Zefanias 3:15 - Manobo Western Bukidnon OT

¹⁵ Su kenè kew en edsilutan te Nengazen. Edsegseǥen din is menge kuntada niw. Duma niw is Nengazen, he Hadì te Israel, umbe wazè en igkahandek niw he kezeetan.

Zefanias 3:15 Marejeleo ya Msalaba

Genesis 30:23

Mibmeǥingey sikandin ne mid-anak te maama. Migkaǥi sikandin te, “In-awà human te Megbevayà is utew ku igkeeled.” Umbe migngezanan din haazà is batà te Jose, su ke sikandin te,

Salmo 149:2

Medlipey kew is menge tig-Israel; ikelipey niw is midlimbag keniyu. Medlipey kew is menge etew ziyà te Zion tenged te hadì niw.

Salmo 19:9

Meupiya is kedtahud te Nengazen, ne ereg heini he ed-ul-ulahan te wazè din pidtemanan. Is kedhukum te Nengazen hustu wey metazeng.

Salmo 85:3

Wazè key en kenikew mepeuki.

Isaias 12:6

Ugyab kew wey megkanta te kelipey, is menge etew te Jerusalem. Su mekeǥeǥehem is Waǥas he Megbevayà te Israel he iyan duma niw.”

Isaias 25:8

Id-awà te Nengazen he MEGBEVAYÀ is gehem te kemetayen ne ebpunasen din is luhà te langun he menge etew. Id-awè din is keelezan te menge etew zin puun te tivuuk he kelibutan. Egkehitavù heini su iyan migkaǥi kayi is Nengazen

Isaias 33:22

Ebeelan heini te Nengazen su iyan sikandin perehukum tew, perevaal te kesuǥuan tew, wey edhadì kenitew. Ne iyan sikandin edlibri kenitew.

Isaias 35:10

Heini is menge nevelukasan te Nengazen edlikù sikandan diyà te Jerusalem is ebpemenganta. Melipayen dan layun; egkaawè en is menge seeng dan wey menge kegkerasey zan.

Isaias 51:22

Iyan heini egkeǥiyen te Nengazen he Megbevayè niw, kes Megbevayà he edlavan keniyu: “Pemineg kew! In-awè ku en is pauk ku keniyu he iring te inumen he ebpekelangut. Kenè ku en heini ibpeuman ibpeinum keniyu, kekenà,

Isaias 52:9

Ebpengulahì te kegkelipey is Jerusalem he nevengkag su edlipayen wey edlig-enan te Nengazen is menge etew zin. Edlibriyen din is Jerusalem!

Isaias 54:14

Ebmelig-en ka su edtinazeng is menge etew nu. Ebpeleǥuyan ka te menge kuntada nu, umbe wazè nu en igkahandek. Kenè en ed-uvey ziyà te kenikew is menge kuntada nu, ne kenè ke en egkeheratan.

Isaias 60:18

Wazè en kebpenlupiglupig he egkehitavù diyà te tanè nu. Wazè en kezeetan he ebpekeuma ziyà te kenikew. Ebpekeliǥuy kenikew is kelibriyanan he iring te menge verengbeng, ne edalig kedì is edseled diyà te menge pultahan nu.

Isaias 65:19

Egkelipey a tenged te Jerusalem wey te menge meǥinged kayi. Kenè en egkezineg dutun is kedsineǥew etawa kebuyù te tavang.

Jeremias 8:19

Pemineǥa is kebpekitavang te menge emurè ku te inged; egkezineg heini kayi te tivuuk he tanà. Ke sikandan te, “Wazè en be ziyà te Jerusalem is Nengazen? Wazè en be kayi is Megbevayà he Hadì te Jerusalem?” Midtavak is Nengazen te, “Maan is midhimu niw he mepauk a pinaaǥi te ked-azap niw te zuma he menge ed-ezapen he wazà menge pulus?”

Ezekiel 35:10

“Migkaǥi kew he egkaangken niw is Juda wey Israel, ne ed-engkenen niw heini minsan siak, is Nengazen, ebpekiduma kandan.

