Solomon 6:10 - Manobo Western Bukidnon OT

¹⁰ Ke sikandan te, “Hentei ves heini is emun edtengtengan ta ne iring te egkeriwaswas is kekempet din, wey iring te ebpenerètà he vulan, wey iring te edsilà he andew. Mekevivihag sikandin iring te menge vituen.”

Solomon 6:10 Marejeleo ya Msalaba

Solomon 6:4

Utew ka mekempet, pelanggè ku. Iring is kekempet nu te kekempet te inged he Tirza wey Jerusalem. Utew ka meupiya he ed-ahaan iring te menge sundaru he zuen dan menge bendirà.

Job 31:26

Wazè ku ezapa is andew he merayag is kedsilè din wey is bulan he mekaayam-ayam is kedwaleng din.

Isaias 58:8

Emun ebeelan niw heini, ebpekeuma ziyà te keniyu is kelibriyanan he iring te edsilà he andew, ne segugunè ku sikiyu ebewii wey kew meulii. Siak is metazeng he Megbevayè niw, ebpetelihuna a keniyu ne ebpengelangan ku sikiyu pinaaǥi te mekeǥeǥehem he kebpekiduma ku.

Solomon 3:6

Hentei heini is ebpekeuma he ebpuun te sibsivayan he henduen be te mekepal he evel he ebmeǥuymuyan te kehemut te mira wey beyewà–menge pehemut he ibelegyà te menge nigusyanti?

2 Samuel 23:4

iring sikandin te anlag te andew he edsilà ke meselem he wazà gapun, he ebpekepesinew te neuzanan he menge sagbet!’

Malakias 4:2

Piru sikiyu mulà is edtahud kediey, is ketazeng iring te andew he edsilà diyà te keniyu he ebpekevawì te menge zaru niw. Ne egkeiring kew te nati he menge vaka he ebpemenlinglingketew is egawas diyà te tudil.

Hoseas 6:5

Umbe, ebpetizeenan ku sikiyu pinaaǥi te menge ebpeneuven ku he ebpemematey kew. Ibpezayag ku is kedhukum ku he iring kerayag te kilat.

Isaias 63:1

Hentei heini is ebpekeuma he ebpuun te Bozra he inged diyà te Edom, he nezekiyan te meriǥà is mekempet he visti zin? Ebpekeuma sikandin he utew zekelà is gehem din. Iyan sikandin kes Nengazen he ebpenudtul he egkaangken en te menge etew zin is kezeeǥan duma is ketazeng.

Solomon 8:5

Hentei ves heini is ebpekeuma he ebpuun te sibsivayan he edsandig diyà te minahal zin? Mibpukew ku is gehinawa nu zutun te ziyè ki te sihung te mensanas, he zutun ka meetew.

Erubasa 4:18

Is kebpengungubpaan te menge etew he metazeng ne igkepetug-iring te aney en he kedsilà te andew ke egkepawà he ebmerayag taman te meudtu.

Salmo 14:5

Piru egkengeheratan sikandan, su edlevanan te Megbevayà is menge metazeng.

Job 11:17

Egkehimu is untung nu he merayag pa te silà te andew ke meudtu. Is merusirem diyà te untung nu ebmerayag iring te meselem.

Solomon 1:15

Utew ka mekempet is pelanggè ku. Mekempet he ed-ahaan is menge mata nu, iring te menge mata te merepatik.