Zatù 4:7 - Manobo Western Bukidnon OT

⁷ Ne ed-iniyaten ku si Sisera, sikan is pengulu te menge sundaru ni Jabin te kedhendiyà te zal-ug he Kishon duma te menge sundaru zin wey menge kerwahi zin. Ne edhimuwen ku he mezaag niw sikandan.’ ”

Zatù 4:7 Marejeleo ya Msalaba

1 Hadì 18:40

Ne segugunà midsuǥù ni Elias is menge etew te, “Dekepa niw is menge ebpeneuven ni Baal. Kinahanglan he wazà ebpekepelaǥuy kandan!” Umbe midakep dan ne mid-uwit sikandan ni Elias diyà te zal-ug he Kishon ne zutun din penhimetayi.

Zatù 5:21

Naanud sikandan diyà te zal-ug te Kishon, kes kezaan he zal-ug. Ebpedayun a he ebpekidtebek duma is kelig-en.

1 Samuel 24:18

Imbeǥey a te Nengazen diyà te kenikew, piru wazà a kenikew himetayi.

1 Samuel 24:10

Neehè en guntaan he andew ke mibmenumenu te Nengazen is paaǥi te kebpelaza zin kenikew kayi te kedì dutun te seled te surung. Migkeǥiyan a te menge zuma he sakup ku te himetayi nu en, piru wazè ku sikew himetayi. Migkeǥiyan ku sikandan te kenè ku egketikaan te edhimatey is egalen ku tenged te mibpilì sikandin te Nengazen he edhadì.

Zatù 4:14

Ne migkeǥiyan ni Debora si Barak te, “Genat ke en, su iyan heini andew he ebpengelinteuwan te Nengazen he mezaag nu si Sisera. Ebpetelihuna kenikew is Nengazen.” Umbe midtupang si Barak dutun te Buntud he Tabor zuma sikan is 10,000 he menge sundaru zin.

Josue 10:8

Ne migkaǥi is Nengazen diyà te ki Josue te, “Kenè ka mahandek kandan. Imbeǥey ku en sikandan kenikew. Wazà minsan sevaha kandan he ebpekezaag kenikew.”

Josue 8:7

Ne zutun seǥuǥunè kew ǥawas puun te mid-elesan niw ne eǥawa niw is inged. Ibeǥey heini keniyu te Nengazen he Megbevayè niw.

Exodus 21:13

Iyan, emun wazè din tivevaa is kegkepetaya zin dutun, kekenà, nevèbeelan is kegkehitevua zutun su tenged te imbanglis ku, ne egkehimu sikandin he ebpelaǥuy ziyà te lugar he idteǥana ku.

Exodus 14:4

Ne edhimuwen ku he mebmezesen is gehinawa te hadì su wey kew zin mezal-as. Piru edèdeetan ku sikandin wey is menge sundaru zin. Ne pinaaǥi kayi egkeveǥayan a te zengeg, ne egketuenan te menge Ehiptohanen he iyan a kes Nengazen.” Umbe, mid-ulaula heini te menge Israilihanen.

Josue 11:20

Su mibpekubalan te Nengazen is gehinawa zan su wey zan sukuli te tebek is menge Israilihanen. Ne pinaaǥi kayi egkepurung sikandan egkezeeti ne ebpenhimetayan he kenè ne egkelizuwan, su iyan insuǥù te Nengazen ki Moises.

Josue 11:6

Migkaǥi is Nengazen diyà te ki Josue te, “Kenè kew mahandek kandan, su keeselem te iring kayi he uras, ne egeraan ku sikandan is langun para te Israel. Penlepui niw is menge kudè dan wey peminsuli niw is menge kerwahi zan.”

Zatù 4:8

Ne migkaǥi si Barak diyà te ki Debora te, “Egenat a emun eduma ka; piru emun kenè ka eduma ne kenà a egenat.”

Exodus 14:8

Mibpengelinteuwan te Nengazen he ibpemezesen din is gehinawa te hadì te Ehipto, umbe, midal-as din is menge Israilihanen he migenat he mezeeǥen.

Exodus 14:17

Ibpemezesen ku is gehinawa te menge Ehiptohanen su para del-asa kew zan. Piru edèdeetan ku is hadì wey is menge sundaru zin, wey is menge pereuntud din te kudà wey menge kerwahi. Ne pinaaǥi kayi egkevantug a.