1 Jɔn 2:12 - Ikan feg

¹² Ìmbum bɔn ne mə̀ taŋ kɔ̀ŋ, mə̀ ya ŋwàʼrà anìŋ inən imbə̀ʼ icheg ne Ŋwiye fə waʼ ìmbən inug tibɔ̀ŋ anjìm Kristo.

Meta’

¹² Mbɨ bɔn nɨ mə̀ ghaʼi kwàʼ rɨŋgəʼ, mə wɨə ŋwàʼnɨ̀ ɨ nən ɨmbə̀ʼ ɨghəm nɨ Ŋwìə̀ fə waʼ mbə ɨnû rɨbɔ̀ŋ ɨmbə̀ʼ ə Kristo.

1 Jɔn 2:12 Marejeleo ya Msalaba

Lk 24:47

Mbi ya bə̀ ŋwàʼrì gha, ikən chɔm gho̰ ya mbi biri chètì ane ikum məd, ni ko a Jèrusalèm ghò pè inga iben ijìm gha, Ŋwiye biri waʼ inug tibɔ̀ŋ abə bəd mbe ne bəŋi ìtɔb fìŋ sìkì inug tibɔ̀ŋ.

Lk 5:20

Anyumə̀ ne Yeso ya bàri icheg ne mbɔb ya beri ibḛfiŋ igun məd, wì gha, “Ìmə sə̀ʼ, mə waʼ ìmbe inug tibɔ̀ŋ.”

Ɨ̀fàʼì 10:43

Bədkə̀n Ŋwiye məjìm yaya ghà inug imbə̀ʼ aməd gha Ŋwiye biri chè anjìm məd waʼ inug tibɔ̀ŋ abə wə̀d ijìm ne nɔŋi fìŋ igun məd.”

Ɨ̀fàʼì 13:38

Ìmbum məfi fɔrɔ ìtum njàbi, icheg ne ze yaʼi anìŋ, anug ne mə̀ kəbi gha mbə̀ kyeri ya gha, Ŋwiye we chè anjìm Yeso wàʼa inug tibɔ̀ŋ bəd.

Ɨ̀fàʼì 4:12

Chəyi wə̀d mɔ̀ʼɔ ndəŋ ne tì wì pùmni bəd imbə̀ʼ icheg ne chəyi ikum ndəŋ ywìrè igun isəg ne Ŋwiye nàʼi abə bəd ne tì tì karì wì pùmni awa.”

1 Kɔrèn 6:11

Bəd mɔ̀ʼɔ abɔ̀ʼ inən yaya ghìyə̀ inug mbo̰. Si ya gha, ika Anɔŋisəg Yeso Kristo fə chè anjìm Azwighi Ŋwiye sò awən bə̀ zèni awən, ghì mbə təm kòʼ imbìghè abə Ŋwiye.

Efesùs 1:7

À ya anjìm anəm Yeso ne Ŋwiye ya zeri awa anyumə̀ ne wì ya waʼi ìmba inug tibɔ̀ŋ. Wì ya ghì ane anjìm ìchɔ̀mì kyen məd

Efesùs 4:32

Mbə̀ ya ghìyə̀ inug chɔm bə̀ bèrè àsɔ̀mnəfiŋ igun mə̀mbin bə̀ waʼ inug tibɔ̀ŋ bəd kwàʼ icheg ne Ŋwiye che anjìm Kristo waʼ ìmbən tì inug tibɔ̀ŋ.

Kòlosè 1:14

À ya Ŋwan məd we ghi Ŋwiye zèri awa chì inga ngəʼ icheg ne wì waʼi ìmba inug tibɔ̀ŋ.

1 Jɔn 1:4

Tì ya ŋwàʼrà inug mbo̰ anìŋ ni ghì gha mba məjìm se taŋ gyènde.

1 Jɔn 1:7

Tì mə̀ yaʼ inga ìzḛzḛ icheg ne məd bə̀ yaʼ inga ìzḛzḛ, nji tì biri yaʼ ane ifɔti mba mba, anəm Yeso Ŋwan Ŋwiye bə̀ sò ìmba inug tibɔ̀ŋ ijìm.

1 Jɔn 1:9

Tì mə bḛ ìmba inug tibɔ̀ŋ, Ŋwiye biri waʼ ìmba inug tibɔ̀ŋ bə̀ sò awa chì ane ìmba inug tibɔ̀ŋ ijìm. Məd ya Ŋwiye ne fàʼà anug ne wì kàʼi bə̀ ghìyə̀ inug ne koʼi.

1 Jɔn 2:1

Ìmbum bɔn ne mə̀ taŋ kɔ̀ŋ, mə ŋwàʼrì inug mbo̰ inən anìŋ ni ghì gha imbə̀ʼ mbə̰ si nɔ̀ʼ ghì anug tibɔ̀ŋ. Si ya gha, wə̀d mɔ̀ʼɔ mə̀ chè ghì anug tibɔ̀ŋ, tè bèrì wə̀d ne bòʼo ibo abə Mbaʼ atog ina imbə̀ʼ ìmba inug tibɔ̀ŋ. Məd ya Yeso Kristo, wə̀d ne təmi kòʼ.

1 Jɔn 2:21

Kayi mə ŋwàʼrà inən imbə̀ʼ icheg ne chəyi mbə̀ kyeri tesiʼ. Mə ya ŋwàʼrà imbə̀ʼ icheg ne mbə̀ kyere tesiʼ fɔrɔ imbə̀ʼ icheg ne mbə̀ kyeri gha chəyi anug ako yaʼi inga tesiʼ.

1 Jɔn 2:7

Ìmbum mə̀sə̀ʼ ne mə̀ taŋ kɔ̀ŋ, ikə gho̰ ne mə ŋwàʼrà inən anìŋ ya kayi ikə feg. À ya ikə anun ne mbi ya fə chwiti inən anyumə̀ ne mbə̀ ya bḛ Kristo. À ya ikə anun we ne mbə̀ ya fə zughi.