Solomon 3:9 - Manobo Western Bukidnon OT

⁹ Heini he kerwahi is mibpeveelan ni Hadì Solomon, iyan migamit te kebeeli kayi is menge kayu he ebpuun diyà te Lebanon.

Solomon 3:9 Marejeleo ya Msalaba

Solomon 3:7

Iyan heeyan sikan is kerwahi ni Solomon he edliǥuyan te 60 he utew memetau he menge sundaru te Israel.

2 Samuel 23:5

Iyan heeyan ked-ahà te Megbevayà te pemilya ku, su midhimu sikandin kayi te kedì te kebpekid-uyun he wazà pidtemanan. Heini he kebpekid-uyun, ne kenè en egkevelvelewanan ne kenè en daan egkeilisan. Umbe egkeperateng ku he lelayun a edluwasa te Megbevayà, wey ibeǥey zin kedì is langun he egkesuatan ku.

Solomon 3:8

Pudu sikandan midseseluniket te ispada, ne memetau sikandan he ebpekidtebek. Mibpengendaman dan is edsurung minsan ke mezukilem.

Solomon 3:10

Midtukuzan heini te mibpekeplaan te pelata, ne imburda ziyà te tambun kayi is bulawan. Is menge kutsun diyà te pinuuwà kayi, ne mibputus te manggad he merudtem. Ne is diyà te seled kayi he kerwahi impemekempet te menge vahi te Jerusalem.