Zefanias 3:12 - Manobo Western Bukidnon OT

¹² Edsemaan ku ziyà te Jerusalem is menge etew he pubri wey egkaayuayu, ne ebuyù dan te tavang kayi te kedì.

Zefanias 3:12 Marejeleo ya Msalaba

Isaias 14:32

Hengkey is idtavak tew te menge menunudtulà he ebpuun te Filistia? Egkeǥiyan tew sikandan te, “Is Nengazen iyan mibangun te Jerusalem, ne dengepà heini te menge etew zin he nengerasey.”

Nahum 1:7

Meupiya is Nengazen; melig-en sikandin he eputà emun timpu te kelised, ne ed-elimahan din is edangep diyà te kandin.

Isaias 50:10

Hentei keniyu is edtahud te Nengazen wey ebpezumazuma te menge penurù te suluǥuen din? Ereg sikandin he edsarig te Nengazen he Megbevayè din minsan midhipanew sikandin diyà te merusirem he wazà duen bulug kerayag.

Zacarias 11:11

Umbe, zutun he andew wazè en bali zutun he kebpekid-uyun. Is menge ebelegyà te menge kerehidu he midtengteng kedì, netuenan dan he zuen ibpesavut te Nengazen pinaaǥi kayi te mibeelan ku.

Salmo 37:40

Edtevangan din sikandan ne edlibriyen din te kegkeiza kandan te menge mezaat he etew, su ziyè man sikandan med-aput te kandin.

Isaias 14:30

Is menge etew ku he menge pubri ed-elimahan ku wey ibpehimeley he wazà edhilavet kandan. Piru sikiyu is menge Filistihanen, ebpenhimetayan ku is menge kevuwazan niw pinaaǥi te vitil. Ne is egkesamà kandan ebpenhimetayan ku gihapun.

Zacarias 11:7

Umbe, mid-atur ku is menge kerehidu he para te edlepaan te ebpemelegyà te kerehidu. Migkuwa a te zezuwa he tuked; is sevaha, migngezanan ku te Keupiya ne is sevaha pa migngezanan ku te Kedsevaha.

Ezra 9:8

“Ne ǥuntaan, seled te mevavà he timpu, nehizuwan key kenikew, Nengazen he Megbevayè dey. Intuǥut nu he zuen nesamà kenami, ne impeubpè key kenikew kayi he lugar he wazà ebpekekaid kenami te menge pinilì nu. Impeperateng key kenikew wey midhimu nu he malù mebmahagkap is elentusen dey tenged te kegkeuripena kenami.

Isaias 6:13

Minsan mesamè pa is ikesepulù he vahin te menge Israilihanen diyà te tanà te Israel, edezeetan ǥihapun sikandan. Piru zuen mibpilì ku ziyà te kandan ne iyan sikandan egkesamà. Egkeiring sikandan te tued te kayu he ulayan he mibpiley.”

Isaias 29:19

Ed-uman edlipey is kenà menge mepelevawen wey is menge egkengeey-eyuwan tenged te Nengazen, he Waǥas he Megbevayà te Israel.

Jeremias 17:7

Piru deyzey mulà is etew he edsarig kedì, he kayi te kedì is perateng din.

Jeremias 50:20

Dutun he timpu, egkehanew en is menge salà wey is menge kedsupak te nesamà he menge etew ziyà te Israel wey Juda, su ebpeseyluwen ku sikandan.’ ”

Ezekiel 6:8

“Piru kenè ku sikiyu ed-eminen te edhimatey. Is duma keniyu ebpekepelaǥuy te tebek ne ebpekepeyapat dan diyà te zuma he menge nasyun

Micas 5:6

Edaaǥen dan wey egkezumala zan is Asiria he tanà ni Nimrod, pinaaǥi te menge ǥumaan dan. Umbe edlibriyen kiw zan emun edsurung is menge tig-Asiria kayi te tanè tew.