Salmo 81:6 - Manobo Western Bukidnon OT

⁶ “Impelingkawas ku sikiyu te kegkeuripena keniyu; in-awè ku is menge meveǥat he uwiten niw.

Salmo 81:6 Marejeleo ya Msalaba

Isaias 9:4

Su ibpekeziyù nu sikandan diyà te midlupiglupig kandan. Iring sikandan te uyaǥen he ebedtien nu is id-eyuǥu zuen wey is tuked he idlagkut duen. Is ebeelan nu kandan iring te mibeelan nu zengan hein midaag nu is menge Midianhen.

Isaias 10:27

Dutun he andew, ibpeǥawas ku sikiyu puun te ǥehem te Asiria he henduen be te meveǥat he uwiten he midtiang niw wey iring te eyuǥu he nekeveǥat te tengel niw. Ebpekeǥawas kew puun te ǥehem din su egkehimu kew he gemhanan.”

Exodus 6:6

Umbe, keǥiyi nu is menge Israilihanen: ‘Iyan a Nengazen. Ne ibpeǥawas ku sikiyu te kegkeuripena keniyu te menge Ehiptohanen. Pinaaǥi te ǥehem ku, ebpurungan ku edsiluti is menge Ehiptohanen, ne edlibriyen ku sikiyu.

Salmo 68:13

Minsan sikan is mibpetaǥak diyà te tudil te menge kerehidu nekezawat te vahin he menge ledawan he merepatik, he is menge pakpak dan mid-epizan te pelata ne mid-epizan te lunsey he vulawan is purù dutun te pakpak dan.”

Exodus 1:14

Wazè dan kegkehizu te menge Israilihanen. Utew zan midlisedlised sikandan pinaaǥi te kebpeterebehuwa kandan te kebaal te menge brik wey kedsimintu. Ne midrasey zan sikandan te kebpeterebehuwa zan diyà te pemuleey zan.

1 Cronica 4:23

Iyan sikandan kes menge mendiziyun he ziyà ed-ubpà te Netaim wey Gedera. Midterebahu zan para te hadì.

Salmo 114:1

Is menge Israilihanen he menge kevuwazan ni Jacob, mid-ubpè dan dengan diyà te Ehipto, he selakew is kineǥiyan te menge etew zutun.

Salmo 122:4

Kayi ebpevayà is menge tribu te Israel te kedalig te Nengazen, su iyan heini insuǥù din kandan.