Zefanias 1:13 - Manobo Western Bukidnon OT

¹³ Ed-eǥawen is menge azen dan ne ed-ewaan dan is menge valey zan. Kenà iyan sikandan ebpekeubpà diyà te menge valey he mibangun dan. Wey kenà iyan sikandan ebpekeinum te vinu he ebpuun diyà te menge pinemula zan he paras.”

Zefanias 1:13 Marejeleo ya Msalaba

Isaias 6:11

Ne mid-insà a te, “Sengemenu is kegkeuǥet kayi, Nengazen?” Midtavak sikandin te, “Taman te egkengewaǥey is menge inged diyà te Israel ne wazè en duen menge etew. Taman te wazè en ebpen-ubpà diyà te menge valey, ne is tanà egkepurung en egkezeeti.

Jeremias 15:13

Ibpaaǥew ku te menge kuntada niw is menge ketiǥeyunan niw wey menge azen niw tenged te langun he salà he nehimu niw kayi te tivuuk he nasyun.

Jeremias 17:3

ragkes is diyà te menge vuvungan diyà te vevesukà. Umbe ibpaaǥew ku te menge kuntada niw is menge ketiǥeyunan niw wey menge azen niw, ragkes en is menge simbahan niw ziyà te metikang he menge lugar, tenged te salà he neveelan kayi te tivuuk he nasyun.

Jeremias 4:20

Ebpekedtitinundug dà is menge kezeetan. Ne nevengkag is tivuuk he tanà. Minsan is menge tulda he ubpeey ku, segugunè dà neregdas.

Jeremias 4:7

Edsurung en is ebpendezaat te menge nasyun he henduen be te erimaung he migawas puun te elesè din. Migenat en sikandin puun te inged din su edezeetan din is tanè niw. Ebengkaǥen din is menge inged niw taman te kenè en egkehimu he ed-ubpaan.

Jeremias 5:17

Ed-eminen dan is menge abut niw, menge keenen niw, menge paras wey menge higus niw. Ebpenhimetayan dan is menge anak niw wey is menge uyaǥen niw. Ebengkaǥen dan is dezekelà he menge inged niw he neliǥuy te verengbeng he midseriǥan niw.

Jeremias 9:11

Su migkaǥi is Nengazen te, “Edezeetan ku is Jerusalem, ne egkehimu zà heini he ubpeey te leew he menge asu. Is menge inged diyà te Juda egkeiring te disirtu he wazà duen ed-ubpà.”

Jeremias 9:19

Pemineǥa niw is kedlelendag diyà te Jerusalem. Egkaǥi is menge etew te, ‘Nezeetan kiw! Mekeeled-eled heini is nehitavù kenitew! Kinahanglan he ed-ewaan tew heini is tanè tew su mibpenregdas is menge valey tew!’ ”

Penhulùhulù 5:2

Is menge tanè dey wey is menge valey zey, migkuwa te menge lumelengyawà.

Ezekiel 22:31

Umbe, ebpeǥezaman ku kandan is utew ku kegkepauk. Edezeetan ku sikandan tenged te mibeelan dan. Iyan a, is Nengazen he MEGBEVAYÀ, is migkaǥi kayi.”

Ezekiel 7:19

Ibpenimbag dan is menge pelata zan wey menge vulawan dan diyà te menge zalan he henduen be te meremerik he menge vutang. Kenà heini ebpekelibri kandan dutun te andew he ibpeehè ku is kegkepauk ku. Kenà heini ebpekahantey kandan su iyan heini hinungdan te kebaal zan te salà.

Ezekiel 7:21

Ibpaaǥew ku heini te lalung he menge etew he ziyà te zuma he lugar, ne edremerikan dan heini.

Ezekiel 7:24

Ibpaaǥew ku is menge valey zan te utew lalung he menge etew he ebpuun diyà te zuma he menge nasyun. Edtepusen ku is kebpegalbu te lavew he menge etew ziyà te kandan, ne ebpesegdanen ku en he remeriki is menge simbahan dan.

Amos 5:11

Midaagdaag niw is menge pubri ne midteǥel niw he mebeǥey ziyà te keniyu te neraǥun dan. Umbe kenè niw en egkeubpaan is dezekelà he menge valey he mibangun niw, wey kenè kew en ebpekeinum te vinu he ebpuun diyà te impemula niw he menge paras.

Micas 3:12

Umbe, tenged keniyu edezeetan is Zion he iyan is inged he Jerusalem. Egkeiring heini te mid-eradu he bevesukà, ne egkehimu heini he egketembuan te menge nengeǥevà. Ne egkehimu heini he ketelunan is buvungan he nevengunan te valey te Nengazen.”

Micas 6:15

Umbe, ebpemula kew, piru kenè kew iyan ebpekeraǥun kayi. Ebpetiǥis kew te menge ulibu, piru kenè kew iyan ebpekepulus te lana kayi. Egkeres kew te menge paras, piru kenè kew iyan ebpekeinum te vinu kayi.

Zefanias 1:9

Edsilutan ku zaan keniyan he andew is langun he midtampu te menge tulumanen te menge etew he wazà mekekilala kedì wey is menge mibpesipala wey nenlimbung su wey zan mepenù te menge azen is baley te egalen dan.”

Deuteronomio 28:30

“Is bahi he ed-esewaan niw ne ed-eǥawen te zuma he maama. Ebevaley kew ne kenè kew ebpekeubpà duen. Ebpemula kew te paras piru kenà ebpulus diyà te keniyu is beǥas din.

Deuteronomio 28:39

Ebpemula kew te paras ne ed-elimahan niw heini, piru kenè kew ebpekepenrupù te veǥas kayi wey kenè kew ebpekeinum te vinu kayi, su ed-eraten heini.

Deuteronomio 28:51

Egkeenen dan is menge uyaǥen niw wey is menge abut niw taman te ebpemematey kew. Wazè dan edsemaan duen te menge trigu niw, binu niw, lana niw, wey menge uyaǥen niw taman te egkengezeetan kew.