Ezekiel 36:15

Kenè ku en idtuǥut he sudia kew wey peel-elezi te zuma he menge nasyun. Wey kenè ku en idtuǥut he mezeeti is nasyun niw. Iyan a, is Nengazen he MEGBEVAYÀ, is migkaǥi kayi.”

Ezekiel 39:29

Kenè ku en sikandan ebpesegdanen su edsuǥuen ku ziyà te kandan is Mulin-ulin ku. Iyan a, is Nengazen he MEGBEVAYÀ, is migkaǥi kayi.”

Ezekiel 48:35

Umbe is tivuuk he keleyatan duen te verengbeng, ne 9,000 he mitrus, ne puun dutun he timpu haazà is inged egngezanan he “Keniyan is Nengazen!”

Joel 3:17

Menge tig-Juda, egketuenan niw he iyan a, is Nengazen he Megbevayè niw, mid-ubpà a ziyà te Zion he segradu he vuvungan ku. Ne egkeuman en maan egkehimu he segradu is Jerusalem; kenè ne heini ed-umanan edsurunga te menge etew ziyà te zuma he menge nasyun.

Amos 9:15

Ibpeuman ku sikandan ibpeubpà diyà te tanè dan, ne kenè dan en ibpeuman ibpaawà dutun te tanà he imbeǥey ku kandan.” Iyan heini migkaǥi te Nengazen he Megbevayè niw.

Micas 7:10

Egkaahà heini te menge kuntada tew ne egkepeel-elezan sikandan. Su hein aney ne edsudien kiw zan he ke sikandin te, ‘Hendei en is Nengazen he Megbevayè niw?’ Kenà egkeuǥet egkeehè tew is kegkezeeti zan. Egkeiring sikandan te vasak diyà te kersada he edtekutakan.”

Habakuk 2:17

Mibpemiley niw is menge kayu ziyà te Lebanon, ne midhimetayan niw is menge langgam duen. Umbe edezeetan kew zaan ne egkerkeren kew te kegkahandek. Egkehitavù heini keniyu tenged te kebpenhimatey niw te menge etew wey kebpendezaat niw te menge tanè dan wey menge inged dan.

Habakuk 2:8

Tenged te mahabet he menge nasyun is mid-eǥawan niw te menge azen, ne iyan kew en maan ed-eǥawan te menge etew he nesamà keniyan he menge nasyun. Egkehitavù heini keniyu tenged te kebpenhimatey niw te menge etew wey kebpendezeeti niw te menge tanè dan wey menge inged dan.

Zefanias 3:17

Su zuma niw is Nengazen he Megbevayè niw. Iring sikandin te mekeǥeǥehem he sundaru he edlibri keniyu. Igkelipey kew zin, ne pinaaǥi te kebmahala zin keniyu ebeg-uwen din is untung niw. Egkanta sikandin wey ed-ugyab te kegkelipey tenged keniyu,

Zefanias 3:5

Piru zutun gihapun is Nengazen te inged dan. Mibeelan te Nengazen is hustu ne wazà sikandin mebaal te kenà hustu. Kada andew ibpeehè din ke hengkey is hustu, ne wazè din heini engkezi te ebaal. Piru heini is lalung he menge etew mibpedayun gihapun te kebaal te mezaat ne wazà sikandan meeled.

Zacarias 12:3

Dutun he andew edhimuwen ku is Jerusalem he iring te meveǥat he vatu. Ne is minsan hengkey he nasyun he ebitbit kayi ne egkesazir. Is langun he menge nasyun kayi te kelibutan edsevaha te kedsurung diyà te Jerusalem.

Zacarias 9:9

Migkaǥi is Nengazen te, “Ugyab kew tenged te kegkelipey is menge meǥinged diyà te Zion, he iyan is inged he Jerusalem, su ebpekeuma is hadì niw. Metazeng sikandin wey mezeeǥen. Kenà sikandin mepelevawen ne ebpekeuma he ed-untud te nati he asnu.