Salmo 127:1 - Manobo Western Bukidnon OT

¹ Emun kenà edtavang is Nengazen te kedtukud te valey, ne kenà ebpulus is kahaǥù te midtukud kayi. Emun kenà ebentayan te Nengazen is inged, ne kenà ebpulus is kebentayi kayi te menge vantey.

Salmo 127:1 Marejeleo ya Msalaba

1 Hadì 5:12

Mibeǥayan te Nengazen te ketau si Solomon sumalà is pesarig din. Meupiya is kedepità ni Solomon wey si Hiram, ne mid-uyun dan he kenè dan ebpetebekà.

1 Cronica 28:10

Umbe, is-isipa nu heini purungi. Mibpilì ka te Nengazen he ibpetukud duen te valey te Nengazen. Pekelig-en ka, wey terebehuwa nu heini he vuluhaten.”

1 Cronica 28:20

Migkeǥiyan daan ni David is anak din he si Solomon, “Mebpekelig-en ka wey mebpekevurut ka. Puuni nu en is kebpeterebahu. Kenè ka mahandek wey mebmeluya, su is Nengazen he Megbevayà, he Megbevayè ku, eduma kenikew. Kenè ke zin ed-ewaan wey ebey-anan taman te egkepasad is langun he terebahu para te valey te Nengazen.

1 Cronica 29:19

Wey iveǥey nu zaan diyà te anak ku he si Solomon is dekelà he tinguhà te kedtuman te menge suǥù nu, menge penurù, wey te menge sulunuzen, wey te kebaal te langun he ibpetuman ku mehitenged te kedtukuza te valey te Nengazen he mibpurungan ku pengendami.”

Salmo 120:1

Dutun te kedlised ku, mid-umew ku is Nengazen ne midtavak e zin.

Salmo 121:1

Midtengtengan ku is menge vuvungan; hendei ves ebpuun is tavang kediey?

Salmo 122:1

Nelipey a hein migkeǥiyan e zan te, “Edhendiyè kiw te valey te Nengazen.”

Salmo 123:1

Nengazen, edlingahà a kenikew; diyan te kenikew he ebpimpinuu te pinuuwè nu te kedhadi diyan te langit.

Salmo 124:1

Emun wazè kiw levani te Nengazen, hengkey vuwa is egkehitavù kenitew? Tavak kew is menge tig-Israel!

Salmo 125:1

Is menge etew he edsarig te Megbevayà ne iring te Buvungan he Zion he kenà egkehuyung, kekenà, kenà egkaawà te wazà pidtemanan.

Salmo 126:1

Hein impeuman ipeuswag te Nengazen is Zion, henduen be te teǥeinep dà heini.

Salmo 72:1

He Megbevayà, penurua nu is hadì te kenikew he paaǥi te kedhukum he metazeng,

Salmo 78:69

Dutun din benguna is baley zin, ne iring heini te langit wey tanà su taman te taman is kelig-en kayi.

Erubasa 16:9

Pinaaǥi te isip te etew edhimuwen din is pelanu zin piru iyan egiya kandin is Nengazen.

Megwewali 9:11

Duen pa neehè ku kayi te kelibutan: kenà is langun he mezesen he ebpelelaǥuy he ebpekezaag te lumbà, wey kenà is langun mezesen he ebpekezaag te tebek. Kenà is langun he uluwanen he ebpekaahà te igkeuyag-uyag dan, kenà is langun he uluwanen ne edsepian. Su egkeseǥazan te uman sevaha he etew is imbanglis kandin.

Solomon 3:3

Naahà a te menge vantey zutun te edrunda sikandan dutun te inged. Mid-insaan ku sikandan te, “Neehè niw ve is minahal ku?”

Solomon 5:7

Naahà a te menge vantey zutun te kedrunda zan diyà te inged. Midlagkut e zan ne nepelian a. Migkuwa zan is samput ku.

Isaias 27:3

Iyan a, is Nengazen, mid-etiman keniyan he pemuleey te paras. Layun ku heini ebinyaǥi. Ebentayan ku heini te maandew wey mezukilem su para wazà ebpekezezaat kayi.

Isaias 56:10

Su is menge pengulu zan he iyan pezem impevantey kayi he nasyun, henduen be te menge lakap wey wazè dan ketau. Iring sikandan te menge perevantey he asu he emew he kenà ebpekeǥevu. Iyan dà egkesuatan dan is kedleku, kedlipezeng, wey kebpeneǥeinep.

Isaias 62:6

He Jerusalem, mibpeventayan ku te menge vantey is menge verengbeng nu, ne kenà sikandan ed-engked te ked-ampù te Nengazen. Sikiyu is ebuyù te tavang te Megbevayà, penigudu kew medhangyù.

Jeremias 51:12

Ivayew niw is bendirà niw he tuus te kedsurung niw ziyà te Babilonia. Umani niw pa is menge vantey ne ipepelastar sikandan peliǥuy te inged! Ne ibpepurung ibpepengandam para te tebek su timpu en heini he ebeelan te Nengazen is pelanu zin te kedezaat te menge etew ziyà te Babilonia.”

Jeremias 51:31

Ebpekedtutundug is menge menunudtulà te kegkaǥi ziyà te hadì te Babilonia he is tivuuk he inged din, naaǥew en.

Deuteronomio 8:18

Piru tentenuzi niw he iyan is Nengazen he Megbevayè niw mibeǥey keniyu te ebilidad he insepian niw, ne mibeelan din heini su para metuman din is kebpekid-uyun din keniyu he impenangdù din diyà te menge kepuun niw. Ne edtumanen din en heini ǥuntaan.

Josue 2:2

Ne netudtulan is hadì diyà te Jerico, he zutun he kezukileman duen nekeuma he menge Israilihanen te kebpeniid kandan.