Solomon 8:14 - Manobo Western Bukidnon OT

¹⁴ Gaanggaan ka hendini te kediey, pelanggè ku, he iring keǥaan te selazeng he edlinglingketew ziyà te menge vuntud he neeneb te menge pinemula he ebeelan he pehemut.

Solomon 8:14 Marejeleo ya Msalaba

Solomon 2:17

Dutun te kenè pa egkeriwaswas wey kenè pa egkaawà is merusirem, ne likù ke en, pelanggè ku. Likù ka he iring keǥaan te selazeng diyà te vuvungan.

Solomon 2:9

iring te selazeng. Ahàa niw man, diyà sikandin te gawas is edhithitindeg diyà te kilid te elavat dey is ebpantew kedì diyà te sulawà.

Solomon 4:6

Dutun te kenè pa egkeriwasriwas wey kenè pa egkaawà is merusirem, ne kenà a ed-awà diyà te kumeng nu he henduen be te menge vuntud he ebmeǥuymuyan te kehemut te mira wey veyewà.

Deuteronomio 12:15

“Piru egkehimu mulà he edlapè kew wey egkaan kew te usa ziyà te minsan hendei he lugar. Egkehimu ke egkaan kew taman te egkesuatan niw iring te kegkaan niw te selazeng wey gasila sumalà te idtuvad keniyu te Nengazen he Megbevayè niw. Pudu kew ebpekehimu he egkaan, su egkehimu he egkaan sikan is ed-isipen he lumpiyu wey sikan is mid-isip he neremerikan.

Solomon 2:7

Sikiyu is menge vahi te Jerusalem, penangdù kew pinaaǥi te menge selazeng wey menge gasila he kenè niw ebpukawen is kebmahal zutun te kenè pa hustu he timpu.