Solomon 4:9 - Manobo Western Bukidnon OT

⁹ He pelanggè ku he minahal, sengepedsirap nu zà kedì ne nevihag nu en is gehinawa ku wey tenged te sevaha zà he zayandayan te belieg nu.

Solomon 4:9 Marejeleo ya Msalaba

Solomon 4:12

He pelanggè ku he minahal, henduen ka te pemuleey he midsireduwan he zuen duen edtudà he serebseb.

Solomon 7:10

Gaked a te minahal ku ne iyan e zà ibulunga zin.

Zefanias 3:17

Su zuma niw is Nengazen he Megbevayè niw. Iring sikandin te mekeǥeǥehem he sundaru he edlibri keniyu. Igkelipey kew zin, ne pinaaǥi te kebmahala zin keniyu ebeg-uwen din is untung niw. Egkanta sikandin wey ed-ugyab te kegkelipey tenged keniyu,

Ezekiel 16:8

“ ‘Ne hein mid-uman a medsaǥad, neehè ku he egkehimu ke en he ed-esewaan. Ne midtembunan ku sikew is lelevas te samput ku ne nenangdù a he ebmahalen ku sikew. Midhimu ku is kebpekid-uyun kenikew, ne naangken ku sikew. Iyan a, is Nengazen he MEGBEVAYÀ, migkaǥi kayi.

Isaias 62:5

Is midlimbag kenikew, ed-esewaan ke zin iring te betan-en he maama he ebpengesawa te wazè pa mekeremaǥi. Ne iring te igkelipey te maama is ed-esewaan din, igkelipey ka zaan te Megbevayè nu.

Isaias 54:5

Su siak is midlimbag kenikew, egkehimu a he iring te esawa nu. Mekeǥeǥehem he Nengazen is ngazan ku. Siak, is Waǥas he Megbevayà te Israel, iyan a Menluluwas nu. Egngezanan a he ‘Megbevayà te tivuuk he kelibutan.’

Solomon 6:12

Ne wazè ku mevembentayi he ziyè ed bes te utew mekempet he hizeǥaan duma te pinelanggè ku.

Solomon 6:5

Kenà a kenikew tengtengi su henduen be te egkereney a tenged kenikew. Is bulvul nu henduen be te sengeleyuzan he kambing he edtupang puun te Buntud te Gilead.

Solomon 4:10

Utew iyan meemis is kebmahala nu kedì, pelanggè ku he minahal. Meemis pa heini kenà te vinu. Is pehemut nu, ne edhuna pa he mehemut te minsan hengkey he kelasi te pehemut.

Solomon 3:11

Gawas kew en is menge vahi te Jerusalem, ne ahàa niw si Hadì Solomon is midseluub te kuruna. Ingkuruna heini kandin te iney zin dutun te andew he utew sikandin melipayen, he iyan kes andew te eseweey zin.

Solomon 1:15

Utew ka mekempet is pelanggè ku. Mekempet he ed-ahaan is menge mata nu, iring te menge mata te merepatik.

Solomon 1:10

Utew mekempet is dagwey nu he mid-iseg mebmekempet tenged te menge eritis nu. Mekempet is lieg nu he mibelieǥan.

Salmo 45:9

Nepipira zuen te dungganen he menge vahi nu is menge anak te menge hadì. Ne ziyà te egkekewanan nu, edhithitindeg is egkehimu he rayna nu he midsun-ud te elahas he lunsey he vulawan he ebpuun te Ofir.

Genesis 41:42

Ne mibpul-ut dutun te hadì is sising din he iyan tuus te keǥehem din he insarig din ki Jose. Mibpesun-uzan din si Jose te utew mahal he manggad he meputì ne mibpevelieǥan din sikandin te rantey he vulawan.

Genesis 20:12

Tutuu iyan he etevey ku si Sara, su anak te amey ku, piru selakew is iney zin, ne mid-esawa ku.

Erubasa 1:9

Is penurù dey ebpekeveǥey kenikew te meupiya he vetasan iring te kuruna he menge vulak etawa velieg he ebpekeveǥey kenikew te mekempet he kedezagwey wey zengeg.

Ezekiel 16:11

Mideyzeyanan ku sikew te menge elahas: menge rintì wey menge velieg.

Daniel 5:7

Umbe, nekepengulahì sikandin is edsuǥù he umawa is uluwanen he menge etew ziyà te Babilonia: is menge selemengkiru, menge menenagnà, wey menge mengingingkuris. Ne kebpekeuma zan, migkaǥi sikandin diyà te kandan te, “Is minsan hentei he ebpekevasa te nekesurat keniyan te elavat wey ebpekeseysey te kehuluǥan din, ne ebpevistiyan ku te visti te hadì wey ebpevelieǥan ku te vulawan. Ne egkehimu sikandin he iketelu te kinelevawan he menge upisyal te ginhedian ku.”

Erubasa 6:25

Kenè ka petintal tenged te kekempet din. Kenè ka peuwit te mekevivihag he menge mata zin.