Zatù 10:1 - Manobo Western Bukidnon OT

¹ Hein minatey en si Abimelec, si Tola he anak ni Pua wey apù ni Dodo iyan nengulu te kedlibri te Israel. Ebpuun sikandin diyà te tribu ni Isacar, piru ziyà sikandin ed-ubpà te Shamir he diyà te vuvungan te Efraim.

Zatù 10:1 Marejeleo ya Msalaba

Zatù 2:16

Mibeǥayan te Nengazen is Israel te menge pengulu he edlibri kandan te menge tulisan he edsurung kandan.

Zatù 3:9

Piru hein mibuyù te tavang is menge Israilihanen diyà te Nengazen, mibegayan din sikandan te sevaha he etew he ebpekelibri kandan. Iyan sikandin si Otniel he anak ni Kenaz te hazi ni Caleb.

Josue 15:48

Is malù dezekelà he menge inged diyà te menge vuntud iyan is: Shamir, Jatir, Soco,

Genesis 46:13

Is menge anak he maama ni Isacar ne iyan si Tola, si Pua, si Jashub, wey si Shimron.

Zatù 9:57

Impevayad daan te Megbevayà is menge tig-Shekem te langun he mezaat he mid-ulaula zan. Pinaaǥi kayi netuman is rawak ni Jotam te anak ni Gideon.

Zatù 10:2

Mibpenguluwan din is Israel seled te 23 he tuig. Ne hein minatey en sikandin, inleveng sikandin diyà te Shamir.

Zatù 3:27

Kebpekeuma zin, mibpezaǥing sikandin te vudyung diyà te vuvungan te Efraim su ed-umawen din is menge Israilihanen su ebpekidtebek dan. Ne midtupang puun dutun te vuvungan is menge Israilihanen he ebpenguluwan ni Ehud.

Zatù 12:8

Hein minatey en si Jefta, iyan nekeilis kandin te kebpengulu te Israel si Ibzan he tig-Betlehem.