Salmo 102:9 - Manobo Western Bukidnon OT

⁹ Edsudien e zan su wazè ku en kaankaan, ne ebpekezuzungul e zà diyà te avu is edsineǥew

Salmo 102:9 Marejeleo ya Msalaba

Salmo 42:3

Maandew wey mezukilem is kebpekesineǥew ku ne samè dà kenè ku meinum is luhè ku, ne zutun edtulung ed-insà is menge etew te, “Hendei en be is Megbevayè nu he edtavang kenikew?”

Salmo 80:5

Mibpenù key kenikew te seeng ne samè dà kenè dey meinum is luhè dey.

Micas 7:17

Edula zan diyà te tanà iring te uled tenged te kegkeeled dan. Egawas sikandan diyà te elesè dan is egkerkeren tenged te kegkahandek dan kenikew, te Nengazen he Megbevayè dey.

Micas 1:10

“Sikiyu is menge tig-Juda, kenè niw tudtuli is menge kuntada tew he menge tig-Gat bahin te kezeetan he ebpekeuma ziyà te kenitew. Kenè niw ipaahà kandan he edsineǥew kew. Ne ipeehè niw mulà is kegkeseeng niw ziyà te Bet Leafra pinaaǥi te kedtelilid niw ziyà te tanà.

Isaias 44:20

Iring dà sikandin te migkaan te avu. Is nerusireman he isip din iyan midtazin kandin, ne kenè din egkelibri is keugelingen din. Kenè din egkezawat he haazà is ed-ezapen he migewezan din ne kenà tutuu he megbevayà.

Salmo 69:21

Midsevukan dan hinuun te hilu is keenen ku, ne hein egkemezahan a, sukà is imbeǥey zan kedì.

Job 3:24

Kenà a ebpekekaan tenged te subra he kegkeseeng, kenè en egkeengked is kebpekezag-es ku.

Salmo 42:11

Maan is egkeseeng a wey egkeǥiyaǥiya? Te ereg e man he edsarig kenikew, ne ed-umanan ku sikew edeliǥa is menluluwas ku he Megbevayè ku.