Zatù 7:9 - Manobo Western Bukidnon OT

⁹ Dutun he kezukileman migkaǥi is Nengazen diyà te ki Gideon te, “Pengandam kew en! Surunga niw en is menge Midianhen ne ibpezaag ku keniyu sikandan.

Zatù 7:9 Marejeleo ya Msalaba

Zatù 3:28

Migkeǥiyan din sikandan te, “Sunud kew kediey su ebpengelinteuwan te Nengazen he mezaag niw is menge Moabitanhen he menge kuntada niw.” Umbe midsunud sikandan kandin ne mid-aǥew zan is lugar he repasan te menge Moabitanhen diyà te Wahig he Jordan. Ne wazà minsan sevaha he etew he impelayun dan dutun.

Job 4:13

Nehitavù heini kayi te kediey pinaaǥi te teǥeinep dutun te sevaha he mezukilem he ebpemenlipezeng wey egkengehurep is menge etew.

2 Cronica 20:17

Kenè en kinahanglan he ebpekidtebek kew pa. Andam kew zà wey mebpekelig-en, ne ahaà niw is kezeeǥan he ebeelan te Nengazen para keniyu. Sikiyu is menge tig-Juda wey tig-Jerusalem, kenè kew mahandek wey mebmeluya. Etuvanga niw sikandan keeselem su is Nengazen iyan eduma keniyu.’ ”

Zatù 3:10

Mid-ulinan sikandin te Mulin-ulin te Nengazen, ne mibpenguluwan din is Israel. Nekidtebek sikandin ki Hadì Cushan Rishataim he hadì te Aram, ne mibpengelinteuwan te Nengazen he mekezaag sikandin.

Josue 10:8

Ne migkaǥi is Nengazen diyà te ki Josue te, “Kenè ka mahandek kandan. Imbeǥey ku en sikandan kenikew. Wazà minsan sevaha kandan he ebpekezaag kenikew.”

Josue 2:24

Migkaǥi sikandan te, “Tutuu iyan he imbeǥey kenitew te Nengazen is tivuuk he tanà. Is langun he etew zutun ne nengahandek kenitew.”

Josue 11:6

Migkaǥi is Nengazen diyà te ki Josue te, “Kenè kew mahandek kandan, su keeselem te iring kayi he uras, ne egeraan ku sikandan is langun para te Israel. Penlepui niw is menge kudè dan wey peminsuli niw is menge kerwahi zan.”

Zatù 7:8

Umbe, impeulì sikandan ni Gideon hein ingketaǥak dan en is menge lutù dan wey menge vudyung dan. Ne wazè din mulà ipeulì sikan is 300 he menge etew. Is kampu te menge Midianhen ne ziyà te menge suǥud, ne egkaalug dà eni Gideon.

Zatù 7:10

Iyan, emun egkahandek ka he edsurung guntaan, ne zumaha nu is suluǥuen nu he si Pura, ne hendiyè kew te kampu te menge Midianhen.

Zatù 20:28

Ne is edumala zutun, iyan si Finehas he anak ni Eleazar wey apù ni Aaron.) Mid-umanan insai te menge Israilihanen is Nengazen te, “Ed-uman key pe be ebpekidtebek te kezumahan dey he menge Benjaminhen etawa kenè en?” Midtavak is Nengazen te, “Uman kew pekidtebek su keeselem ebpengelinteuwan ku en he mezaag niw sikandan.”

1 Samuel 14:8

Migkaǥi si Jonatan te, “Kuwa ke en, edhendiyè ki su ebpeehè ki kandan.

1 Samuel 23:4

Mid-uman med-insà si David diyà te Nengazen, ne migkeǥiyan sikandin te, “Hendiyè ka te Keila, su edtevangan ku sikew ne egkezaag nu is menge Filistihanen.”