Salmo 99:1 - Manobo Western Bukidnon OT

¹ Edhadì is Nengazen ne ebpimpinuu sikandin diyà te pinuuwè din te kedhadì he ziyà te teliwazà te menge kirubin. Nehuyung is kelibutan tenged te ǥehem din; ebpengerkeren is menge etew te kezekelà te kedtahud dan kandin.

Salmo 99:1 Marejeleo ya Msalaba

2 Samuel 6:2

Ne migenat dan pehendiyà te Baala he sakup te Juda su egkuwaan dan diyà kes Kavan te Kebpekid-uyun te Megbevayà, he zutun is Nengazen he Mekeǥeǥehem. Ne zutun is Nengazen te teliwazà te menge kirubin he zutun te divavew te Kavan.

1 Cronica 16:30

Sikiyu is menge etew kayi te tivuuk he kelibutan, medtahud kew kandin diyà te etuvangan din. Melig-en is kedsevuka zin te kelibutan ne kenà heini egkewaleng.

Salmo 18:10

Mid-untud ka te kirubin, ne utew heini meǥaan he edlayang he eduma te keramag.

Salmo 2:6

Ke sikandin te, “Diyà te Zion, kes segradu he vuvungan ku, insavuk ku is mibpilì ku he hadì.”

Salmo 80:1

Sikew is ebantey te Israel, pemineǥa key kenikew, iyan ka migiya te iring te menge kerehidu he menge kevuwazan ni Jose. Sikew is ebpimpinuu ziyà te pinuuwè nu te kedhadì he egkezivavew te nepelestaran te menge kirubin, ipeehè nu is gehem nu

Salmo 80:2

ziyà te etuvangan te tribu ni Efraim, ni Benjamin, wey ni Manase. Ipeehè nu en is gehem nu, ne veyai key ne ibriya key.

Salmo 82:5

Utew kew menge paglung! Utew kew menge taleng! Diyè kew te kerusireman, umbe negurigew en heini is kelibutan.

Salmo 93:1

Hadì ka, Nengazen; is bisti nu iyan is kegkemekeǥeǥehem nu wey is utew nu kegkelavew. Utew melig-en is kebenguna nu te kelibutan ne kenà heini egkehuyung.

Salmo 96:10

Tudtula niw ziyà te menge nasyun is edhenduen te, “Edhadì is Nengazen.” Melig-en is kedsevuka zin te kelibutan ne kenà heini egkewaleng. Edhukuman din is menge etew te kedhukum he wazà egkevintahaan.

Salmo 96:9

Azap kew kandin diyà te segradu he etuvangan din. Sikiyu is menge etew kayi te tivuuk he kelibutan, medtahud kew kandin diyà te etuvangan din.

Salmo 97:1

Edhadì is Nengazen! Umbe ereg he edlipey is kelibutan, ragkes en is menge isla.

Salmo 97:4

Is kilat din neketayew te kelibutan. Ne hein naahà heini te menge etew ne mibpengerker sikandan te kegkahandek.

Exodus 25:22

Ne ebpekidhinguma a kenikew zutun te mid-elangan duen te dezuwa he kirubin he ziyà te zivavew zuen te Kavan, ne ibeǥey ku kenikew is langun he menge velaud ku para te menge Israilihanen.

Isaias 19:14

Edlivegen te Nengazen is menge Ehiptohanen. Egkengeliveg sikandan te langun he ebeelan dan. Iring sikandan te egkelangut he ebpekeziregdireg is ebpekeutà.

Jeremias 4:24

Neehè ku is menge vuntud wey menge vuvungan he nengehuyung.

Jeremias 49:21

Tenged te utew subra he kegkezeeti te Edom egkeenluwag is tanà, ne is erang dan ebpekeuma is kegkezineǥa zuen diyà te Daǥat he Meriǥà.

Jeremias 5:22

Wazà niw ve kedtahud kediey? Maan is wazè kew kerkera ziyà te etuvangan ku? Iyan a is Nengazen migkaǥi te mibeelan ku is beyvey he netemanan te zaǥat. Pirmeninti heini he dulunà ne kenà egkelapew. Edtampil kayi is baǥel piru kenè en edlavey is daǥat kayi.

Jeremias 50:46

Tenged te utew subra he kegkezeeti te Babilonia egkeenluwag is tanà, ne is erang dan ebpekeuma is kegkezineǥa zuen diyà te zuma he menge nasyun.”

Ezekiel 43:7

he migkaǥi kayi te kedì te, “Sikew is etew, iyan heini pinuuwè ku te kedhadì wey untuzà te menge paa ku. Kayi a ed-ubpà duma te menge Israilihanen te wazà pidtemanan. Ne kenè en ed-umanan ebpendezeisaya te menge Israilihanen wey te menge hadì dan is waǥas he ngazan ku pinaaǥi te ked-azap dan te zuma he menge ed-ezapen etawa ked-azap te menge munyumintu te menge hadì dan he nemematey en.