Salmo 81:8 - Manobo Western Bukidnon OT

⁸ Sikiyu is menge etew ku he menge tig-Israel, pemineǥa niw is petizaan ku keniyu. Deyzey pezem ke ebpemineǥen a keniyu!

Salmo 81:8 Marejeleo ya Msalaba

Salmo 50:7

Migkaǥi pa is Megbevayà te, “Sikiyu is menge etew ku, pemineǥa niw is egkeǥiyen ku. Iyan a Megbevayà, kes Megbevayà he iyan ed-ezapen niw; iyan a ebpenistiǥus te ebpekesuǥat keniyu te menge tig-Israel.

Isaias 1:19

Emun ebpezumazuma kew kedì, ne edtuvazan ku sikiyu.

Exodus 15:26

Ke sikandin te, “Emun ebpurungan niw ebpemineǥa is lalag ku te Nengazen he Megbevayè niw, wey emun iyan niw ebeelan is mid-isip ku he hustu, wey emun daan kenè niw ebey-anan is menge sulunuzen wey menge suǥù ku, kekenà, ebpezumdumahan niw, ne kenè ku sikiyu ebpeeǥiyan te minsan hengkey he zaru he impaaǥi ku ziyà te Ehipto, su iyan a is Nengazen ebawì keniyu.”

Salmo 81:13

Emun pezem ebpemineg kew kedì wey edtumanen niw is menge paaǥi ku,

Deuteronomio 32:46

migkaǥi sikandin diyà te menge etew te, “Ipependalid niw ziyà te ǥehinawa niw is langun he migkaǥi ku keniyu ǥuntaan. Ne ipenurù niw zaan heini ziyà te menge anak niw su wey zan mepurungi te edtuman is langun he egkekaǥi kayi he menge suǥù.

Deuteronomio 5:27

Iyan ke zà uvey ziyà te Nengazen he Megbevayè tew ne pemineǥa nu is langun he egkeǥiyen din. Ne tudtula nu ziyà te kenami is langun he egkeǥiyen din, su ebpemineǥen dey wey edtumanen dey heini.’

Exodus 17:7

Ne haazà he lugar migngezanan, ni Moises te Masa wey Meriba, su geina te zutun sikandin tebeka te menge Israilihanen wey migezaman dan is Nengazen pinaaǥi te kegkaǥi te, “Midumahan kiw ve te Nengazen etawa wazà?”

Exodus 19:16

Ne hein meselem dutun te iyan en iketelu he andew, nemeransì wey egkeserasab is kilat, ne zuen mekepal he ǥapun he nekeselikuvung dutun te vuntud, ne egkezineg dutun is utew mezaǥing he vudyung. Ne tenged kayi, migkerker te kegkahandek is langun he menge etew ziyà te kampu zan.

Numero 20:13

Haazà he lugar migngezanan te serebseb te Meriba su mibpekidlalis is menge Israilihanen te Nengazen kayi he lugar, wey kayi zaan ipaahà te Nengazen kandan is kegkewaǥas din.