Solomon 4:8 - Manobo Western Bukidnon OT

⁸ Duma ka kediey puun te Lebanon, minahal ku. Edtupang ki puun te puntur te menge vuntud te Amana, Senir, wey Hermon, he ed-ubpaan te menge erimaung wey menge liyupardu.

Solomon 4:8 Marejeleo ya Msalaba

Deuteronomio 3:9

(Is Buntud he Hermon, egngezanan te Sirion te menge Sidunhanen, ne egngezanan te Senir te menge Amorihanen.)

Solomon 2:13

Ebpemeǥas en is menge higus, ne ebmeǥuymuyan en is ebpengevukad he menge paras. Hendini kad is pelanggè ku. Duma ka kedì, is minahal ku he utew mekempet.”

Salmo 45:10

Sikew is ed-esewaan te hadì, pemineǥa nu is egkeǥiyen ku: lipati nu en is menge emurè nu te inged wey is menge kezuzumahi nu,

1 Cronica 5:23

Mezakel is ketengà he tribu ni Manase. Is neubpaan dan puun te Bashan pehendiyà te Baal Hermon, Senir, wey Buntud te Hermon.

Isaias 62:5

Is midlimbag kenikew, ed-esewaan ke zin iring te betan-en he maama he ebpengesawa te wazè pa mekeremaǥi. Ne iring te igkelipey te maama is ed-esewaan din, igkelipey ka zaan te Megbevayè nu.

Solomon 7:11

Hendini ka, pelanggè ku, edhendiyè ki te vevesukà, ne ziyà ki edlipezeng te zuen duen menge vulak he hina.

Solomon 5:1

Midseled a ziyà te pemuleey ku, pelanggè ku he minahal. Mid-amur-amur ku is mira ku wey menge pehemut ku. Migkaan a te teneb ku wey mid-inum a te vinu ku wey ǥatas ku. Sikiyu is mibminahalà, megkaan kew wey med-inum.

Erubasa 9:6

Kenè niw ipedayun is kedtinulebung niw ne ebmeupiya is ked-ubpè niw, ne pengungubpaan kew zuma is kedsavut.”

Salmo 76:4

He Megbevayà, mekeǥeǥehem ka wey utew lavew zutun te kedtupang nu puun te menge vuvungan he zutun nu penhimetayi is menge kuntada nu.

Salmo 76:1

Diyà te Juda nekilala utew is Megbevayà; nevantug sikandin diyà te Israel.

1 Hadì 4:33

Igkeseysey zin is mehitenged te ebpemenuvù, puun te zezekelà he menge kayu pehendiyà te utew zezeisey he ebpemenuvù. Ebpekepenudtul zaan sikandin bahin te minsan hengkey he klasi te: ebpemenhipanew, ebpemenanap, ebpemenlayang, wey is ebpenlayewlayew.

Josue 12:1

Nesakup en te menge Israilihanen is menge tanà diyà te edsilaan te Jordan, puun te zal-ug te Arnon taman te Buntud he Hermon, ragkes kayi is tanà diyà te edsilaan he vahin te Araba. Iyan heini menge hadì dutun he menge lugar he nezaag te menge Israilihanen: Si Sihon he Amorihanen he meǥinged diyà te Heshbon. Sakup te ginhedian din is ketengà te Gilead. Puun heini te Aroer he kilid te zal-ug te Arnon, ragkes en is inged diyà te teliwazà kayi he zal-ug taman te zal-ug te Jabok, he dulunà te menge Amunihanen.

Deuteronomio 3:25

Ne ke và nu zà ebmehimuwa, ne ituǥut nu kedì is kedlayun te Jordan, para meehè ku is meupiya he tanà, mekempet he menge vuvungan, ragkes en is menge vuvungan te Lebanon.’

2 Hadì 5:12

Kenè be meupiya pa is wahig diyà te Abana wey Farfar ziyà te Damascus kenà te zuma he menge wahig kayi te Israel? Kenè be ziyè e zà mebpenhugas para meulii a?” Umbe migenat sikandin he utew egkepauk.

Salmo 72:16

Berakat he mebeǥey te menge abut is tanà minsan is puntur te menge vuntud, ne meiring te Lebanon he utew uuzaran. Berakat he mebmahabet is ebpemen-ubpà diyà te menge inged, meiring sikandan kezakel te menge sagbet diyà te menge vevesukà.

Salmo 89:12

Mibeelan nu is dizaya wey is divavà. Is Buntud he Tabor wey is Buntud he Hermon iring heini is dezuwa te menge etew he egkanta te kegkelipey tenged kenikew.

Ezekiel 27:5

Neiring ka te zekelà he varku he kayu he abitu he ebpuun diyà te Senir. Ne menge kayu he sidru he ebpuun diyà te Lebanon is palu nu.