Zatù 10:10 - Manobo Western Bukidnon OT

¹⁰ Umbe, mibuyù te tavang is menge Israilihanen diyà te Nengazen. Ke sikandan te, “Nekesalè key ziyà te kenikew, su mid-iniyuǥan dey sikew is Megbevayè dey su iyan dey mid-azap is menge ledawan te ed-ezapen he si Baal.”

Zatù 10:10 Marejeleo ya Msalaba

1 Samuel 12:10

Mibuyù dan te tavang diyà te Nengazen. Ke sikandan te, ‘Nekesalè key, Nengazen. Mibelaǥad dey sikew su iyan mid-azap dey is ledawan ni Baal wey ni Ashtoret. Piru ǥuntaan, luwasa key puun te gehem te menge kuntada zey, ne ed-ezapen dey sikew.’

Salmo 107:28

Dutun te kedlised dan, mid-umew zan is Nengazen, ne midtevangan din sikandan.

Salmo 107:19

Ne zutun te kelised dan, mid-umew zan is Nengazen, ne midlibri zin sikandan.

Salmo 107:13

Ne zutun te kedlised dan, mid-umew zan is Nengazen, ne midlibri zin sikandan.

Zatù 3:9

Piru hein mibuyù te tavang is menge Israilihanen diyà te Nengazen, mibegayan din sikandan te sevaha he etew he ebpekelibri kandan. Iyan sikandin si Otniel he anak ni Kenaz te hazi ni Caleb.

Zatù 10:9

Midlayun is menge Amunihanen diyà te zapit te edsenlepan te Wahig he Jordan ne mibpekidtebek dan te menge tribu ni Juda, ni Benjamin, wey ni Efraim. Tenged kayi, utew nerasey is menge Israilihanen.

1 Samuel 7:6

Dutun te netiǥum en sikandan langun diyà te Mizpa, migkuwa zan te wahig ne in-itis dan diyà te etuvangan te Nengazen. Te haazà he andew mibpuasa zan ne mibuyù sikandan te pesaylu te menge salè he nehimu zan diyà te Nengazen. Si Samuel is nengulu te menge Israilihanen diyà te Mizpa.

Jeremias 2:27

Egkeǥiyen niw he kayu is amey niw ne vatu is iney niw. Mid-iniyuǥan a keniyu, piru emun edlised kew, ebuyù kew te tavang kayi te kediey.

Zatù 4:3

Si Jabin duen din 900 he kerwahi he menge putew. Ne utew zin midlisedlised is menge Israilihanen seled te 20 he tuig. Umbe mibuyù en maan te tavang is menge Israilihanen diyà te Nengazen.

Zatù 6:6

Nehimu he utew mekehizuhizu is kebpekesavuk te menge Israilihanen tenged te menge Midianhen, umbe mibuyù sikandan te tavang diyà te Nengazen.