Salmo 99:8 - Manobo Western Bukidnon OT

⁸ Nengazen he Megbevayè dey, midtavak nu is menge kebpengemuyù te menge etew nu. Impeehè nu kandan he mepeseyluwen ka he Megbevayà minsan midsilutan nu sikandan tenged te menge salè dan.

Salmo 99:8 Marejeleo ya Msalaba

Numero 20:12

Piru migkaǥi is Nengazen diyà te ki Moises wey ki Aaron te, “Tenged te wazè kew medsarig kedì pinaaǥi te kebpaahà te kegkewaǥas ku ziyà te etuvangan te menge Israilihanen, kenè kew iyan ebpekepengulu te keduma kayi te menge etew pehendiyà te tanà he ibeǥey ku kandan.”

Salmo 89:33

Piru ebmahalen ku wey ed-unungan ku ǥihapun si David.

Jeremias 46:28

Umbe, kenè kew en egkahandek, is menge kevuwazan te suluǥuen ku he si Jacob, su zuma a keniyu. Ebpurungan ku edezeeti is langun he menge nasyun he zutun ku sikiyu ipeyapat, piru kenè ku mulà sikiyu ebpurungan edezeeti. Ebmensuwen ku sikiyu, sumalà is ereg keniyu. Kenà egkehimu he kenè ku sikiyu edsilutan. Iyan a, is Nengazen, is migkaǥi kayi.”

Megwewali 7:29

Ne lavew te langun, nesusi ku he midlimbag te Megbevayà is etew para medtinazeng piru kezekelan te menge paaǥi te etew ne kenà metazeng.”

Zefanias 3:7

Ne tenged kayi te mibeelan ku, iyan neisip ku is: siguradu he edtehuzen ad te menge etew ku ne edewaten dan en is kedsewaya ku kandan, su wey kenà mezeeti is inged dan sumalà te migkaǥi ku ziyà te kandan. Piru nasì en med-iseg is kebaal zan te salà.

Deuteronomio 3:26

“Piru nepeukan a te Nengazen tenged keniyu, ne wazè din ituǥut haazà is hangyù ku. Migkeǥiyan e zin te, ‘Ereg en heeyan! Kena ad kenikew umani keǥiyi mehitenged keniyan.

Numero 20:24

“He Aaron, neume en is timpu he idtampu ke en diyà te menge kezuzumahi nu he nemematey en. Kenè ka ebpekeseled diyà te tanà he ibeǥey ku te menge Israilihanen su midsupak kew ki Moises te suǥù ku hein diyè kew te serebseb te Meriba.

Exodus 32:2

Ne migkaǥi si Aaron diyà te kandan te, “Pemul-uta niw is bulawan he menge eritis he in-eeritis te menge esawa niw wey menge anak niw, ne uwita niw kayi te kediey.”

Exodus 34:7

Ibpeehè ku is kebmahala ku te mahabet he menge etew, ne ebpeseyluwen ku is kezaat dan, kerepasan dan, wey menge salè dan. Piru edsilutan ku is mekesesalà, ragkes is menge kevuwazan dan taman te iketelu wey ikeepat he lapis te kevuwazan.”

2 Samuel 12:14

Piru tenged dutun te mibeelan nu he nekeveǥey te higayun diyà te menge kuntada te Nengazen he egkesumpalit sikandin, siguradu he ebpatey is anak nu.”

Salmo 78:38

Minsan pa te iyan heini, hihizuwen gihapun kandan is Megbevayà. Mibpesaylu zin sikandan te menge salè dan ne wazè din sikandan dèdeeti. Layun din ed-eǥena is pauk din kandan minsan utew en sikandin egkepauk.