Salmo 26:1 - Manobo Western Bukidnon OT

¹ Nengazen, ipeehè nu he wazè ku salà, su nengungubpaan a he wazà igkesawey kedì ne mibpurung a medsarig kenikew.

Salmo 26:1 Marejeleo ya Msalaba

Salmo 28:7

Iyan ka mibeǥey kedì te zesen; iyan ka migkelasag kedì. Midsarig a kenikew ne edtevangan a kenikew. Umbe utew a melipayen ne migkanta a te peselamat diyà te kenikew.

Salmo 7:8

Iyan ka, Nengazen, edhukum te menge etew. Ipeehè nu he wazè ku salà, su netuenan nu man he metazeng a ne wazè ku mibeelan he mezaat.

Erubasa 20:7

Is etew he metazeng kenà egkesewayan is menge ulaula zin. Deyzey is menge anak te etew he metazeng su ketazeng is egkelingehè dan.

Salmo 21:7

su edsarig man sikandin kenikew te Nengazen he iyan kes Utew Lavew he Megbevayà. Ne tenged te kebmahala nu kandin, ne kenà sikandin egkemenu.

2 Hadì 20:3

Ke sikandin te, “Nengazen, tentenuzi nu is kegkemepezumdumahan ku kenikew kayi te kebpengungubpaan ku, nenilbi a kenikew te ebpuun diyà te gehinawa ku, wey meupiya is baal ku ziyà te etuvangan nu.” Ne utew sikandin nekesineǥew.

1 Samuel 24:15

Iyan is Nengazen edhukum kenita wey edtimbangtimbang ke hentei is selaan kenita te zezuwa. Deyzey ke seǥipaa e zin, ne levani e zin wey luwasa e zin diyà te kenikew.”

Erubasa 29:25

Is kegkahandek, ebpekezezaat te etew; iyan, ke edsarig ki zà te Nengazen, ne wazè ta igkemenu.

Salmo 121:3

Kenè din idtuǥut he meseligkat ka. Sikandin is ed-ipat kenikew, ne kenà ebpekelipezeng.

Salmo 94:18

Hein migkaǥi a ziyà te kenikew, Nengazen, he henduen be te ebpatey ad, midtevangan a kenikew su mibmahal a kenikew.

Salmo 62:6

Iyan dà sikandin endilungè ku wey menluluwas ku. Iyan sikandin eputè ku, umbe kenà a egkezeetan.

Salmo 62:2

Iyan sikandin endilungè ku wey menluluwas ku. Iyan sikandin eputè ku, umbe kenà a egkezeetan.

Salmo 54:1

He Megbevayà, libriya a; pinaaǥi te ǥehem nu, petueni nu he wazè ku salà.

Salmo 43:1

He Megbevayà, ipeehè nu he wazè ku salà, ne levani a su wey a kenà mezezeeti te menge etew he kenà edtuu te Megbevayà. Libriya a te kedezeeti kedì te limbungan wey lalung he menge etew.

Salmo 37:31

Edtipiǥan din diyà te ǥehinawa zin is menge kesuǥuan te Megbevayè din ne kenè din heini edrepasen.

Salmo 35:24

Nengazen he Megbevayè ku, ǥeina te kenè ka ebpemintahà, ne ipetueni nu te menge etew he wazè ku salà. Kenè nu ituǥut he ed-eengitan e zan.

Salmo 31:14

Iyan, midsarig a ziyà te kenikew, Nengazen. Iyan ka Megbevayè ku.

Salmo 26:11

Iyan, siak mulà, wazà igkesawey kediey, umbe libriya a wey kehizuwi a.

Salmo 25:21

Metazeng a wey wazà igkesawey kediey; umbe iyan ke en metau he kenà a mekeizi. Edsarig e zà kenikew.

Salmo 15:2

Is tavak te Nengazen, “Iyan is etew he wazà duen igkesawey wey meupiya is menge ulaula zin. Tutuu wey tinutuuwà is kegkaǥikaǥi zin.

Salmo 4:5

Sarig kew ziyà te Nengazen ne iyan niw layun ul-ulaha is kebpemuhat te hustu he menge pemuhat.

1 Samuel 2:9

Ebentayan din is gaked din he menge metinumanen, ne is menge mezaat ne edèdeetan din. Su wazà etew he ebmezeeǥen pinaaǥi zà te kandin he ebilidad.

Job 2:3

Migkaǥi is Nengazen diyà te kandin te, “Neseǥipè nu ve is suluǥuen ku he si Job? Wazà iring kandin diyà te kelibutan. Metazeng sikandin wey wazà igkesawey kandin. Midtahud e zin wey ebpeninguhà he kenà mekevaal te mezaat. Wazà maawà is kegkemepezumdumahan din kedì minsan pa ke impepesipelahan nu sikandin kedì te wazà hinungdan.”

Job 4:6

Kenè be ke edtahud ka te Megbevayà wey metazeng ka, duen nu kedsarig wey perateng?