Salmo 102:8 - Manobo Western Bukidnon OT

⁸ Layun a ebpeel-elezi te menge kuntada ku. Edsudien e zan ne egemiten dan he petug-iring is mezaat he kebpekesavuk ku emun edrewakan dan is duma.

Salmo 102:8 Marejeleo ya Msalaba

Jeremias 29:22

Heini is egkehitavù kandan egemiten te menge tig-Juda he mibihag diyà te Babilonia emun ebpenrawak dan te zuma. Egkaǥi zan te, ‘Berakat he himetayi ka te Nengazen iring ki Zedekia wey ki Ahab he intavun te hadì te Babilonia.’

Isaias 65:15

Egemiten te menge pinilì ku is ngazan niw emun ebpenrawak dan, ne siak, is Nengazen he MEGBEVAYÀ, iyan a edhimatey keniyu. Piru is menge suluǥuen ku egngezanan ku te veǥu he ngazan.

Salmo 89:51

Iyan, is menge kuntada nu, Nengazen, edsudì te pinilì nu he hadì minsan hendei sikandin ebayà.

Salmo 69:20

Inmesakit te ǥehinawa ku is kebpeel-elezi zan kedì ne mibmezaat is isip ku. Ebperetengen ku is kegkehizuwi kedì, piru wazà nehizu kedì. Ebperetengen ku is kedlipaya kedì, piru wazà midlipey kedì.

Salmo 55:3

Egkeǥiyaǥiya a te kebpenhulgà wey kebpendaagdaag te lalung he menge kuntada ku. Su edsinemukan e zan wey edumutan tenged te kegkepeuki zan kedì.

Salmo 2:1

Maan is ed-isipen te menge etew is kedsukul te Nengazen? Maan is ed-isipen dan is wazè din pulus?

Salmo 41:5

Mezaat is migkaǥi te menge kuntada ku mehitenged kedì. Ke sikandan te, “Deyzey ke ebpatey en sikandin su wey melipati en.”

Salmo 77:5

Ed-isipen ku is nemenlavey he menge andew wey is menge tuig he neuǥet en he nenlavey.