Salmo 4:1 - Manobo Western Bukidnon OT

¹ Sikew is metazeng he Megbevayè ku, tevaka a kenikew zutun te ked-umawa ku kenikew. Hein nekebmerasey a zengan, midtevangan a kenikew. Umbe ǥuntaan, pemineǥa nu is menge kebpengemuyù ku wey kehizuwi a.

Salmo 4:1 Marejeleo ya Msalaba

Salmo 119:132

Seǥipaa a wey kehizuwi a, su layun nu heeyan ebeeli ziyà te menge etew he mibmahal kenikew.

Salmo 25:16

Pemineǥa a wey kehizuwi a, su midsebsevaha a ne edèdaaǥen a.

Jeremias 23:6

Iyan heini ngazan he igngazan kandin: ‘Is Nengazen iyan Mibeǥey Kenitew te Ketazeng.’ Dutun he timpu egkelibri is Juda wey ebpekaangken te kelinew is Israel.

Salmo 17:6

Megbevayè ku, ed-ampù a ziyà te kenikew su netuenan ku he edtevaken a kenikew. Pemineǥa nu is ampù ku.

Habakuk 3:19

Iyan sikandin mibeǥey kedì te zesen. Midlig-enan din is menge paa ku, in-iring din te paa te selazeng su wey ku metekezeg is metikang he menge lugar.”

Isaias 45:24

Egkaǥi sikandan te, ‘Pinaaǥi zà te Nengazen ebpekaangken is etew te zesen wey kezeeǥan duma is ketazeng.’ ” Is langun he edumut te Nengazen ed-uvey ziyà te kandin is egkengepeel-elezan.

Salmo 143:2

Peseyluwa a te menge nehimu ku he mezaat is suluǥuen nu. Su wazà minsan hentei he metazeng diyà te etuvangan nu.

Salmo 57:1

Kehizuwi a, Megbevayè ku, su ziyà a te kenikew med-aput, iring a te pispis te tagbis he ebpelekup te iney zin. Ed-aput a ziyà te kenikew taman te wazè en bangkit.

Salmo 45:1

Is isip ku nepenù te mekempet he menge lalag hein idseysey ku en is ebpemulvulakan he menge lalag he para zuen te hadì. Ne is ketau ku te kegkaǥi ne iring te ketau zuen te utew metau he menunurat.

Salmo 22:1

Megbevayè ku, Megbevayè ku, maan is mibey-anan a kenikew? Maan is meziyù ka kayi te kedì? Nezumahan en te zag-es is ked-antus ku, piru wazè e pa ǥihapun kenikew tevangi.

1 Samuel 17:37

Is Nengazen he midluwas kedì dutun te erimaung wey bir edluwas daan kedì kayi te gehem te Filistihanen.” Migkeǥiyan ni Saul si David te, “Uya, hipanew kad, berakat he iyan is Nengazen eduma kenikew.”

Salmo 76:1

Diyà te Juda nekilala utew is Megbevayà; nevantug sikandin diyà te Israel.

Salmo 67:1

He Megbevayà, kehizuwi key wey tuvazi key. Ipeehè nu kenami is keupiya nu,

Salmo 42:1

Is kebpenginahanglan ku kenikew te Megbevayè ku, iring te kebpenginahanglan te selazeng te wahig emun egkemezahan sikandin.

Salmo 31:8

Wazà a kenikew iveǥey ziyà te menge kuntada ku, kekenà, midlibri a kenikew te kezeetan.

Salmo 24:5

Edtuvazan wey ed-isipen sikandin he metazeng te Nengazen, is Megbevayà he menluluwas din.

Salmo 11:7

Su metazeng is Nengazen ne iyan igkelipey zin is metazeng he menge vaal. Umbe, is etew he edtinazeng ebpekeuvey ziyà te etuvangan din.

Salmo 116:16

Nengazen, tutuu he suluǥuen a kenikew. Impelingkawas a kenikew hein nevihag a.

Salmo 116:6

Egkelesaǥan din is iring te kedsarig te vatà is kedsarig dan kandin. Hein wazè ku en egkehimu, midlibri e zin.

Salmo 56:1

He Megbevayà, kehizuwi a kenikew, su edsurungen a te menge kuntada ku. Layun e zan edresaya.

Salmo 41:12

Tenged te wazà mezaat he vaal ku, ne idtuǥut nu he mekeubpà a zuma kenikew te wazà pidtemanan.

Salmo 6:1

Nengazen, minsan duen nu pauk kedì, ne kenà a kenikew siluti.

Job 36:16

“Inlikey ka te Megbevayà te kezeetan wey wazè ke zin ipeveyveyai te zuma, ne impeuswag ke zin. Ne nepenù te metaam he keenen is lemisahan nu.