Zatù 3:10 - Manobo Western Bukidnon OT

¹⁰ Mid-ulinan sikandin te Mulin-ulin te Nengazen, ne mibpenguluwan din is Israel. Nekidtebek sikandin ki Hadì Cushan Rishataim he hadì te Aram, ne mibpengelinteuwan te Nengazen he mekezaag sikandin.

Zatù 3:10 Marejeleo ya Msalaba

1 Samuel 11:6

Kegkezineǥa ni Saul zutun ne segugunà sikandin mid-ulinan te Mulin-ulin te Megbevayà, wey utew sikandin nepauk.

Zatù 14:19

Ne midumala en maan si Samson te Mulin-ulin te Nengazen. Midhendiyà sikandin te Ashkelon ne zutun midhimatey sikandin te 30 he etew ne midtavan din is kumbalè dan wey zuma he menge azen dan. Ne imbeǥey zin haazà is menge visti ziyà te menge etew he nekeentuk te peentukè din. Ne hein nepasad haazà mid-ulì sikandin diyà te menge ginikanan din is utew nepauk tenged dutun te nehitavù.

Zatù 14:6

Ne si Samson, mibeǥayan sikandin te ǥehem te Mulin-ulin te Nengazen, ne zutun mibaas din haazà is erimaung pinaaǥi zà te menge velad din he henduen be te nati zà he kambing is mibaas din. Piru wazè din haazà tudtula te menge ǥinikanan din.

Zatù 13:25

Is Mulin-ulin te Nengazen mibpuun med-ulin kandin hein diyà sikandin te Mahane Dan, he ziyà te pid-elangan te Zora wey Eshtaol.

Zatù 11:29

Dutun he timpu mid-ulinan si Jefta te Mulin-ulin te Nengazen. Mid-eneb din beyai is tivuuk he Gilead wey is Manase, pehendiyà te Mizpa diyà te Gilead. Ne puun te Mizpa midsurung din is menge Amunihanen.

Zatù 6:34

Mid-ulinan si Gideon te Mulin-ulin te Nengazen, ne mibpezaǥing sikandin te vudyung su ed-umawen din is menge kevuwazan ni Abiezer para mekesunud sikandan kandin.

2 Cronica 15:1

Ne miduma te Mulin-ulin he Megbevayà si Azaria he anak ni Oded.

Numero 24:2

ne zutun neehè din is menge Israilihanen he mibpesibsivayà megkampu is kada tribu. Ne mibpurungan sikandin ulini te Mulin-ulin te Megbevayà,

Salmo 51:11

Kena a kenikew segseǥa puun te etuvangan nu, ne kenè nu iawà kayi te kediey is waǥas he Mulin-ulin nu.

2 Cronica 20:14

ne zutun midumala te Mulin-ulin te Nengazen si Jahaziel he zuma zan te midhitindeg dutun te kezekelan. Si Jahaziel ne anak ni Zacarias. Si Zacarias ne anak ni Benaya. Si Benaya ne anak ni Jeiel. Ne si Jiel ne anak ni Matania he Levihanen he kevuwazan ni Asaf.

1 Samuel 16:13

Ne migkuwa ni Samuel kes lana ne midlenahan din is ulu ni David he zutun te etuvangan te menge suled din. Ne puun dutun mid-ulinan si David te Mulin-ulin te Nengazen. Ne mid-ulì human si Samuel ziyà te Rama.

1 Samuel 10:6

Ne zutun, ed-ulinan ka te Mulin-ulin te Nengazen, ne ebpekaǥi ke en te kebpenagnà duma kandan, ne egkehimu ke en he veǥu en he etew.

Numero 27:18

Umbe, migkaǥi is Nengazen diyà te ki Moises te, “Pesuǥui nu si Josue he anak ni Nun, is sevaha he etew he ed-ulinan te Mulin-ulin, ne izampè nu is palad nu ziyà te ulu zin te ked-urdina kandin he pengulu.

Numero 11:29

Piru midtavak si Moises te, “Ingkeipeng nu ve he ebpekezezaat heini te kegkepengulu ku? Emun iyan e zà ebpekevayàbayà, egkesuat a he pudu veǥayi te keǥehem te Nengazen is menge etew zin su para pudu zan mekepenagnà iring te menge ebpeneuven.”

Numero 11:25

Ne mibulus is Nengazen pinaaǥi te ǥapun ne nekidlalag ki Moises. Ne imbeǥey zin duen te 70 he menge perezumala is duma he keǥehem. Ne hein diyè en haazà te kandan ne nenagnà sikandan, piru wazè en haazà meuman-uman.

Numero 11:17

Ebulus a ne ebpekidlalag a kenikew zutun, ne ibeǥey ku kandan is duma he keǥehem he imbeǥey ku kenikew su wey zan mekeuǥup kenikew te kedumala te menge etew su para zuen nu zuma te kedumala kandan.

Zatù 3:8

Tenged kayi nepeukan sikandan te Nengazen, umbe mibey-anan din sikandan he mezaag ni Hadì Cushan Rishataim he hadì te Aram Naharaim. Nesakup din sikandan seled te walu he tuig.

Zatù 3:11

Umbe, duen kelinew ziyà te Israel seled te 40 he tuig. Ne minatey en si Otniel.

1 Cronica 12:18

Ne zutun mid-uwit te Mulin-ulin si Amasai he nehimu he pengulu zuen te 30 he menge mevurut he menge sundaru ne migkaǥi sikandin te, “Edlavan key kenikew, David he anak ni Jesse! Deyzey pezem ke mebmezeeǥen ka wey is mid-uǥup kenikew, su iyan is Megbevayè nu mid-uǥup kenikew.” Ne midawat sikandan ni David ne midhimu zin sikandan he menge upisyal te menge sundaru zin.

Zatù 11:32

Nekidtebek si Jefta te menge Amunihanen, ne mibpengelinteuwan te Nengazen he mekezaag sikandin.

Zatù 15:14

Hein nekeuma zan diyà te Lehi, midsinuǥung sikandin te menge Filistihanen he ebpememensag. Midumala si Samson te Mulin-ulin te Nengazen su nengebidtew is imbakus kandin he iring dà te tanur he edtutungen ne nengeulug heini puun te menge velad din.

1 Samuel 10:10

Dutun te nekeuma si Saul wey kes suluǥuen din diyà te Gibea, midsinuǥung kandan is grupu te menge ebpeneuven ne midseled diyà te kandin is Mulin-ulin te Megbevayà ne miduma sikandin kandan is ebpenagnà.