Salmo 99:5 - Manobo Western Bukidnon OT

⁵ Deliǥa is Nengazen he Megbevayè tew. Ezapa niw sikandin diyà te valey zin. Waǥas sikandin!

Salmo 99:5 Marejeleo ya Msalaba

Salmo 132:7

Ne zutun migkaǥi key te, “Edhendiyè kiw te valey te Nengazen ne ed-azap kiw ziyà te etuvangan te pinuuwè din te kedhadì.”

Isaias 66:1

Iyan heini egkeǥiyen te Nengazen: “Is langit iyan pinuuwè ku te edhadì, ne is tanà iyan ebpeuntuzan ku te menge paa ku. Egkehimu ve ke edtukuzan a keniyu te valey? Egkehimu ve ke ebeǥayan a keniyu te lugar he egkehimelayan ku?

Salmo 108:5

He Megbevayà, ipeehè nu is kegkemekeǥeǥehem nu ziyà te langit wey kayi te tivuuk he kelibutan.

Salmo 34:3

Duma kew kedì te edalig te Nengazen; edsevaha kiw te kedalig kandin.

Exodus 15:2

Is Nengazen iyan ebeǥey kedì te zesen, wey iyan sikandin egkekanta ku. Iyan sikandin menluluwas ku. Iyan sikandin Megbevayè ku, ne edeliǥen ku sikandin. Megbevayà sikandin te menge kepuun ku, ne ebentuǥen ku sikandin.

Isaias 25:1

Nengazen, iyan ka Megbevayè ku! Edalig a wey ebeǥey te zengeg kenikew su utew egkein-inuwi is menge mibpemeelan nu. Midtuman nu is menge pelanu nu he midhimu nu zengan te nehuna he timpu.

Isaias 12:4

Emun egkeuma en haazà he andew, ne egkanta kew te: “Deliǥa niw is Nengazen! Ezapa niw sikandin! Tudtula niw ziyà te menge etew is menge vaal zin. Penudtul kew he ereg sikandin he edeliǥen.

Salmo 99:3

Edeliǥen sikandin te menge etew su mekeǥeǥehem wey egkein-inuwan sikandin. Waǥas sikandin!

Salmo 118:28

Nengazen, iyan ka Megbevayè ku; ebpeselamat a wey edalig kenikew.

Salmo 107:32

Ereg dan he ibpehivantug is Megbevayà diyà te kedtiǥum dan wey edeliǥen dan daan sikandin diyà te kedtiǥum te ebpemendumala kandan.

Salmo 99:9

Deliǥa is Nengazen he Megbevayè tew. Simbaha niw sikandin diyà te segradu he vuvungan he migaked din, su waǥas is Nengazen he Megbevayè tew.

Salmo 21:13

Nengazen, ereg ka he edeliǥen tenged te zesen nu. Umbe, egkanta key te idalig kenikew tenged te kegkemekeǥeǥehem nu.

Leviticus 19:2

he keǥiya zin heini ziyà te tivuuk he keet-etawan te Israel: Pengungubpaan kew he segradu su waǥas a is Nengazen he Megbevayè niw.

1 Cronica 28:2

Hein nengevurun dan en ne midhitindeg si David he migkaǥi te, “Pemineǥa a keniyu, menge suled wey menge keet-etawan ku. Egkesuat a he ebangun te valey te Nengazen para egkesevukan duen te Kavan te Kebpekid-uyun te Nengazen he Megbevayè tew, para zuen egkeuntuzan te paa zin. Ne neisip ku is edtukuzen en heini.

Hoseas 11:7

Heini sikandan is menge etew ku, utew egkesuat he ebpekeziyù kayi te kedì. Umbe minsan medsevaha pa sikandan is ebpengumew-umew kedì, ne kenè ku sikandan edlibriyen.