Zatù 2:1 - Manobo Western Bukidnon OT

¹ Midhendiyà is belinsuǥuen te Nengazen te Bokim he ebpuun te Gilgal. Ne migkeǥiyan din is menge Israilihanen te, “Impeǥawas ku sikiyu puun te Ehipto, ne mid-uwit ku sikiyu kayi he tanà te impenaad ku ziyà te menge kepuun niw. Ne migkaǥi a zengan he kenè ku edèdeetan is kebpekid-uyun ku keniyu.

Zatù 2:1 Marejeleo ya Msalaba

Leviticus 26:42

edtumanen ku is kebpekid-uyun ku te menge kepuun niw he si Abraham, si Isaac, wey si Jacob ne idlikù ku sikiyu ziyà te tanè niw.

Exodus 20:2

“Iyan a Nengazen he Megbevayè niw, iyan a mibpeǥawas keniyu ziyà te Ehipto he zutun kew uripena.

Exodus 23:20

“Edsuǥuen ku is belinsuǥuen ku he medhuna keniyu wey kew zin meventayi ziyà te ibayè niw, ne wey kew zin mezuma ziyà te lugar he mid-andam ku para keniyu.

Genesis 12:7

Ne mibpaahà is Nengazen ki Abram ne ke sikandin te, “Heini is tanà, ne ibeǥey ku ziyà te menge kevuwazan nu.” Ne zutun mibaal si Abram te pemuhatà su ebpemuhaten din is Nengazen he iyan mibpaahà kandin.

Zacarias 11:10

Ne migkuwa ku sikan is tuked he migngezanan te Keupiya ne mibadtì ku heini he tuus te kenè en edleusen te Nengazen is kebpekid-uyun din te langun he menge etew.

Jeremias 14:21

He Nengazen, tenged te zengeg te ngazan nu, edhengyuan ku sikew he kenè key kenikew iselikwey. Kenè nu ituǥut he egkependezeisey is lavew he pinuuwè nu te kedhadì. Tentenuzi nu is kebpekid-uyun nu kenami, ne kenè nu heini pekyasa.

Isaias 63:9

Diyà te langun he menge elentusen dan, nekaantus daan sikandin, ne midlibri zin sikandan pinaaǥi te velinsuǥuen he mibpezayag diyà te etuvangan din. Tenged te kebmahala wey kegkehizuwi zin kandan midlibri zin sikandan; mid-etiman din sikandan seled te langun he andew zutun te nehuna he timpu.

Salmo 89:34

Edtumanen ku is kebpekid-uyun ku kandin, wey is impesarig ku kandin.

Zatù 13:3

Duen timpu he mibpaahà te esawa zin is belinsuǥuen te Nengazen ne migkaǥi haazà te, “Taman en guntaan wazè nu pa anak. Iyan, kenà egkeuǥet ne ebmeǥingey ka ne ed-anak ka te maama.

Zatù 2:5

Umbe, migngezanan dan haazà is lugar te Bokim. Ne mibpemuhat dan is Nengazen dutun.

Josue 3:10

Guntaan egketuenan niw he mibpekiduma keniyu is uuyag he Megbevayà, su emun edsurung kew en ne iyan sikandin edsegseg te menge Canaanhen, menge Hitihanen, menge Hivihanen, menge Pirisihanen, menge Girgasihanen, menge Amorihanen, wey menge Jebusihanen.

Deuteronomio 7:9

Isipa niw he is Nengazen he Megbevayè niw, iyan dà Megbevayà. Egkeseriǥan sikandin he Megbevayà, ne edtumanen din is kebpekid-uyun din he iyan is kebmahala zin te mahabet he kevuwazan he ebmahal kandin wey edtuman te menge suǥù din.

