1 Jɔn 3:22 - Ikan feg

²² Ŋwiye we nàʼà ighi ijìm mbe ne te kə̀bə̀ ina imbə̀ʼ icheg ne tì we zùgrə mə̀nɔ̀ʼɔ̀ məd bə̀ fàʼà inug ijìm ne bɔŋi ibo.

Meta’

²² Məd wɨə nàʼ ɨghɨjìm mbe nɨ tɨ̀ biirɨ ɨ bɔ. Ɨ wɨə ghɨ̀ əne ɨmbə̀ʼ ɨghəm nɨ tɨ̀ wɨə nùŋ tɨkə rɨ məd bə̀ ghɨ̀ ɨnû mbe nɨ bɔŋ ɨ bɔ.

1 Jɔn 3:22 Marejeleo ya Msalaba

Matìyò 17:5

Icheg ne wì yaya kiri ghamà, pàʼ ne yaya fùyə njànda ya kəndi awɔb mbɔb məjìm. Gì mɔ̀ʼɔ ya si ghàm inga pàʼ ze gha, “Aŋa ya ìmə Ŋwan ne mə̀ taŋ kɔ̀ŋ. Ìmə fìŋ ze taŋ bɔ̀ŋɔ̀ imbə̀ʼ aməd. Mbə̀ zug anug ne we ghà!”

Matìyò 21:22

Mbə̰ mə̀ bèrì ibḛfiŋ, nji anyumə̀ ne mbə̀ chaʼra Ŋwiye, wì biri nàʼ ighi ijìm mbe ne mbə̰ mbe bìre ibo.”

Mk 11:24

Ane, mə ghà inən gha, inug ijìm mbe ne mbə̰ mbe chàʼrà Ŋwiye nɔ̰ ibo, mbə̀ bḛ inga fìŋ gha mbə fə bèrì. Mbə̰ mə̀ bḛ ane, ighi mbe biri yaʼ ìmbən.

Jn 14:13

Mə biri fàʼ inug mbe ne mbə̀ biri biri ane ìmə ikum, ni ghì gha, bəd ghumni ìmə Mbaʼ anjìm Ŋwan.

Jn 15:10

Mbə̰ mə̀ ya zùgrə anug ne mə̀ ghà, mə biri chè imbìghè ni ya kɔ̀ŋɔ̀ awən. À ya icheg ne mo inum bə̀ chè imbìghè ni ya zùgrə ìmə Mbaʼ. Ane, məd bə̀ chè imbìghè ni ya kɔ̀ŋɔ̀ amə.

Jn 15:7

Mbə̰ mə̀ chughi ane anug amɔʼ tì inum, ìmə ìngam bə̀ yaʼ inga inən, aghi ne mbə nɔ̰ Ìmə Mbaʼ, wì biri nàʼ inən.

Jn 6:29

Yeso ya ywìtì gha, “Anug ne Ŋwiye gha mbə̀ fàʼà ya gha: mbə̀ zìye ibḛfiŋ igun wə̀d we ne məd cha.”

Jn 8:29

Wə̀d we ne ya cha amə we yi tì inum. Chəyi wì sàŋi mə tèzìʼì imbə̀ʼ icheg ne mə̀ ya ka fàʼà yaʼ anug ze ne bɔŋi ibo.”

Jn 9:31

Tè kyèri gha, chəyi Ŋwiye we zùghə anug ne wə̀d ne ghìyə̀ inug tibɔ̀ŋ we ghà. Wì ya zùghə yaʼ anug ne wə̀d ne kyeri aməd bə̀ ya ghìyə̀ yaʼ inug mbe ne məd kə̀bi, wì ya ghà.

Ɨ̀fàʼì 17:30

A mbègtog, chəyi Ŋwiye ya nɔŋi atog ane inug mbe ne bəd yaya ghìyə̀ abəŋ. Si ya gha, inga nyùmə̀ isəg gho̰, wì fə ghà gha bəd məjìm inga isiŋi ijìm mbe bəŋi ìtɔb fìŋ sìkì inug tibɔ̀ŋ.

Ɨ̀fàʼì 20:21

Mə ya fə ghàm abə mə̀Ju fɔrɔ mə̀Grig gha mbe bəŋi fìŋ sìkì inug tibɔ̀ŋ, bə̀ndì yèʼe abɔ̀ʼ Ŋwiye, bə̀ nɔ̀ŋì ibḛfiŋ igun Anɔŋisəg Yeso.

Fìlipì 4:18

Mə fə bàd ighi mbe ne mbə̀ cha inum. Ighi mbe ne mbə̀ cha mbe kòʼ chè. Mə fə bèrì ìmbum ighi ijìm icheg ne mbə̀ cha Èpàfròditùs wì yeʼe nàʼ ighi inum. Ighi mbe ne mbə̀ ya nàʼi ya icheg ighi àfàtì ne nyòʼro ifɔ chɔm ne ghìyə̀ fìŋ Ŋwiye bɔŋɔ̀.

Kòlosè 1:10

Tì ya chàʼrà Ŋwiye anìŋ ni gha, ane mənɔnjì ijìm, mbə̀ chughi ane ikuchèg ne Anɔŋisəg kə̀bi bə̀ ya ghìyə̀ inug ni biri ghì fìŋ məd bɔ̀ŋ. Ane, ìwən ikuchèg biri ghì gha mbə̀ se ghìyə̀ inug chɔm bə̀ se chè imbìghè ni taŋ kyeri Ŋwiye.

Mə̀Hibrù 13:21

Ŋwiye naʼa ighi chɔm ijìm inən. Ighi chɔm mbe ne mbə̀ koʼi ni bèrì ni ghì inug mbe ne məd kɔ̀ŋi. Ŋwiye bə chè anjìm Yeso Kristo fàʼ inug mbe ne məd kɔ̀ŋi ni fàʼ ina. Tè ghumni Yeso Kristo kwàʼ ane ighə̀m imɔʼ. À ya ane.

Jems 1:5

Wə̀d mɔ̀ʼɔ mə̀ yaʼ abɔ̀ʼ inən ne chəyi wì beri iwe, tengàŋ nɔn iwe abə Ŋwiye. Ŋwiye we ne nàʼà ighi abə bəd abu abu bə̀ nàʼà ane fìŋ chɔm, wì biri nàʼ iwe ibo.

Jems 4:3

Mbə̰ mbe nɔ̰ ighi chəyi Ŋwiye we nàʼà inən imbə̀ʼ icheg ne mbə̰ ya nɔ̰ tì tikɔndi tibɔ̀ŋ. Mbə̰ ya bìre yaʼ ighi mbe ne mbə̀ biri niŋ se fàʼà inug mbe ne bɔ̀ŋɔ̀ inən.

Jems 5:16

Ane, mbə̀ bḛ ìmbən inug tibɔ̀ŋ abə mə̀mbin bə̀ chàʼra Ŋwiye gha wì ghuyə bəd ne ghɔ̰̀. Ichaʼri Ŋwiye ìwi wə̀d ne təmi kòʼ ya bèrè ika bə̀ fàʼà inug kwàʼ icheg chɔm.

1 Jɔn 2:3

Tì mə ya zùgrə tikə Ŋwiye, nji ze biri chwi gha tè kyèri aməd.

1 Jɔn 5:14

Aton ne chəyi te bɔ anyumə̀ ne te chàʼrà Ŋwiye ya imbə̀ʼ icheg ne tì fə kyeri gha məd we zùghə inug mbe ne te bìre anyumə̀ ne tì biri anug ne məd kə̀bi.