ ighumni ibo. Ane, mbə̰ nɔ̀ŋì ibḛfiŋ bə̀ nɔ̀ŋì ikɔndi nì ghɔ̀m məyi igun Ŋwiye.

1 Pità 1:3

Tì nàʼ ighumni abə Ŋwiye. Məd ya Mbaʼ abə ìwa Anɔŋisəg Yeso Kristo. Wì taŋ bèrì àsɔ̀mnəfiŋ igun ina, ghì gha tì jəg ìtḛ̀ feg icheg ne wì ghi Yeso Kristo zwème ane iwu. Anug azo̰ ghì gha tì nɔŋɔ ikɔndi ghɔ̀m inug mbe ne Ŋwiye kàʼi ina.

2 Pità 1:1

À ya mo Sayimùn Pità, ne yaʼi wə̀d àfàʼì bə̀ yaʼ wə̀dtɔm Kristo ìwi Kristo ŋwàʼri àŋwàʼrì azo̰. Mə ya ŋwàʼrà anìŋ inən mbə̰ mbe ne ìwa Yeso Kristo ne yaʼi ìwa Ŋwiye bə̀ yaʼ Wə̀d ne pùmnə awa fə ghi mbə bèrì ibḛfiŋ chɔm kwàʼ icheg mba bə bèrì. Məd we ghìyə̀ inug ne koʼi.

1 Jɔn 4:14

Tè fə bàd, tì ya anìŋ bə̀ nè chètè gha, Ŋwiye ne yaʼi ìwa Mbaʼ ya chà ìwi Ŋwan gha wì yeʼe pùmni bəd igun isəg.

Jûd 1:25

Tè ghumni aməd we imɔʼ ne yaʼi Ŋwiye, ne bə̀ yaʼi wə̀d ne pùmnə awa anjìm ìwa Anɔŋisəg Yeso Kristo. Ighumni tì anug ìfɔ̀n kyen tì ika fɔrɔ anug ni tùmbi ighi ijìm ya ibo ikye abo. Ighi mbo̰ ijìm ya yi ìmbi məd nɔ̀ʼ ane nyùmə̀ isəg we ne fə che, fɔrɔ amad anìŋ, fɔrɔ ane ighə̀m imɔʼ. À ya ane.