Salmo 82:1 - Manobo Western Bukidnon OT

¹ Midumala te Megbevayà is ketiǥuman te menge gemhanan, ne edhukuman din sikandan.

Salmo 82:1 Marejeleo ya Msalaba

Isaias 3:13

Andam en is Nengazen he edhukum te menge etew zin

Megwewali 5:8

Kenè ka meinuinu emun egkeehè nu ziyà te inged niw he edèdaaǥen is menge pubri, ne kenà ibeǥey kandan is hustu he kukuman wey kenà ebeliyen is ketenged dan. Su haazà is upisyal he edlupiglupig kandan edlevanan te upisyal he lavew kandin, ne heini is dezuwa edlevanan te upisyal he lavew pa kandan.

Salmo 58:11

Dutun ebpekekaǥi is menge etew te, “Tutuu iyan he zuen suhul te menge metazeng; ne zuen Megbevayà he edhukum te menge etew kayi te kelibutan.”

Salmo 138:1

Ebpeselematan ku sikew, Nengazen, te ebpuun kayi te tivuuk he ǥehinawa ku. Egkanta a te menge idalig kenikew ziyà te etuvangan te zuma he menge ed-ezapen.

Exodus 22:28

“Kenè niw sumpelita is Megbevayà wey kenè niw rewaki is ebpengulu keniyu.

Exodus 21:6

Emun iyan haazà, kinahanglan he ed-uwiten sikandin dutun te egalen din diyà te menge zatù. Ne ed-uwiten sikandin diyà te marku te ǥemawan ne ebusluwen is telinga zin. Ne egkehimu sikandin he uripen dutun te egalen din taman te kemetayen din.”

Exodus 18:21

Iyan, pilì ka te metau he menge etew he ebpekeuǥup kenikew te kebpenhusey nu. Kinahanglan he metau sikandan he edhusey, edtahud te Megbevayà, egkeseriǥan, ne kenà edawat te sipsip. Himuwa sikandan he menge zatù te menge grupu te menge etew he tig-1,000, tig-100, tig-50 wey tig-10.

Salmo 50:1

Is Nengazen he iyan kes mekeǥeǥehem he Megbevayà, ebpekidlalag wey ebpengumew te menge etew kayi te tivuuk he kelibutan.

Salmo 58:2

Kenà! Su iyan niw zà ed-isipen is kebaal te mezaat. Ebpelebleviyan niw is menge etew ziyà te inged niw.