Deuteronomio 4:34

Duen be selakew en he Megbevayà he migkuwa zin is grupu te menge etew puun te sevaha he nasyun pinaaǥi te penggezam, egkengein-inuwan he menge hitavù, tebek, dekelà he ǥehem, wey mekeǥeǥehem he menge vaal para maangken din? Wazà! Piru iyan heeyan mibeelan te Nengazen he Megbevayè niw ziyà te Ehipto, ne neseksiyan niw heeyan.

Numero 14:34

Ne geina te 40 he andew is kebpeniizi te menge meniniid duen te tanà, ne ebpekaantus kew zaan te 40 he tuig tenged te menge salè niw, wey niw metueni ke hengkey is ebeelan ku ke egkepeukan ku is ebpekigkuntada kedì.

Leviticus 26:44

Piru minsan edsilutan ku sikiyu, ne kenè ku sikiyu idselikwey ziyà te lugar te menge kuntada niw; kenè ku sikiyu edezeetan he wazè en egkesamà keniyu. Ne kenà egkehimu he id-awè ku is kebpekid-uyun ku keniyu, su iyan a is Nengazen Megbevayè niw.

Exodus 33:14

Ne migkaǥi is Nengazen te, “Edumahan ku sikew, wey ibpehimeley ku sikew.”

Exodus 14:19

Ne zutun is belinsuǥuen te Megbevayà he ziyà edhipanew te egkesineruwan te menge Israilihanen, mid-awà, ne ziyà medliling te egkeiniyuǥan dan. Ne sikan is mekepal he ǥapun he iring te tukud, mid-awà daan su midliling daan diyà te egkeiniyuǥan dan,

Exodus 14:14

Su iyan is Nengazen ebpekidtebek para keniyu. Ne kenè en kinahanglan he iyan kew ebpekidtebek.”

Genesis 48:16

Ne verakat he tuvazi zaan sikandan duen te velinsuǥuen he midlibri kedì te langun he menge kezeetan. Berakat he kenà a melipati wey is menge kepuun ku he si Abraham wey si Isaac. Berakat he mebmahabet utew is menge kevuwazan dan dini te kelibutan.”

Genesis 16:13

Umbe migngezanan ni Hagar is Nengazen te, “El-roi,” su ke sikandin te, “Neehè ku ve is Megbevayà, ne kemulu e pa he uuyag guntaan?”

Malakias 3:1

Pemineg kew te migkaǥi te Nengazen he Mekeǥeǥehem, “Edsuǥuen ku is menunudtulè ku te ked-andam te ibayè ku. Ne is Nengazen he ebperetengen niw segugunè dà he ebpekeuma zutun te valey zin. Ebpekeuma is ebpengenduyen niw he menunudtulà te kebpekid-uyun ku.”

Zatù 6:8

midsuǥù te Nengazen diyà te kandan is sevaha he ebpeneuven he migkaǥi ziyà te kandan te, “Iyan heini egkeǥiyen te Nengazen he Megbevayà te Israel: ‘Impegawas ku sikiyu ziyà te Ehipto he zutun kew uripena.

Zatù 13:2

Dutun he timpu zuen sevaha he maama he iyan ngazan din si Manoa he sakup te tribu ni Dan, ne ziyà sikandin ed-ubpà te Zora. Ne kenà ed-anak is esawa zin.

Deuteronomio 1:8

Heini he menge tanà ibeǥey ku keniyu. Hendiyè kew en ne ubpai niw heini he menge tanà is insaad ku ziyà te menge kepuun niw he si Abraham, si Isaac, wey si Jacob, wey te menge kevuwazan dan.’ ”

Zatù 11:24

Iyan niw engkena is tanà he ibeǥey keniyu te ed-ezapen niw he si Kemosh. Su sikami, ed-engkenen dey is langun he ibeǥey kenami te Nengazen he Megbevayè dey.

Salmo 89:3

Migkaǥi ka te, “Midhimu ku is kebpekid-uyun ku te suluǥuen ku he si David, he mibpilì ku he egkehimu he hadì. Ne iyan heini impesarig ku kandin: