Zefanias 3:17 - Manobo Western Bukidnon OT

¹⁷ Su zuma niw is Nengazen he Megbevayè niw. Iring sikandin te mekeǥeǥehem he sundaru he edlibri keniyu. Igkelipey kew zin, ne pinaaǥi te kebmahala zin keniyu ebeg-uwen din is untung niw. Egkanta sikandin wey ed-ugyab te kegkelipey tenged keniyu,

Zefanias 3:17 Marejeleo ya Msalaba

Salmo 149:4

Su igkelipey te Nengazen is menge etew zin; mibeǥayan din te zengeg is kenà memepelavawen pinaaǥi te kebpekezaag dan.

Salmo 147:11

kekenà, iyan is edtahud kandin wey edsarig te ǥaǥew zin.

Jeremias 32:41

Igkelipey ku is kebaal te meupiya ziyà te kandan, ne ebpuun diyà te tivuuk he ǥehinawa ku is kebpeubpaa ku kandan kayi he tanà.”

Isaias 12:2

Sikew Megbevayà, iyan ka menluluwas ku. Edsarig a kenikew ne kenà a egkahandek. Iyan ka, Nengazen, mibeǥey kedì te zesen, ne iyan ka egkentahan ku. Iyan ka midlibri kedì.”

Deuteronomio 30:9

Ibpeuswag kew te Nengazen he Megbevayè niw ziyà te langun he menge vaal niw. Ibpemahabet din is menge anak niw, menge uyaǥen niw, wey ibpezekelè din is menge abut niw, su igkelipey en maan te Nengazen is kedtuvad keniyu iring te ingkelipey zin is kedtuvad te menge kepuun niw.

Zefanias 3:15

Su kenè kew en edsilutan te Nengazen. Edsegseǥen din is menge kuntada niw. Duma niw is Nengazen, he Hadì te Israel, umbe wazè en igkahandek niw he kezeetan.

Isaias 65:19

Egkelipey a tenged te Jerusalem wey te menge meǥinged kayi. Kenè en egkezineg dutun is kedsineǥew etawa kebuyù te tavang.

Numero 14:8

Emun nekepenunuat kiw te Nengazen, egiyahan kiw zin te kedhendutun te tanà he meupiya wey selebpeten, ne ibeǥey zin kenitew.

Isaias 12:6

Ugyab kew wey megkanta te kelipey, is menge etew te Jerusalem. Su mekeǥeǥehem is Waǥas he Megbevayà te Israel he iyan duma niw.”

Zefanias 3:5

Piru zutun gihapun is Nengazen te inged dan. Mibeelan te Nengazen is hustu ne wazà sikandin mebaal te kenà hustu. Kada andew ibpeehè din ke hengkey is hustu, ne wazè din heini engkezi te ebaal. Piru heini is lalung he menge etew mibpedayun gihapun te kebaal te mezaat ne wazà sikandan meeled.

Isaias 9:6

Egkelipey pa zaan sikandan su id-anak is batà he maama ne edhedian key zin. Egngezanan sikandin te, “Egkein-inuwan he Sumesambag, Mekeǥeǥehem he Megbevayà, Wazà Pidtemanan he Emey, wey Pengulu he Ebpekeveǥey te Kelinew!”

Genesis 18:14

Ne mid-uman megkaǥi is Nengazen te, “Duen be minsan hengkey he kenà egkehimu te Nengazen? Sumalà is migkaǥi ku, edlikuan ku sikiyu seled te senge tuig ne ed-anak iyan dutun si Sara te maama.”

Isaias 18:4

Su iyan heini migkaǥi te Nengazen kayi te kediey: “Ke hendei a ebpinuu ne edtengteng a puun dutun he melinawen. Iring te kedsilà te andew emun meudtu wey kegkepurma te zehemug dutun te meǥenew he kezukileman emun tiraǥun.”

Genesis 17:1

Ne hein 99 en is penuiǥen ni Abram, mibpaahà kandin is Nengazen ne migkaǥi kandin te, “Siak, iyan a Megbevayà he Mekeǥeǥehem. Sunuza nu is menge penurù ku ne kinahanglan he wazà igkesewayi kenikew.

Genesis 1:31

Ne zutun mid-ahà te Megbevayà is langun he nelimbag din, ne utew iyan haazà meupiya. Ne mibmezukilem dutun, ne hein nepawè en, ne nehimu is ikeenem he andew.

Isaias 63:1

Hentei heini is ebpekeuma he ebpuun te Bozra he inged diyà te Edom, he nezekiyan te meriǥà is mekempet he visti zin? Ebpekeuma sikandin he utew zekelà is gehem din. Iyan sikandin kes Nengazen he ebpenudtul he egkaangken en te menge etew zin is kezeeǥan duma is ketazeng.

Isaias 63:12

Hendei en is Nengazen he mibeǥey te gehem ki Moises, he midtevì din is daǥat diyà te etuvangan tew, su para mevantug sikandin te wazà pidtemanan.

Genesis 2:2

Ne zutun te ikepitu he andew, geina te nepasad en te Megbevayà haazà is langun he menge vaal zin, midhimeley sikandin he ebaal.

Hoseas 14:4

Migkaǥi is Nengazen te, “Ebewian ku is kegkemesinupaken te menge etew ku, ne ebmahalen ku sikandan te ebpuun te keugelingen he suat ku. Su naawè en is kegkepeuki ku kandan.

Joel 2:21

Kenà ereg he egkahandek is menge meǥinged diyà te tanà he Juda, kekenà, ereg he egkelipey sikandan su utew egkein-inuwi is menge mibeelan te Nengazen.

Deuteronomio 23:15

“Emun duen uripen he ebpeleǥuyan din is egalen din ne ziyà edangep te kenikew, ne kenè nu sikandin teǥela te kedlikù diyà te egalen din.

Salmo 78:65

Piru nehitavù he henduen be te neelimukawan is Nengazen; neiring sikandin te mezesen he etew he mibmevurut tenged te vinu.