Zefanias 3:18 - Manobo Western Bukidnon OT

¹⁸ iring te etew he egkelipey emun andew te pista.’ “Migkaǥi is Nengazen te, ‘Id-awè ku is kemeresayan niw su wey kew kenà mepeel-elezi.

Zefanias 3:18 Marejeleo ya Msalaba

Ezekiel 36:24

Su egkuwaan ku sikiyu puun diyà te nekedseselekawà he menge nasyun ne ed-uwiten ku sikiyu ziyà te keugelingen niw he tanà.

Penhulùhulù 1:4

Is menge zalan pehendiyà te Jerusalem mekeseseeng, su wazè en edhendiyà te ked-azap dutun te netelaan he menge timpu te pista. Mekevulungbulung is langun he pultahan kayi. Edag-es is menge memumuhat kayi, ne is menge raǥa ebpemenlalew. Utew mekeseseeng is nehitavù te Jerusalem.

Zefanias 3:20

Uya, edtiǥumen ku sikiyu zutun he timpu, ne ibpeulì ku sikiyu ziyà te tanè niw. Ebeǥayan ku sikiyu te zengeg wey edhimuwen ku he mevantug kew kayi te tivuuk he kelibutan. Egkeulaula heini zutun te timpu te kebpelikua ku te meupiya he kebpekesavuk niw, ne egkeehè niw mismu. Iyan, a is Nengazen, is migkaǥi kayi.’ ”

Hoseas 9:5

Ne ǥeina te kenà edewaten te Nengazen is menge pemuhat niw, ne hengkey is ebeelan niw emun egkeuma is ispisyal he menge timpu te menge ked-azap etawa menge pista he para te kebeǥey te zengeg diyà te Nengazen?

Hoseas 1:11

Egkeuman egkesevaha is menge etew te Israel wey Juda, ne ebpilì dan te sevaha he pengulu. Ed-uman dan ed-uswag dutun te tanè dan. Ne utew heeyan melipayen he timpu para te inged he Jezreel.

Ezekiel 34:13

Egkuwaan ku sikandan puun te nekedseselekawà he menge nasyun, ne ed-uwiten ku ziyà te keugelingen dan he tanà. Ibpepenabtab ku sikandan diyà te menge vuvungan te Israel, diyà te kilid te menge wahig, wey ziyà te langun he lugar he ed-ubpaan te menge etew.

Penhulùhulù 1:7

Ne ǥuntaan te edlised is Jerusalem wey egketazintazin en, netenuzan din is langun he ketiǥeyunan din dengan. Hein neulug sikandin diyà te gehem te menge kuntada zin, ne wazà midtavang kandin. Midsudì wey mid-engitan sikandin te menge kuntada zin dutun te kegkezeeti zin.

Jeremias 23:3

Iyan a mismu edtiǥum te nesamà he menge etew ku puun diyà te nekedseselekawà he menge lugar he zutun ku sikandan ipeyapat, ne idlikù ku sikandan diyà te tanè dan, ne zutun ebmahabet sikandan utew.

Salmo 43:3

Teyawi a ne penurua a te tutuu su para meǥiyahi a te kebpekid-uliey kenikew ziyà te valey nu he ziyà te segradu he vuvungan.

Ezekiel 9:4

ne migkeǥiyan din te, “Liǥuya is Jerusalem ne merkahi nu is buked duen te ingkeseeng dan is utew mezaat he menge vaal he mibeelan diyà te seled te inged.”

Salmo 79:4

Ebpeel-elezan key wey edsudien key te menge nasyun he nekeliǥuy kenami.